“Europako hirien sarea osatzen ari gara, industria turistikoari nazioarte mailan aurre eginez”
Nazioarteko Turismoaren Eguna dela eta Bartzelonako Assemblea de Barris per un Turisme Sostenible (ABTS) kolektiboak oharra kaleratu du. Egoera txarra izan arren, ospatzekoak ere badaudela azpimarratu nahi izan dute, tartean Donostiak turismoari aurre egiteko duen herri mugimendua txalotuz.
Turismoaren Nazioarteko Eguna: ospatzeko gutxi, baina zerbait bai
Gaur irailaren 27a, Turismoaren Nazioarteko Eguna da. Jakina denez, ABTS-n oso ikuspegi kritikoa dugu hiriko turismo industriaren gainean. Xehetasun gehiegitan sartu gabe, ondorio negatibo nagusiak honela laburbildu daitezke: bizilagunen kanporatzean faktore katalizatzailea da, etxebizitzak hotel edo pisu turistiko bihurtzen dituztelako eta funts putreek gure etxeez baliatu nahi dutelako beren erakargarritasun turistikoagatik; lan merkatuaren prekarizazioa; egunerokotasunerako komertzioen ordez, alferrikako negozio turistikoak irekitzea; kaleen eta plazen masifikazioa, honek dakartzan mugikortasun arazoekin, garraioen saturazioa, airearen kutsadura, hiperkontsumo turistikoari lotutako zaborraren ugaritzea… eta globalki, lotura sozial eta komunitarioen haustura: bizileku den hiriaren haustura.
Arazoaren pertzepzio sozialean asko aurreratu dugu (oraintxe hiriko biztanleriarentzat lehen arazoa da) eta Bartzelonako kontakizun turistikoari dagokionez, lobbyen maitagarrien ipuinetatik alde egin eta kanporaketak bizi ditugunon beldurrezko istorioetara pasa gara.
Baina deshazkunde turistikoaren bidea hartzetik urrun, urtez urte turisten errekorrak hausten ari gara. Aurten, hiriak jasan duen atentatu terrorista gogorraz gain, abuztuko kopuruek pasa den urtekoak gainditu dituzte, edozein urtetakoak. Eta oraindik ikusi behar dugu lobbyek eta administrazioek nola aprobetxatzen duten honelako egoera mingarria funts publikoak hiriaren promoziora bideratzeko.
Hala ere, Turismoaren Nazioarteko Egun honetan badugu zer ospatua ere. Ospatuko dugu pasa den larunbatean Balear Uharteetako kideek #FinsAquiHemArribat manifestazio jendetsua egin izana, eredu ekonomikoaren aldaketa eskatuz. Ospatuko dugu asteburu honetan Veneziako Comitato No Grandi Navi-k jardunaldi arrakastatsuak antolatu dituela Europar Lurraldeen Defentsan, kontinente osoko kolektibo ugarirekin, ABTS barne. Ospatuko dugu duela astebete Lisboako etxebizitza eta turismoko topaketetan izan ginela, eta ostiralean Donostian izango garela gainexplotazio turistikoaren mugimenduaren sorreran, duela bi urte izandako topaketa aberasgarrien ostean.
Ospatuko dugu, finean, Europako hirien sarea osatzen ari garela, industria turistikoari nazioarte mailako diskurtso kritikoa osatuz eta herritarren benetako interesetan oinarrituz: deshazkunde turistikoa mugak gainditu dituen leku horietan, frenoa eta kontrola turistifikazioa horren garatuta ez dagoen lekuetan. Palma, Venezia, Valentzia, Lisboa, Madrid, Erroma, Donostia… eta auskalo zenbat gehiago!
Lanean ari gara eta laster berri gehiago emango dugu.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Jakin nahi nuke nola bozkatu duten ene herriko bizilagunek azken hauteskundeetan. Jakin nahi nuke norekin hartzen dudan goizeko kafea herriko ostatuetan. Ulertu nahi nuke zergatik izan diren emaitza horiek Iparraldean.
Salvador Illa Generalitateko president izendatzeko oinarrietako bat PSC-ERC arteko ituna izan da. Ez da itun subiranista inondik ere, baina hainbat alorretan ate berriak zabal litezke, ohikoa den PSC-PSOEren balaztaren estrategia politikoa berriz ere nagusitzen ez bada,... [+]
Mexikoko Meridako lurraldean polemika handia izan da aurten, Poseidon jainko grekoaren omenezko eskultura bat jarri delako hondartza batean. Merida Yukataneko penintsulan dago, non Maia herria bere kultura zaintzen saiatzen den, mundu osoko turismo masiboak bultzaturiko... [+]
Irailean hasten eta ekainean bukatzen dira, berez, nire zikloak (gure jartzera nindoan, baina plurala erabiltzen dudan bakoitzean ipotx batek oihu egiten dit buruan, “zureak izango dira!”), eta hala izan da nire bizitzan oporrak eduki edo ez, ordutegipeko lan... [+]
Udaldian, erretiratuok ez ohi dugu opor goserik, eta patxadaz aztertu ahal ditugu gure inguruko gorabeherak. Hori dela-eta, gai batzuek harriduraz harrapatu naute, eta honako hauek dira.
Espainia. Eurokopak eta Olinpiar Jokoek uda osoa bete dute. Aldez aurretik, esan behar... [+]
Mugak Zabalduz karabanarekin, Bosnia Herzegovinako Bihac hirian, Nihad Suljic aktibistak Drina ibaia Balkanetako hilobi handiena dela azaldu zigun. Ahantzi ez daitezen, topatzen diren hilotzak identifikatzeaz eta ehorzketa emateaz arduratzen da, merezi duten duintasuna aitortu... [+]
Dagoeneko ez dakit bero olatuek burmuina kolpatuta gauden, betiko hipokrisia den edo logika sistemiko hutsa den, baina dakigunaren, esaten dugunaren eta egiten dugunaren arteko arrakalak, kezkaz haratago, harridura ere sortzen dit, batez ere uda giroan. Albisteak, ikerketak,... [+]
Eroriko askoren artean badira lorpenak ere. 35 urte inguruko ama gazte batek galdetzen zidan aurreko batean nola arraio lortzen zuten beraien eskolan etxean euskara jaso ez zuten ikaskideek etxetik euskaldunak ziren neska-mutikoek bezain ongi ikastea eta hitz egitea euskaraz... [+]
Hiri askotako tren geltokiek XIX. mendeko burdinazko egituraren edertasun gorena azaltzen dute, hiriaren epizentrora iristearen ongietorri goraldiarekin batera. Hirira ate nagusitik sartzea bezalakoa da, arkitektura eta toki perla bat. Hiri askotan, baina, birdentsifikazio edo... [+]
Zergatik ez utzi. Zutabeak idazten dituenak atzetik izaten ditu beti garaiz erretiratzearen apologetak. Agortu baino lehen. Gaiak, niri, ezin agortu, ez ditudanez; ezertan ez naiz aditua, eta inoiz ez dut izan Euskal Herriari transmititzeko mezurik. Ez lidake azalpenak balioko,... [+]
Uda hasiera. EHZ festibalaren biharamuna (atx, buruko mina). Ikasturte kargatu baten ondotik, hatsa hartzeko gogoa. Burua hustu. Funtsezko elementuei berriz konektatu. Familian denbora hartu, aspaldiko lagunak berriz ikusi eta eguneroko borrokak (pixka bat) pausan eman... [+]