Nafarroako Legebiltzarrean datorren urteko aurrekontuak ixteko negoziazioetan ari dira egunotan alderdiak, eta horietan adostutakoaren arabera, euskararen Euskararen Nafar Institutuak iaz baino 1,3 milioi gehiago izango ditu.
Aurrekontuaren diru horretatik bederatzi milioi euskararen sustapenera bideratuko dira zuzenean eta gainerakoa Euskarabideko pertsonala eta bestelako jarduera administratiboetarako izango da. Esate batera, 3,1 milioi euro bideratuko dira herritar helduek euskara ikasteko laguntzetara, eta 1,4 milioi euskarazko hedabideetara.
Emendakina hauen arabera, halaber, Laba elkarteak 26.000 euroko diru-laguntza izango du, Nafarroa Oinezek 10.000, Euskarabentura Elkarteak beste 5.000, eta beste 5.000 Loraldia-Iruñaldiak.
UPNk agindu izan zuen garaietatik gaurdaino Euskarabidearen aurrekontuak asko hobetu dira. 2015eko aurrekontua 2,1 milioi eurokoa izan zen, eta orduz geroztik diru kopuruak hobetzen joan dira. Oraindik alabaina, konparaketak egin nahi badira, oso urruti daude Eusko Jaurlaritzak Hizkuntza Politikarako bideratzen duenetik, zeinak 2025eko aurrekontuetan 88 milioi euro aurreikusten duen hizkuntz politikarako.
Aipatutako emendakin horiez gain, beste alorretako beste hainbat aztertu ziren asteazken honetan Nafarroako Legebiltzarrean, eta lotura honetako azpiataletan kontsulta daitezke.