Euskadi Ahal Dugu: Fidel Castrok arrazoi
Iritzigileren hitzetan, Podemos, bere horretan, Espainian umezurtz geratutako langileriaren ahotsa baino ez da, PSOEk bazterrean utzi zuena.
Duela gutxi jakin izan da Podemos-Ahal Duguren postura Gure Esku Dago (GED) plataformaren ekainaren 5eko ekimenarekiko. Hainbat txio eta mezu jaso izan nituen gizarte sareetan, non erabakitzeko eskubidearen aldeko hainbat lagunek euren frustrazioa erakusten zuten alderdi moreak GEDi sostengua kendu ziolako. Gogoratu behar da hiru urte eskas direla Podemosen euskal mugapeneko hainbat kidek Durango eta Iruñea lotu zituen giza-katean parte hartu zutela, GEDk antolatutakoa eta 100.000 lagun pasatxo elkartu zituena. Halaber, ez dira gutxi izan Pablo Iglesiasen koadrilak erabakitzeko eskubidearen alde agertutako aldiak, herriak dagozkion erabaki orotan parte hartzeko eskubidearekin lotuta betiere. Hona arte, istorioa zoragarri zirudien, eta historia, oso besteko.
Harritzen nauena, ordea, hainbat kide harritzea da, ezein déjà vu baten aurrean besterik ez gauden. Trantsizioan, gogora dezagun, PSE-PSOE alderdia ezkertiarra, kasik marxista, errepublikanoa eta Euskal Herriaren erabakitzeko eskubidearen defendatzaile sutsua zen. Txiki Benegasen ibilbidea aztertzea, edo Rubialen Euskal Herriaren ikuspegia ikastea besterik ez dago, edo gogora ekartzea Partido Socialista de Euskadi izenpean, Hego Euskal Herriaren osoaren sozialistak elkartzen zirela. Bai, Nafarroa Garaikoak ere bai, eta bertoko lehendakari izandako Urralburuk, EArekin gobernua osatuz, ikurrina jartzen zuen bere bulegoko mahaian. Hau guztia, Felipe Gonzalez Eibarretik zebilela, Gora Euskadi Askatuta oihukatzen, pasa den apirilaren 22an Pablo Iglesiasek Iruñean Euskal Herriari egindako laudorioen antzeko. Zera, hainbat ezkertiar abertzalek Podemos bozkatzen dutela? Tira, 1982an ere Euskadiko Ezkerra alderdi hura PSErekin elkartu zen, gaur egungo PSE-EE/PSOE sortuz, eta alderdi "berrituan" euren siglak besterik gelditzen ez direla.
Podemos, bere horretan, Espainian umezurtz geratutako langileriaren ahotsa baino ez da, PSOEk bazterrean utzi zuena. Eta gurean, langileria euskaltzalearen testigua jaso duen aitzineko PSE, Rubial, Benegas eta familiakoek abandonatua, eta Euskal Herriak memoria erraz galduta, historia berdina errepikatuko dutenak. Adibide gehiagorik? Bada, Iglesiasek aipaturiko Iruñeko agerraldi hartan, EAE eta Nafarroaren arteko harremanak herriaren esku utzi behar zirela defendatu zuela. Baina eusko lurretan aurkeztu ziren lehen unean Euskal Herria Ahal Dugu ziren, eta orain Euskadi Ahal Dugu eta Podemos Navarra –PSE eta PSN, beti PSOE–. Eta hauteskunde orokorren bueltan, erabakitzeko eskubidea "marra gorria" bazen, orain GEDrekin PSEk nahi duen harreman bera nahi ei dute.
Iglesiasek aski maiteko duen Fidel Castrok zioenez, madarikatua da bere historia ezagutzen ez duen herria, errepikatzera kondenatuta baitago. Agur, komandante!
