Euskal internazionalista bat atxilotu dute Kurdistanen, bonbardatutako eremu bat bisitatu ondoren
Eduardo Izarzugaza euskal internazionalista atxilotu dute Kurdistanen, bonbardatutako eremu bat bisitatzetik bueltan zetorrela.
ARGIAk jaso duen informazioaren arabera, Amed probintzian dagoen Lice hiria bisitatzen izan dira hainbat mugimendu internazionalistatako kideak ostegun honetan, hain zuzen zonalde hori Turkiako armadaren bonbapean izan delako azken hilabetean. Euskal delegazioa hamaika lagunek osatzen dute eta haiekin batera daude Kataluniako eta Italiako beste internazionalista batzuk.
Larunbatetik dago Kurdistanen talde hori eta datorren igandera arte han egotea zuten hasierako asmoa. Newroz eguna baliatuz egin dute bidaia, bertako egoeraren berri izateko.
Atxiloketaren unea
Armadaren erasoa jasan duen lekua ikusi ondoren, "segurtasun neurri handiak" aurkitu dituzte irteeran, bertatik informatu dutenez. "Bitan identifikatuak izan ondoren irtetea erabaki dugu", azaldu dute. Baina bueltan zetozela, kontrol batean geldiarazi dituzte.
Bi ordu inguru eduki dituzte, tanketekin eta fusilez armatutako poliziaz inguratuta. Telefono mugikorrak kendu dizkiete, hasieran talde osoa atxilotzearekin mehatxatu dituzte eta Izarzugazarenean ikusitako irudi bat erabili dute haren atxiloketa justifikatzeko arrazoi gisa.
Komisaldegi antiterrorista batera eraman dutela salatu dute gertuko iturriek, non 24 orduz eduki dezaketen atxilotuta abokaturik gabe.
Turkiaren jarreraren erakusgarri
Lerro hauek idazten ari diren unean "esperoan" daude euskal internazionalistak. Abokatuekin hitz egin dute, baita hango diputatuekin ere, baina momentuz ez dago berririk.
Bertatik informatu duen internazionalista batek nabarmendu duenez, Turkiako egoeraren erakusgarri da beraiei gertatu zaiena. "Herri kurduak egunero bizi du hau, baita egoera gordinagoak ere", azaldu du.
Izarzugaza askatzeko eskatu du EH Bilduk
EH Bildu koalizioak Izarzugaza berehala askatzeko eskatu du Twitter bidez.
Israel entitate sionista Palestinan egiten ari den "genozidio eta sarraski terrorista" salatzeko Lekeitioko hainbat eragilek txandakako hamar orduko elkarretaratzea egingo dute abenduaren 28an.
Berriki Pierre Carles dokumental egile engaiatuaren azken lana ikusteko aukera izan dut. Guérilla des FARC, l'avenir a une histoire (FARC gerrilla, etorkizunak historia du) du izena eta Kolonbian mende erdi baino gehiago iraun duen gatazka armatuaren kontakizun... [+]
Palestinarekin Elkartasunak "sionistekin harreman oro etetera" deitu du. Kanpaina bat jarri dute abian Euskal Herriak Israelgo estatu terroristaren bizirautea bermatzen duten harreman militar, diplomatiko eta kulturalak seinalatu eta hauen etetea exijitzeko. Pasa den... [+]
Palestina, mediatikoki aurkeztua ez den bezala, aipatu zen joan den larunbatean Makean, mintzaldi, tailer, merkatu eta kontzertuen bidez.
Josune Arriaga eta Aurken Sola, hurrenez hurren, hamalau eta hamasei urteko espetxealdien ostean, baldintzapeko askatasunean irten dira kalera Espetxe Zaintzako Epaile Zentralaren ebazpenaren bidez.
Ostegun arratsaldean hasiko dira baraualdiak, eta bost gune antolatu dituzte ekimenari lotuta: Bilbon, Altsasun, Donostian, Gasteizen eta Iruñean. Larunbat eguerdian, berriz, manifestazio handi bat egingo dute Bilbon, palestinar erresistentziarekin elkartasunez eta... [+]
Su etenaren aldeko kolektiboek, osasun langileek, suhiltzaileek, kirolariek…bat egin dute Golem zinemetatik irtengo den protestaren deialdian. Duela urtebete gogortu zen sarraskia salatu eta 76 urtez luzatu den Palestinarren borrokari elkartasuna adierazteko manifestazioa... [+]
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.
Euskal Herria Bizirik eta Askapena brigada bat antolatzeko elkartu dira. Europan lurraldearen defentsan dauden bi borroka bisitatuko dituzte: Lurraren Altxamenduaren borroka Frantziako Estatuan, eta NO TAV mugimendua Italian.
Maiatzean jarri zieten debekua, berriki salatu dutenez. Larunbatean, Palestinarekin elkartasunez mobilizatu ziren Hego Euskal Herriko parke denetako suhiltzaileak.
Uribe Kostako Palestinaren aldeko Khalas! elkartasun taldeko hainbat kidek salaketa ekintza egin dute Eusko Jaurlaritzak Bilbon duen egoitza barruan. Jaurlaritzak Israelekin dituen harremanak azaleratu eta salatu nahi izan dituzte.
Contigo-Zurekin taldeak proposatutako ebazpena onartu du Nafarroako Parlamentuak, EH Bildu eta Geroa Bairen aldeko bozkekin. Israelek Gazan duen jarrera genozida salatu eta neurriak hartzeko eskatu dio Parlamentuak Nazioarteko Olinpiar Batzordeari.
Hiru militante euskaldun itsasoratuko dira Gazara bidean apirilaren 21ean, Turkiatik irtengo den Askatasunaren Ontzidian: Pili Revilla, Agus Gorbea eta Mikel Zuloaga ‘Mikelon’. Ostegunean hartu dute Bilbotik Istanbulera eraman dituen hegaldia, eta bi egun lehenago... [+]