2012an hasiera eman zutenetik eginiko ekintza desberdinen ondorioak atera dituzte. 200 herritara iristen den #Euskararipuzka ekimenaren balantzea egin dute. 12.000 saski baino gehiago banatzen dituzte produktu desberdinekin eta 2014. eta 2015. urteetan 160.000€ inguruko ekarpena egitera iritsi dira.
#Eskutikeskura ekimena ere 70 herritara zabaldu da, olio bidoiak eta kontserba loteen salmentak eginez. Bi bide hauetatik udazkenean produktuen ezagutza indartuko du eta euskarari ekarpen ekonomikoa egin nahi dio erakundeak.
Eginiko diru ekarpenak gorantz egin dute urtetik urtera. Nafarroa hegoaldeko euskalgintzari 500.000€-ko ekarpena egin dio eta eskualdeko ekoizpenari bi milioi ingurukoa.
Etorkizunera begira, #Euskararipuzka eta #Eskutikeskura kanpainak hobetu nahi dituzte, formula aldaketak bideratuz. Horiez gain, #Merkatuberria ekimena abiatuko du Errigorak, kanpainaz kanpo denda, jantoki eta elkarteak saretzeko asmoarekin.
Produktu agroekologikoen aldeko apustua egin nahi du eta produktu berrien ekoizpena sustatu: lekale, zereal… Horretarako 30 ekoizle biltzera heltzea da helburua.
Euskararen esparruan diru ekarpenak milioi bat eurotara iristea aurreikusten dute. Heldu eta haurren euskalduntzeaz gain, eremu berriak euskalduntzeko bidea jorratzeko. Ekoizleen artean ere euskararen presentzia areagotu nahi dute. Elkarlanaren eta auzolanaren beharra azpimarratu dute helburuak lortzeko bidean.
Hemen Errigorak dituen helburuak azaltzeko eginiko aurkezpen bideoa:
Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.
Euskara hauspotzeko lan egiten duten eragileak ekonomikoki hornitzea da ekimenaren xedea. Ekarpena egiteko bertako produktuen saskiak erosteko aukera izango da urriaren 24tik azaroaren 14ra bitartean.
Nafarroako erdialde eta erriberako nekazariei eta euskalgintzari babesa adierazteko produktu loteen eskaerak egin daitezke Errigora. eus webgunearen bitartez. 'Eutsi geureari' izeneko kanpaina abiarazi zuten atzo eta martxoaren 13ra arte aukera dago saski horietako... [+]
Hamar urte dira saskiekin hasi zirela eta bi milioi euro bildu dituzte guztira.
50 euroko saski bakar eta "biribila" eta komunitatea batuko duen argazki erraldoia atera nahi dituzte urteurrena ospatzeko kanpainan. Azaroaren 9ra bitartean egin daiteke saskien eskaera.
Nafarroa erdi eta hegoaldean euskaraz ikasi bai baina erabiltzeko aukera gutxi du haur askok. Herri horietan aisialdia euskaraz gozatu ahal izateko asmoz jaio ziren Jolasteka ludoteka euskaldunak. Ikasturte honetan gutxienez 16 herri, 22 jolasteka eta 3 eta 12 urte arteko 211... [+]
Iazko udan suteek panorama iluna utzi zuten Nafarroan, argazkiko San Martin Unxen lurren %95 kiskali zuten. Asko hitz egin zen hedabideetan suteek eragindako kalteez, baina nola aurre egin gero eta sute gehiago eman daitezken testuinguruari? Nafarroako Gobernuaren interes falta... [+]
Errigoraren baitan dauden ekoizleetatik zazpik parte hartzen dute jantokietarako formatu eta eskaintzan egokitzapenak eginez. Ager eremuko baratzeetan dauden produktuak prestatzen dituzte. Produktu horiek jantokietan sartuz gero, euskal lurraldeen artean "harreman iraunkor... [+]
Osotara, 9.000 eskaera jaso ditu euskara eta elikadura burujabetzaren aldeko ekimenak 'Eskutik eskura' udaberriko kanpainan. Laster Euskal Herriko txoko guztietara iritsiko dira eskaerak.
Euskara, elikadura burujabetza eta auzolana bultzatzea dira Errigoraren helburu garrantzitsuenak. Bost ekoizlerekin hasi ziren 2013an, baina gaur egun dagoeneko 23 dira, eta beraz, urrats bat gehiago eman beharra sentitu dute: Errigora identifikatzailea.
Ekainean Nafarroak inoiz jasan gabeko kalteak izan zituen suteen ondorioz. Errigora ekimenak diru bilketa abiatu zuen uztailean, ondorioak bideratu ahal izateko eta "lurrarekiko begirunez jardungo duten ereduak" sustatzeko. 85.000 euro bildu dituzte Euskal... [+]
“Bat egiteko garaia da” lelopean burututako kanpainari esker 13.000 saski banatuko dira hurrengo egunetan eta 200.000 euroko ekarpen ekonomikoa bideratuko du Ager zonaldeko euskalgintzaren egitasmoetara. Euskaraldia azaroaren 18an hasiko da, eta ariketa sozial masibo... [+]
Euskararen Foru Legeak nafarrak diskriminatzen ditu, eta hizkuntza eskubideak esleitzen zaizkie bizi diren eremuaren arabera. Bada, duela urte batzuk ereiten hasi ziren hamaika ekimen zonifikazioari aurre egiteko, eta udazken honetan inoiz baino indartsuago hasi dira euskarari... [+]