Aitor Gaztainaga Zumeta
Komunikazio Politiko eta Instituzionaleko Irakasle (EHU)
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Badira, garun distiratsua izanik, "zehaztasun gutxiko" definizioekin, gauza bera, beste era batera esanda, aldatzen eta itxuraldatzen adituak direnak. Berea zen, eta hainbat hamarkadatan errepikatu den proiektu in eternum bat izan da. Hasiera batean hori zen hegemoniko... [+]
Abenduaren 26an, aireko eraso batean, Israelgo armadak bost kazetari palestinar hil zituen. Haiekin 130 kazetari palestinar hil zituzten. Albiste horrek gauza pare bat gogorarazi dizkit, lehenengoa, benetako kazetariek jasaten duten jazarpena munduko edozein lekutan, adibidez,... [+]
Azken hilabete hauetan hainbat institututan lan egitea egokitu zait eta, uneren batean edo bestean, ikasleekin lan merkatuak eskaintzen dituen aukerez hitz egin behar izan dut. Ikasleen tipologia askotarikoa da eta hiri berean asko aldatzen da auzo batetik aldamenekora,... [+]
Historikotzat nekez har daitekeen argazkiaren erdian agertzen den neskatoa idazten ari da, zer eta izenorde zerrenda bat: ni, zu, hura, gu, zuek, haiek. Beherantz begira egonik, neskatoaren begirada nolakoa den antzeman ezinik gelditu naiz ni.
Argazkilariaren lanari soraio,... [+]
Pertsona nagusiekin edo aniztasun fisiko eta neuronalak dituzten pertsonekin lanean zaudenean, dugun gizartean gaitasunaren ideiak espezie bezala asko mugatzen gaituela ohartzen zara. Hau da, dugun sistemak gauzak modu espezifiko batean egiteagatik jartzen zaitu balioan, eta... [+]
Idatzi nahi nuen gabonetako argien alde, eta urteroko ohitura bilakatu aldarrikatzea, kaleak argitzen dituzten aro honetan, espazio publiko apain, alai eta gozagarri bat, klase ikuspegitik. Baina, noski, espazio publiko epelak ere bai, zenbait gazte liburutegietan liburuak... [+]
Barkatu hariztiak, artadiak, zumardiak, lertxundiak, lizardiak, haltzadiak, gaztainadiak, urkidiak, gorostidiak, sagastiak, pinudiak eta zuhaitzen elkarte guztiak, baina, gaur, pagadiak du hitzordua negu-mugako ospakizunak direla eta.
Errazagoa egiten zait negu-mugako... [+]
Badator Euskaraldia, berriz ere. Urte berriko udaberrian izango da oraingoan, antza. Dagoeneko aurkeztu dute eta, egia esanda, harritu egin nau; ez Euskaraldiak berak, ezpada beraren leloak: Elkar mugituz egingo dugu.
Irakurri edo entzun dudan lehenengoan, burura etorri zait... [+]
Ildo beretik dator Eusko Jaurlaritza berriaren politika. Hitzak bai, baina ekintzak ez dira argi ikusten Pradalesen gobernuak aurkeztutako aurrekontuan.
Sistema kolonial kapitalista heteropatriarkala auzitan jartzen eta borrokatzen denean, gupidarik gabe erasotzen du bueltan. Eskura dituen tresna guztiak erabiliz, instituzioak, medioak, justizia, hizkuntza, kultura, indarkeria... boterea berrindartzeko, sendotzeko eta... [+]
Ez dakit zuek ere pertzepzio bera ote duzuen –aitor dut: modu azientifikoan hasi naiz idazten hemen–. Pereza hitzaren hedatze naturalaz ari naiz. Gero eta gehiago aditzen baitut Hego Euskal Herriko bazterretan: euskaraz, espainolez eta, jakina, euskañolez... [+]
Askok, Gabonetan, ilusioa baino alferkeria handiagoa sentitzen dugu familia-otordu eta -topaketetan pentsatzean. Baina aurreratzen dizuegu ez dela otordua bera kolektiboki deseroso sentiarazten gaituena, familia tradizionala definitzen duen normatibitatea baizik. Are gehiago,... [+]
Betidanik begitandu zait esanguratsuagoa han-hemenka topa daitezkeen guruztokiei gazteleraz esaten zaien modua: humilladero. Ez al da guruztoki edo santutxo izen nahiko light, zuri edo haragoko konnotaziorik gabekoa? Azken batez, bertatik pasatzen zen oro umiliatu behar zen... [+]
Siriako Arabiar Errepublikaren amaierak harridura handia sortu du, gertatu den moduagatik: azkar eta ia erresistentziarik gabe. Halere, ez da hain arraroa herrialdea suntsituta, pobretuta eta zatitua zegoela kontutan hartzen badugu. Aspalditik siriar gehienen ardura ez zen nor... [+]