Euskal Selekzioak Tunisia izango du aurkari urtero gabonetan jokatzen duen partidan. Abenduaren 26, astelehenean izango da norgehiagoka, seguraski San Mamesen, oraindik baieztatu ez den arren.

Atzo ezagutarazi zenez, Jose Mari Amorrortuk Javier Iruretaren lekua hartuko du hautatzaile lanetan, Mikel Etxarri mantenduta. Amorrortuk Athletic-eko behe mailetako arduradun lana Euskal Selekzioarekin uztartu beharko du beraz.