Estatuaren “zentsura politikoa” zapuztu du Gaindegiak epaitegietan
Euskal behatokiak jakinarazi duenez, Espainiako Estatuko Abokatutzak administrazioarekiko auzi errekurtsoak aurkeztu zituen 2013 eta 2014an Gipuzkoako Aldundiak erakundeari emandako diru-laguntzengatik.
Ekimen juridiko horrek oinarri politikoa izan zuen Gaindegiaren aburuz, salaketak erakundearen “oinarri soziala osatzen zuten pertsonen kontrako zentsura politikoa” eskatzen baitzuen.
Defentsarako pertsonatzean Gaindegiako kideak ohartu ziren bi txosten aurkeztu zituela abokatutzak, Donostiako Komisariako Informazio Brigadak sinaturik. Poliziak Gaindegiari loturiko 25 lagunen inguruko datu pertsonalak bildu eta ikertu zituen: afiliazio sindikala, militantzia politikoa, alderdiekin harremana, manifestazioetan izatea edo unibertsitate hauteskundeetan parte hartzea, besteak beste.
Frogak ilizitotzat jotzeko eskatu eta Donostiako Administrazioarekiko Auziaren 3. Epaitegiak arrazoi eman zion behatokiari “pertsonen intimitaterako oinarrizko eskubidearen urraketa” izan zela argudiatuz eta salatzen zenak ez zuelako “inolako zerikusirik segurtasun publikoaren benetako arrisku” batekin.
Estatuko Abokatutzak helegitea jarri zuen EAEko Auzitegi Gorenean, baina honek Donostiako epaitegiaren erabakia berretsi zuen.
"Mehatxuz betetako bidea"
Gaindegiaren ustez, azken hamarkadetan izandako garapen administratiboen ondorioz “inoiz ezagutu ditugun mugarik handienak nozitzen” ari da Euskal Herria eta auzi honek agerian jarri du “mehatxuz betetako bidea dela aurrean jartzen zaiguna”.
Behatokiak “Euskal Herriaren nazio garapena” laguntzeko ezagumenduak lantzen jarraituko duela hitz eman du, baina tokian tokiko erakunde eta eragile sozialen “aitortza eta babes esplizitua” eskatu du horretarako.
Donostiako La Cumbre Jauregian bizi ziren orduan Juan Mari Jauregi senarra eta bera, lehena Gipuzkoako Gobernadore Zibila zen garaian, 1990eko hamarkadaren erdialdean. Jauregi 2000. urtean hil zuen ETAk Tolosan.
Jar gaitezen 2025erako proposamen politiko gisa, Espainiako Auzitegi Kolonialaren (AN) epai guztiak berrikusten hasteko eta makila bakoitzak bere belari eusteko.
Unionismoarekin lerrokatutako alderdi, sindikatu eta gizarte-erakunde gehienek, eta ez bakarrik horrela... [+]
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Nazio Batuek abenduaren 10ean Giza Eskubideen Nazioarteko Eguna aldarrikatu zutenetik 51. urteurrena bete da aurten. Data horrek garrantzia hartu du Euskal Herrian eta Euskal Herriko Giza Eskubideen Behatokitik gogoetarako zenbait elementu eskaini nahi ditugu.
Nazioarteko... [+]
Ertzain patruila batek hizkuntz tratu desegokia eman diela salatu dute Donostiako bi herritarrek. Isuna jaso zuten, behin eta berriz euskaraz artatuak izateko eskatu ondoren. Arartekoak kargu hartu dio Ertzaintzari.
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
Epaileari nahikoa izan zaio azaroaren 27an Ertzaintzak egindako deklarazioa kasua artxibatzeko. Erabakiaren aurrean helegitea aurkeztuko duela adierazi du Xuhar Plataformak. “Xuharrek ez du begia galdu, Ertzainak begia galduarazi dio”, salatu du mugimenduak.
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]
2006. urtean, Baltasar Garzonek, orduko epaile izarrak, errebelazio moduko bat izan zuen, eta jardunbide bat idatzi zuen, terrorismoagatik inkomunikatutako atxilotuen eskubideak bermatzeko. Epaile berak ehunka atxilotu inkomunikatu pasatzen ikusi zituen bere aretotik, horietako... [+]
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi... [+]
Gipuzkoako Lurralde Auzitegiaren ustez, bideo bateko irudietan ikusten denak "talka" egiten du Ertzaintzaren atestatuarekin, eta Amaia Zabarte foam bala batekin zauritua izan zenaren "ebidentzia erakusten" du, Noticias de Gipuzkoa-k jaso duenez.
