Egunkarietako kultura sail geroz eta argalagoak musika festibalez betetzen ari diren egunotan, EHZrik izango ez dugun uda honen erdian, bestelako zerbaiten bila ari denari oraindik geratzen zaio alternatibarik masifikaziori ihes egiten dion jaialdi batera joateko, non ez duzun aurkituko garagardo multinazionalen afixa erraldoirik: Itsasun urtero antolatzen duten Errobiko festibala.
Aurtengo edizioko kartelari begira ez da ikusten izen “handirik” –aldez aurreko abisua–; gauza berriak deskubritzeko aukera da festibala diferente egiten duen ezaugarrietako bat. Kulturen arteko topaleku gisa pentsatua, nortasuna, transmisioa eta sorkuntza ardatz dituen solasaldi batekin hasiko da jaialdia uztailaren 20an eta lehenbiziko egun horretan agertuko da jendaurrera festibalarekin lotura estua daukan bertako musikarietako bat: Beñat Achiary. Zuzeneko harrigarria dauka Donapaleuko abeslariak, Joseba Irazokirekin eszenatokian ikusi duenak jakingo duenez; oraingoan, Jesus Aured akordeoilariarekin ariko da, Mizel Théreten dantza-ikuskizun batek lagunduta.
Hortik aurrerakoa, bidaia-txartel bat: Banatu Bartok taldeak euskal kantuetatik abiatuta Hungariara, Balkanetara eta Turkiako musiketara eramango ditu entzuleak eta, egun berean, Benjamin Moussay eta Keyvan Chemiranik jazz irandarra ekarriko dute.
Ablaye Cissoko eta Ensemble Constantinople elkarrekin uztailaren 21ean
Jazz musika eta Afrikako sustraiak uztartzen ditu Cissokok bere lanetan
Datorren ostiralak dirudi, lehen kolpean behintzat, festibaleko egunik konpletoena. Gaua ondo sartuta agertuko da aurtengo Errobiko festibaleko izen nagusietako bat: Ablaye Cissoko senegaldarra. Griot familia bateko kidea da, Mendebaldeko Afrikako tradizioetan ezagunak diren bardo edo historia-kontalariak; eta kora jotzen du, Senegalgo soka instrumentu tradizionala. Jazza eta Afrikako sustraietatik edaten duen musika uztartuz ibilbide luzea egina du. Agertokian lagunduko dio Montrealgo Ensemble Constantinople taldeak, zeinak 1988tik disko ugari kaleratu dituen, bere erara berrinterpretatuz Erdi Aroko eta Berpizkundeko musikak, Quebeceko kantu tradizionalak eta Iberiar Penintsulako judutarren abestiak besteak beste. “Topaketa inedito eta poetiko” gisa aurkeztu dute jaialdiaren arduradunek.
Aurretik, inprobisazio saio bat ere izango da bi talderen eskutik: batetik Eléonore Fourniau eta Bastien Fontanille; eta bestetik, Bijan Etemad-Moghadam, Christine Martineau eta Jordi Cassagne. Brasilen dantzarako maiz erabiltzen den forró estiloa ezagutaraziko du jarraian ariko den Forró de Fòra taldeak; atzetik berriz, bost dantzari arituko dira Mizel Théreten Xorien ihesa ikuskizuna taularatzen.
Rojavako emakumeak protagonista
Kurdistango emakume borrokalariei omenaldia eskainiko die jaialdiak larunbatean, hilak 22. Julie Lobato, Christine Zayed eta Eléonore Fourniau musikariek eta Yohann Villanua poetak “Rojavako larrosak” izango dituzte gogoan. Eguneko beste ekitaldien artean Kongoko perkusio eta dantzak nabarmentzen dira, baita Mehdi Chaïb, Léo Rathier eta Fawzi Bergerrek egingo duten saio esperimentala, Maroko eta Argeliako gnawa musika uztartuz Brasilgo maracatu erritualetakoarekin –begi-bistakoa denez, inprobisazioa eta esperimentazioa jaialdiaren etxeko marka dira–.
Larunbat gaueko kontzertuak lasai antzean hasiko direla dirudi, Haratago taldeak Zuberoako mendietako basa-ahaireak ekarriko baititu. Normalean ahots hutsez egiten dira mota horretako kantuak, baina kasu honetan, kantu tradizionalen espiritua atxikiz, perkusioak, klarinetea eta sokazko instrumentuak gehituko ditu taldeak.
Eguna amaitzeko, Koçani Orkestar taldearen ijito-musika. Talde mazedoniarrak “eroaldi distiratsua” ekarriko duelakoan dira antolatzaileak, “deprimituen armada bati ere animoak emango lizkiokeena”. Biharamuneko ibilaldi poetikoarekin amaituko da Errobiko Festibalaren 22. edizioa.
UGER
Noiz: abuztuaren 11n
Non: Santa Klara ermitan (Ondarroa)
--------------------------------------------------------
Sargoriari bizirauten saiatzera egin dugu kostalderantz, husten zihoan hondartzan bainua hartu, afaldu eta Santa Klara eguneko kontzertuak... [+]
OCU kontsumitzaileen Elkarteak hiru arrazoi zehaztu ditu, horien artean kanpoko janaria eta edaria Kobetamendiko esparruan sartzeko debekua, eta eskudirutan edo banku-txartelaren bitartez ordaintzeko ezintasuna. Facuak aurreko urtean egindako salaketan zehazturiko arazoak... [+]
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Willis Drummonden agur besta
Non: Intxaurrondoko kultur etxean, Donostian
Noiz: Urtarrilaren 5ean
Gonbidatuak: Zetkin, Elvis Caino DJ, Indezen DJ eta Zumitrenko DJ.
------------------------------------------------
... esango dugu noizbait. Joan ikustera, baina... [+]
Arabako Mendialde eta inguruetako identitate disidenteek osatzen duten Asteriskes kolektiboak Bermu Okerra musika jaialdia antolatu zuen abenduaren 28rako. Araba eta Nafarroa arteko mugan kokatuta dagoen Kontrasta herrian egin zuten, eguerdian. Antolatzaileek azaldu dutenez,... [+]
Arabako Mendialde eta inguruetako identitate disidenteek osatzen duten Asteriskes kolektiboak antolatu du Bermu Okerra musika jaialdia abenduaren 28rako. Araba eta Nafarroa arteko mugan kokatuta dagoen Kontrasta herrian egingo dute jaialdia, eguerdian.
Hatortxurock elkartasun jaialdiaren 28. edizioa ospatu da gaur Atarrabian. Euskal errepresaliatu guztiak etxeratzeko helburua duen musika festibalak milaka lagun bildu ditu berriz ere. Jaialdia aurrera eramateko, boluntarioen lana ezinbestekoa izan da. Sarrera guztiak... [+]
Amorante eta Ibil Bedi
Non: Portuko ranpi (Ondarroa)
Noiz: Azaroaren 25ean
------------------------------------------------
Ez zait aukerarik sortu orain arte Ondarroako Portuko Ranpara gerturatzeko. Toki berezia zela eta gustatuko zitzaidala esaten zidaten lagunek... [+]