‘Etzi.pm’, ‘Iparraldeko Neska’, ‘Game Erauntsia’ eta ‘Iparra’, aurtengo Blogetan! lehiaketako irabazleak
Azkue Fundazioak sustaturiko lehiaketako irabazleen berri eman eta sariak banatu dituzte ostegun arratsaldean Euskararen Etxean egindako ekitaldian. Blog berriaren saria 52 milimetro argazki blogak eraman du.
Arratsalde osoan zehar euskal blogarien 2. topaketan hainbat mahai-inguru eta hitzaldiren bidez eztabaidan eta hausnarrean aritu ostean, aurtengo Blogetan! Euskal blogariak lehian lehiaketaren saridunak zein diren jakinarazi dute Bilboko Euskararen Etxean. 129 blogen artean hamabi finalista zeuden aukeratuak lau kategoriatan lehiatzeko.
Hemen irabazleak eta epaimahaiaren argudioak:
Kultura kategoria
Iparraldeko neska: Castillo Suarezen bloga Berria egunkariaren sarean. Blog honetan Castillo Suarezek hainbat idazleren (gehienak emakumeak) testu hautatuak jartzen ditu, zaharrak zein berriak, gertukoak zein urrunekoak, jatorrizkoak zein itzulpenak, baina guztiak ere bihotzeraino iristen diren horietakoak.
Gizarte eta politika kategoria
Etzi pm bloga: Talaios Kooperatibaren proiektua da eta eztabaida eta hausnarketa egiteko plataforma da.
Aisia kategoria
Game Erauntsia: Bideo jokoak gustuko duen erabiltzaile talde batetik komunitate bat sortu da. Web guneko atal bat bloga da, bideo jokoen inguruan sortzen diren albiste eta berrikuntzak zabaltzeko.
Zientzia eta teknologia kategoria
Iparra: Xabier Martinen bloga da. Euskaraz sortzen diren baliabide teknologikoen berri ematen du, baliabide teknologikoak euskaraz izateko aldarrikapen kanpainak martxan jartzen ditu.
Blogari berria saria
ARGIAk eskaintzen duen blogari berriaren sariari dagokionez, edizio honetan 52 milimetro blogaren egileei eskaintzea izan da hedabide honen erabakia. Argazki blog bat da 52 milimetro eta honen egileak Ainara Berges eta Josune Gil dira. " "Fotokazetaritza oinarri hartuta, irudi-hautaketa bikaina eskaintzen ari dira, baita irudi bakoitzari eskatzen duen testuingurua egoki plazaratzen ere", azaldu du Ixabel Bereziartua ARGIAko kideak saria ematerako unean.
Blogariak.net, 15 urte baino gehiagoko proiektua, betiko desagertu da. Estrasburgon Europako sareen zerbitzariak eskaintzen dituen enpresarik handienaren zerbitzariek su hartu dute eta babeskopiak ere erre egin dira. Galdutako webguneen... [+]
Bilboko Euskararen Etxean egingo diren jardunaldien xedea da blogen munduko azken nobedade eta joeren gaineko hausnarketa egitea. Podcastak, visual-thinking komunikazio baliabidea eta bideoaren zabalkunde masiboa aztertuko dira, besteak beste. Azkue Fundazioa da antolatzaile.
Blogetan! lehiaketako hamabi finalisten arteko irabazleak ezagutaraziko dituzte 18:30etatik aurrera, Bilboko Euskararen Etxean egingo den ekitaldian, ARGIAk "blog berriaren" saria eskainiko du. Aurretik euskal blogarien topaketa izango da eta streaming bidez ere ikus... [+]
“Trenbidea, autobia, tunela eta zubia. Gehiegi gustatzen zaigu abiadura handia. Abiadura handia tunela eta zubia!”. Honela dio Gu ta Gutarrak taldearen kopla batek. AHTren obretako langileen esplotazioa eta hondeamakinen atzean ezkutatzen direnak kaleratzeko asmoz... [+]
Blogari euskaldunak sarean pizteko lehiaketa antolatu du Azkue Fundazioak ARGIAren laguntzaz bigarren urtez.
Parte hartzeko epea urtarrilaren 16tik otsailaren 13ra bitartean egongo da zabalik. Epaimahaiak martxoaren 30an emango ditu ezagutzera irabazleak, Euskararen Etxean ospatuko den jardunaldi eta sari-banaketan.
Hiru urte izan dira. Gutxi, tarte horretan egin dutenarekin konparatuz: martxan jarri zenetik Elearazi bloga hazten joan da, itzulpengintzatik abiatuta euskal literaturari buruzko erreferentziazko gune bihurtzeraino. Orain, agur esan du Garazi Arrularen (Tafalla, 1987) eta... [+]
Klak… eta (Kultura kategoriakoa), Arma tiro klik (Gizartea), Tropela bloga (Aisia), Euskalnatura (Zientzia eta Teknologia) eta Gaizka Izagirrek (Blogari Berria) jaso dituzte Blogetan! Blog izarren bila euskarazko blogen lehiaketako sariak.
Gaur iluntzean egingo da Blogetan! Blog izarren bila euskarazko blogen lehiaketako sari banaketa, Bilboko Euskararen Etxean. Lehenago blogen inguruko mahai-inguru eta hitzaldiak izango dira.
Martxoaren 6an, bederatzi blogarik euren esperientziak eta hausnarketak elkarbanatuko dituzte Blogetan! Euskal blogarien topaketan, Bilboko Euskararen Etxean. Blog izarren bila lehiaketako irabazleen sari banaketa ere egingo da.
Blogetan, blog izarren bila lehiaketako finalistak internautek hautatu dituzte. Publikoaren iritzia aintzat hartuta, epaimahaikideek bigarren bozketa egin eta irabazleen izenak martxoaren 6an emango dira ezagutzera.
Blogak bozkatzeko unea heldu da! #Blogetan Euskal blogariak lehian txapelketaren hurrengo faseari ekingo diogu eta gaurtik hasita eta otsailak 16ra arte edozeinek gustoko dituen blogen alde botoa emateko aukera izango du.
Azkue Fundazioak antolatu du Blogetan! Euskal blogariak lehian egitasmoaeta Argia du laguntzaile. Martxoaren 6an, bost sari banatuko dira euskarazko blogik onenen artean. Urtarrilaren 26a arte dago aurkezteko aukera.