Espainiako Poliziaren infiltratu batek bi urte eman ditu Valentziako aktibismoan
R.M.F. polizia-satorra Ramón Martínez Hernández izen faltsuarekin infiltratu da bi urtez Valentziako herri mugimendu eta kolektibo antifaxistetan, Cuidem Benimaclet auzo elkartearen eta l’Horta zentro sozial okupatuaren bitartez, Directa aldizkari katalanak argitaratu duenez 563. zenbakian.
Lehenago, Kataluniako mugimenduetan infiltratu diren beste bi poliziaren kasuak azaleratu ditu Directak: iazko ekainean independentismoan eta etxebizitzaren mugimenduan infiltratutako Espainiako Poliziaren identitatearen berri eman zuen, eta aurtengo urtarrilean Gasteizko Errekaleor auzoan ere ibili zen poliziarena.
Bigarren infiltratu horren berri eman eta bi astera, Directak baieztatu ahal izan du agenteok ez zeudela bakarrik, Ester Fayos eta Irene Molina kazetariek azaldu dutenez. 2020ko martxoan, Ramón Martínez Hernández izenez aurkeztu zen gaztea Valentziako herri mugimenduetan sartu zen. "Ikerketa luze eta zorrotz baten ostean, Directa-k egiaztatatu du bere benetako identitatea R.M.F. inizialekin bat datorrela , eta Baix Llobregat eskualdeko herri batean bizi izan zela Avilako Polizia-akademian hasi arte". Haren identitatea argitara atera dute, bere zenbait argazki alderatuta adituek egindako proba fisinomikoen bitartez.
Operazio koordinatua
Kazetarien hitzetan, hirugarren espioitza kasu honek erakusten du Herrialde Katalanetako mugimendu ezkertiar eta antikapitalistak zelatatzeko operazio koordinatua dela, Eugenio Pereiro Blanco informazio-komisarioaren gidaritzapean, eta Espaniako Barne ministro Fernando Grande-Marlaska buru duen egitura hierarkikoaren pean.
R.M.F. satorra, 2020 martxoan sartu zen Cuidem Benimaclet auzo elkartean, zeinak biltzen dituen familiak, pertsona heldu eta gazteak, Valentziako auzo horretako proiektu urbanistiko baten aurka egiteko. 28 urte betetzear zituen poliziak orduan. Ostean l'Horta zentro sozialean sartu zuen muturra, eta han egindako harremanak medio, baita beste herri mugimendu batzuetan ere. Hura ezagutu zutenek diote gazte atsegin, ixil eta lotsati samarra zela, eta ez zitzaiola bere iraganaz hitz egitea gustatzen. Bere etxean izan zen ekintzaileetako batek kontatu du orain arreta deitzen diola poliziaren logela hain aseptikoa izatea: "Ohe bat zuen, idazmahaia, kartelen bat eta liburu batzuk".
Satorrak ez zuen asanbladetan eta telegram taldeetan hitza hartzen, eta bere ideologia politikoa apenas plazaratzen zuen. Aldiz, edozein mobilizazio eta ekintzatan kolaboratzeko prest zegoen, Valentziako Acción Antifascista taldeko kide batek Directari kontatu dionez. Higiezinen edota faxismoaren aurkako ekintzak, mugimendu zapatistaren aldekoak... hamaika mobilizaziotan hartu zuen parte, antolaketa-batzordeetatik sarri.
Directak eman zuenean infiltratutako lehenbiziko poliziaren berri (2022ko ekainean), Ramón Martínezen inguruko pertsona batzuengan susmoak piztu zituen, bi satorrek antzeko ezaugarriak zituztelako: iraganari buruzko aipamen urriak, denbora gutxian kolektibo ugaritan parte hartzen hastea eta, Valentziakoaren kasuan, bat-batean desagertu izana. Orduan hasi zuen ikerketa Directa-k. Poliziak 2021eko irailean esan zien hurbilekoei Bartzelonara itzuliko zela, bere "lagunik onenetako batekin" bizitzen jartzeko. Agurtzean jakinarazi zuen jarduera politikoa utziko zuela, denbora gehiago eskaintzeko entrenamenduei ('muay thai' borroka estiloa praktikatzen zuen, l'Horta zentroan sartu zenetik) eta ikasketei (Valentziako Unibertsitateko gradu bat egiten aritu zen ordura arte). Valentziatik joan arren, mugikor bidez kontaktatzen jarraitu zuen zenbait lagunekin, 2022ko ekainera arte.
