Euskal Herriko lau muga pasabidek itxita jarraitzen dute bi urtez jadanik
Bada bi urte jadanik Izpegi, Aldude, Larraine eta Hendaiako Avenida zubiko mugak hetsiak direla. Pasa den urtarrilaren 19an Emmanuel Macron eta Pedro Sanchez bildu ziren Bartzelonan horien aipatzeko.
Larraineko eta Itzaltzu arteko muga, itxita.
Batzorde bat muntatzea deliberatu dute Frantzia eta Espainiako gobernuek, baliabideak juntatzeko "terrorismoaren eta immigrazioaren kontrako borrokan". Ez dute, aldiz, mugen irekitzeaz deus erabaki.
Kexua ez da ttipitzen eta egoerak ondorioak badituenez galdegin diogu Larraineko auzapez Jean Dominique Iriarti.