IOM Nazioarteko Migrazio Erakundeak emandako datuen arabera, 1.146 migratzaile hil dira Mediterraneoan eta Atlantikoan –Kanariar uharteetarako itsasbidean– 2021eko lehen seihilekoan, baina benetako kopurua asko ere handiagoa izan daitekeela azaldu du.
2020an, epe berean 513 pertsona hil ziren, eta 2019an 674.
1.146 pertsona horietatik, 896 Mediterraneoa zeharkatzen ari zirela hil ziren; eta 250 Atlantikoan. IOMk gaineratu du Europara iristen ahaleginu den pertsona kopurua ere nabarmen handitu dela: 75.562 (iaz, epe berean, 47.825 zenbatu zituen).
Datu hotz horiek eskuetan, IOMko zuzendari nagusi Antonio Vitorinok gobernuei eskatu die heriotza kopurua murrizteko neurriak hartzeko, eta migratzaileak laguntzea helburu duten GKE-en itsasontziei oztoporik ez jartzeko. Ildo horretan, itsasoan erreskatatzen dituzten pertsonak leku seguruetara eraman behar direla dio IOM erakundeak, eta maiz ez dela halakorik gertatzen, besteak beste Libiara eramaten dituztelako, nahiz eta NBEk ez duen herrialde segurutzat hartzen, atxiloketa arbitrarioak, desgaertzeak edota tortura kasuak direla-eta, IOMren hitzetan.
.jpg)