Valentziako herri mugimenduak militanteei eskatu die ez izutzeko. "Infiltratu bat egon bada, seinale gauzak ongi egiten ari garela", dio l'Horta zentroko kide batek, "ez gaitezen etxean sartuta geratu, kontrakoa baizik, militatzen jarraitu behar dugu, tentuz, eta gure praktikak berraztertu behar ditugu".
2002az geroztik Espainiako Estatuko hainbat kolektibotan infiltratutako hamabi poliziaren berri eman dute La Directa eta El Salto agerkariek. Nieves López izen faltsua baliatzen zuen Espainiako poliziaren kasua da publiko egin duten azkena. El Salto-k argitaratu duenez,... [+]
Directa hedabideak ikertu eta argitaratu du poliziaren infiltrazioa. 2019ko irailean hurbildu zen lehen aldiz Lleidako Ateneu Cooperatiu taldera, Joan Llobet García izenpean, eta 2021eko azaroan utzi zuen militantzia, Bartzelonan lana aurkitu zuela eta amonaren... [+]
350 poliziako "Force Frontière" dispositiboa baliatu dute Gipuzkoako eta Lapurdiko mugetan migratzaileen kontra egiteko martxoaren 26 eta 27an. Aurrez "terrorismo islamistaren" aurka egiteko aitzakiaz erabiltzen zituzten dispositiboak, orain "migrazio... [+]
Lau agenteak lesio-delituengatik ikertzen ari dira eta horrek galarazten du 2024ko amnistia aplikatzea. Polizia horietako batek, ustez, gomazko bala batekin begi bat zartatu zion Roger Español kataluniarrari.
Oraingoz Nafarroan, 53 izango dira estatuaren biktima aitortuak eta horietatik 27 torturaren biktimak. Floren Beraza, Txaro Buñuel, Cecilio Ruiz, Patricia Perales eta Izaskun Juarez dira aitortutako torturatu berriak.
Directa hedabidearen ikerketa batek ondorioztatu du 2018. eta 2020. urteen artean murgildu zela Kataluniako Palestinaren aldeko eta ezker independentistaren mugimenduetan, "Belén Hammad" izenaren pean. Nortasun agiri faltsu batekin Kataluniako Gobernuak... [+]
"Polizia hila, baratzerako ongarririk onena" idatzi zuen atxilotuak sare sozialetan, eta lau milioi jarraitzaile baino gehiago ditu bere profilak, Guardia Zibilak azaldu duenez.
Polizia agenteek nortasun faltsuen pean gizarte-mugimenduetan egindako infiltrazioak Espainiako Konstituzio Auzitegira iritsiko dira. Irídia-Centre per la Defensa dels Drets Humans erakundeak, infiltrazio horiek kaltetutakoen Acció Contra l 'Espionatge d'... [+]
Europar Batasunean hamahiru herrialdek eman dituzte Poliziak egindako erailketei buruzko datuak, eta podiumean daude Frantziako eta Espainiako estatuak.
Xabier Kalparsoro eta Gurutze Iantzi Espainiako polizien eta guardia zibilen eskuetan hil zituztela 31 urte igaro direnean, Egiari Zor fundazioak ekitaldia egin du Urnietan. Eusko Jaurlaritzari eskatu dio berriz ere ireki dezala epe bat estatuaren biktimak aitortzeko eskaerak... [+]
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
Espainiako Poliziaren sindikatu nagusiarekin egindako akordio baten arabera, eskuin muturreko taldeak "defentsa pertsonaleko formakuntza" eskainiko die 30.000 agenteri.
1984ko urriaren 23an ETAren garaian Espainiako Barne Ministerioak onartutako aginduan, “arriskugarritasun eta nekagarritasun” kontzeptuengatik “ordainsari” bat zehaztu zuten Espainiako Polizia Nazional eta Guardia Zibilarentzat, “eremu... [+]
German Rodriguez eta Joseba Barandiaran omendu, eta langile mugimenduaren alde egindako lana txalotu dute Iruñean. Palestinari ere elkartasuna adierazi diote, sanferminetan urteroko zitan Iruñean.
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.