Etxebarriko jaien lehenengo egunean emakume batek eraso matxista jasan zuela salatu zuen. Ertzaintzak ikerketa martxan jarri du, baina ez du inor atxilotu, Lakuako Segurtasun Sailak adierazi duenez.

Etxebarriko Udalak sare sozialetan esan zuen gertatutakoaren ondoren erasoen aurkako protokoloa abian jarri zuela. Horregatik, larunbat gaueko egitaraua bertan behera gelditu zen. Horrez gain honakoa adierazi zuen: “Gure jaiak elkartzeko eta ongi pasatzeko espazioak dira, eta horretara datozen pertsona guztiak ongi etorriak dira, betiere bizikidetza eta askatasuna errespetatuz. Baina baten bat bestelako intentzioekin baldin badator ez da ongi etorria izango” .