Ekainaren 28an, Harrotasunaren nazioarteko egunean, Euskal Herriko herri eta hiri askotan egin dituzte manifestazioak. LGBTI+ kolektiboak berdintasunaren alde lortutakoa arriskuan ikusten ditu.
LGBTI+ kolektiboak kalera jo du ekainaren 28an. Harrotasuna eta komunitatea aldarrikatzeaz gain, pinkwashing-a eta ultraeskuindarren erasoak ere salatu ditu.
Donostian, harrotasuna eta komunitatearen beharra aldarrikatu dute, ultraeskuindarren mehatxuaren ondorioz LGBTI+ komunitateak lortutako eskubideak galtzeko arriskuaren aurka.
Bilbon, pinkwashing edo “zuriketa arrosa” salatu dute, Pinkwashing-ak itotzen gaitu, transmaribollo antolakuntza lelopean. “Harrotasuna ez dago salgai” edo “inor ez da ilegala” oihukatu dute, besteak beste.
Gasteizen, Zaindu dezagun elkar faxismoaren kontra hartu dute manifestazioaren lelo nagusi gisa, eta ultraeskuindarren erasoen aurka elkartzearen beharra nabarmendu dute.
Iruñean ere mobilizazioak egin dituzte. Iruñeko Udalak ez du jarri LGBTI+ bandera udaletxeko fatxadan; PSNek, Geroa Bai-k, Contigo-Zurekin-ek eta EH Bilduk erabaki hau kritikatu dute, eta LGBTI+ pertsonek behar duten ikusgarritasuna aldarrikatu dute.
Biarritz aurreratu egin zen, eta harrotasun martxa ekainaren 17an egin zuten han.
