Euskal Herri osoko Herri Harresia nola sortu aztertu dute Konpromiso Egunean
Makro-epaiketen salaketatik eskubide zibil eta politikoen defentsara salto egitera bidean, mugimendua nola indartu eta nola koordinatu aztertu dute Eleak mugimenduak eta Libre dinamikak asteburu honetako Konpromiso egunean.
Larunbat goizean Eleak mugimenduaren eta Libre dinamikaren baitan sortutako herri eta auzoetako taldeak nola antolatu eta indartu eztabaidatu dute.
Urraketa orori erantzuna emanen dion Euskal Herri osoko Herri Harresia osatzea jarri dute helburutzat: “Defentsa edo erresistentzia ikuspuntu batetik borroka ideologikorako jauzia egitea lortu behar dugu”. Horretaz hausnartzeko eztabaida prozesua abiarazi dutela jakinarazi dute: “Gure helburua masa kritikoa gorpuztea izan behar da”.
Antolakuntzari dagokionez, herrietako dinamikak mugimenduaren “bihotza” diren bezala, borroka “eraginkorra” izateko ez ote den behar indarrak “batu eta koordinatuko” dituen gune bat eztabaidatzen ari dira. Gune hori Eleak izan litekeela adierazi dute.
Arratsaldean manifestazioa egin dute “Desobedientziaz libre, epaiketa politikorik ez” lelopean. Epaiketa politikoen amaiera eskatzen duten oihuen artean manifestazioak Donostiako karrikak laranjaz blaitu ditu.
Txerra Bolinaga Eleakeko kideak mugimendua indartu eta koordinatzeko garaia ez ezik, makro-epaiketen aurka aritzetik eskubide zibil eta politikoen defentsara salto egiteko garaia dela nabarmendu du. Era berean ate joka dauden auziei adi egoteko deia egin du.
“Desobedientzia, elkartasunetik konpromisora" dokumentala ere aurkeztu dute. Eskubide zibil eta politikoen aldeko mugimendua ikusarazi eta ikus-entzunezkoa eztabaidarako tresna izatea nahi dute. Horretarako dokumentala herri eta auzoetan proiektatzeko asmoa dute.
"Kartzelak husteko garaia" zela argudiatuta, Urtza Alkorta ondarrutarraren atxiloketa saihesteko zubi harresia eraiki zen Ondarroan 2013ko maiatzaren 10ean. Lau egunetan, Ondarroatik egindako aldarriak Euskal Herriko mugak gainditu zituen.
Igandean, apirilak 7, espetxetik irten da Ekaitz Ezkerra preso politiko donostiarra, sei urteko espetxe zigorra bete ostean. 2013ko apirilaren 30ean atxilotu zuten Ezkerra, Donostiako Askegunean, Segiko kide izatea leporatuta. Orduan atxilotu eta espetxeratutakoetatik Ezkerra... [+]
They were arrested in 2015 after being accused by the Ertzaintza (Basque police) of being members of pro-independence organization Segi. The Spanish Constitutional Court has now declared the order for arrest and imprisonment invalid and “against the law and rights”.
2015ean atxilotu zituen Ertzaintzak Segikoak izatea leporatuta Espainiako Auzitegi Nazionalak epaitutako zazpi lagun, horietatik hiru Gasteizen egindako “herri harresian”. Defentsak Auzitegi Gorenean jarrita zuen helegitea aintzat hartu eta gazteak kartzelaratzeko... [+]
Loiolako Herri Harresian parte hartzeagatik jarritako zigorra ordaintzea lortu dutela informatu du Eleak-Libre mugimenduak. Esteban Orbegozo azpeitiarrari eta Beñat Hach Embarek ormaiztegiarrari 23.663 euroko isuna jarri zieten eta herriz herri egindako ekimenen bidez... [+]
Loiolako herri harresian atxilotu zituzten Esteban Orbegozo azpeitiarraren eta Beñat Hach Embarek ormaiztegiarraren kontrako epaiketak eta prozesuak eragin dituen gastuei aurre egiten laguntzeko bertso saioa izango da ostiralean, Azpeitiko Gaztetxean. Aitor Bizkarra,... [+]
Alcalá de Henareseko epaitegian izango da 50 lagunen kontrako epaiketa. Bost hilabeteko espetxe zigorra eskatzen dute bakoitzarentzat 2015eko epaiketa batean publiko gisa herri harresia irudikatzeagatik eta gazte auzipetuei babesa emateagatik.
Euskal gazteriaren aurkako Espainiako Estatuaren errepresioaren erdian, 2014ko irailaren 22an, Loiolako Basilikaren eskalinatan Herri Harresia egin genuen, epaiketara aurkeztu ez ziren bost euskal gazteak babesteko asmoz. Bertan izan ziren, beste ehunka herritarren moduan,... [+]
Esteban Orbegozo eta Beñat Hach Embarek zigortzea erabaki du Gipuzkoako Lurralde Auzitegiak, ertzain bat zauritu izana leporatuta. Dirua biltzeko hainbat ekimen antolatuko dituzte.
Donostiako Herri Harresian atxilotutako gazteen abokatuek Espainiako Zigor Kode berriaren arabera gradua jaisteko eskatu zuten, baina Auzitegi Gorenak ukatu egin du eta beraz, sei urteko kondena osotasunean bete beharko dute, espetxean jarraitzen duten bost gazteek.
IV Libre Topaketak egingo dituzte ostiralean eta larunbatean, Donostian, Eleak-Libre mugimenduak antolatuta, Mozal Legea salatu eta Aske Gunean atxilotutako gazteen askatasuna aldarrikatzeko.
Donostiako Askegunean atxilotu zuten Oier Lorente eta lau urteren ostean atera da kartzelatik; Segiko kide izateagatik 6 urteko espetxe zigorra ezarri zion Auzitegi Nazionalak.
Donostiako Askegunean atxilotu zuten Aitor Olaizola eta lau urteren ostean atera da kartzelatik, orotara sei urteko espetxe zigorrarekin ordainduta Segiko kide izatea egotzi izana. Ehunka lagun izan ditu zain Donostiako Alde Zaharrean, ongietorria emateko.
Herritarrok batzuetan gure buruarekin harritzen gara, mundua eta gure bizi baldintzak dantzan ikusi arren, dugun egonarriarekin. Tripak mugitzen zaizkigu, bai, baina ez, nonbait, kalera jotzeko adina. Azken urteotan mobilizazioak antolatzen ari diren kide hauengana jo dugu, gako... [+]