Luzapen berria Brexitaren partida luzean: Europar Batasunak data berri bat onartu dio Britainia Handiari haren egituretatik ateratze baldintzak zehazteko, 2020ko urriaren 31. Bi aldeek adostasun osoa lehenago lortuko balute, britainiarrek balukete lehenago joateko aukera. Aldi berean, luzapen honek alderdi politiko britainiarrei argitu die hauteskunde berrien deialdiari bidea egiteko.
Europar enbaxadoreekin ordu erdiz bildu ostean, Donald Trump Europako Kontseiluaren lehendakariak esan du EUk onartu duela Boris Johnsonek duela aste bete egindako eskaria: "Europar Batasuna ados dago, onartzen du Erresuma Batuak 2020ko urtarrilaren 31 arte eskatutako atzerapena [jatorrizko ingelesez, flextension, malgutasunaren eta luzapenaren artean osatutako zapo-hitz berria] Erabakia laster idatziz berretsiko da".
The EU27 has agreed that it will accept the UK's request for a #Brexit flextension until 31 January 2020. The decision is expected to be formalised through a written procedure.
— Donald Tusk (@eucopresident) October 28, 2019
Hirugarren luzapen hau asteburuan eztabaidatu dute Europar Batasunako potentzia nagusienen buruzagiek, tartean Emmanuel Macron bera ere mintzatu delarik Johnsonekin, jarrerarik gogorrenean Frantziako lehendakaria zegoelako. Orain ikusi beharko da ea dostasun berri hau idatziz jartzea lortzen den asteartea amaitzerako, hala nahi dute Europako agintariek beren lan egutegian Brexitak nahasmendu gehiago ez eragitearren.