Espainiako ejertzitoa Bardeak bonbardatzen hasi da abisurik eman gabe
Natur Parkeko hainbat errepidetan ibiltzea debekatu du Bardeetako Komunitateak, tiro poligonoan “benetako armak” erabiltzen ari direla-eta.
Irailaren 14tik Espainiako Ejertzitoa benetako bonbak erabiltzen ari da Bardeetan. Diario de Noticias egunkariaren arabera Espainiako Gobernuak ez ditu maniobra horiek jakinarazi eta ez daude zuzenean lotuta NATOk laster egingo dituenarekin.
Urrian izango dira NATOren azken hamarkadatako ariketa militarrik handienak. Bardeetan 1.300 soldadu ariko dira gerrarako prestatzen.
Errefuxiatuen krisia dela-eta Frantziak eta Ingalaterrak Siriako operazio militarretan parte hartuko dutela egindako iragarpenarekin batera hasi ditu Espainiako Ejertzitoak oraingo bonbardaketak. Hiru astez jardungo dira militarrak, hori bai, hainbat etenaldi egingo dituzte, besteak beste Game of Trones telesaila grabatzeko orduan.
Errepideak itxita, historian lehen aldiz
Bardeetako Komunitateak Natur Parkeko hainbat errepide itxi ditu historian lehen aldiz. Hala, bere webgunean jakinarazi du (gaztelaniaz, frantsez eta ingelesez) tiro poligonoaren hegoaldean ibiltzea debekatuta dagoela 9:15etatik 17:30era, irailaren 14tik 16ra, 28tik urriaren 2ra eta urriaren 5etik 9ra.
Azkeneko maniobra militarretan bonba batek tiro poligonoko segurtasun eremutik kanpo egin zuen eztanda, hainbat lagun zeuden tokitik gertu; eta uztailean turista katalan bat balaz zauritu zuten segurtasun eremutik kanpo zebilen helikoptero batetik tiro eginda.
Erakunde eta alderdiak azalpen eske
Bardeetako ariketa militarren aurrean, tiro poligonoaren kontrako ekimen instituzionalek indarra hartu dute Nafarroan. Hala, abuztuaren 31n Nafarroako Parlamentuak poligonoa desegiteko eskatu zuen berriz ere, eta orain Espainiako Gobernuko delegatu Carmen Albak azalpenak emateko EH Bilduren eskaria onartu du.
Bestalde, Espainiako Kongresuan Geroa-Baiko diputatu den Bixente Serrano Izkok Pedro Morenes Defentsa ministroaren agerraldia eskatu du Bardeetako bonbardaketak direla-eta.
Amaiurrek ere salatu ditu Espainiako Ejertzitoaren azken maniobra militarrak ohar bidez. Sabino Cuadra koalizioko diputatuaren esanetan “beti bezala, azken unean jakin dugu” ariketen berri.
Izquierda-Ezkerrako NATOk aurki egingo dituen maniobren inguruko informazioa eskatuko du Europako Legebiltzarrean, “Gerra Hotzaren garaitik egingo diren handienak”, bere esanetan.
Poligonoaren Aurkako Asanbladak deituta, igandean egin duten martxan 300 pertsona inguru izan dira. Tiro praktika eremua kentzeko eskaera izan da aldarri nagusia, baina beste bi gairi lekua egin nahi izan diete beren protestan. Batetik, Palestina eta munduan gerra jasaten ari... [+]
Ezohiko irudia ikusi zen Madrileko Moncloako jauregian martxoaren 18an: estatuko industria militarraren buru nagusiak Pedro Sánchez presidentearekin eta Margarita Robles Defentsa ministroarekin bilduta. Bertan ziren ere Hego Euskal Herriko enpresa militarretako buru... [+]
1997. Aguraingo Intsumiso Eguna. Antimilitarismoak milaka lagun biltzen zituen bere ekimenetan, artxibotik berreskuratu dugun argazki honetan ikusten den moduan. Aurten 30 urte beteko dira Intsumiso Eguna ospatzen hasi zirela.
Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]
Yurii Sheliazhenko Ukrainako Mugimendu Bakezaleko Idazkari Exekutiboa da, eta abuztuaren 15az geroztik preso dute bere etxean. Asteazkenean egin zuten bere aurkako lehen epaiketa eta intsumisioaren aldeko Europako mugimendua bere askatasunaren aldeko kanpaina egiten ari da.
Asteartean hasi dira gerra finantzatzeko onartzen den gastu neurrigabea salatzeko ekintzak, ‘Gastu militarrik ez’ lemapean.
"NATOtik eta gerratik ateratzeko modu bakarra euskal errepublika da", aldarrikatu du Ehun mugimenduak larunbatean Bardeetako tiro poligonoan egindako ekintzan.
Bilboko Iralako kuartel militarra eraisteko parodia egiteagatik, fiskaltzak 36 hilabeteko espetxe-zigorra eta 9.000 euroko isuna eskatu bazituen ere, Bilboko Epaitegiak bakoitzari 360 euroko isuna ezartzea ebatzi du, espetxe zigorrik gabe. Bilboko KEM talde antimilitaristak... [+]
Gerra gordina hasi zenetik urtebete bete denean, Ukrainako gatazkaren inguruko hausnarketa antimilitarista antolatu dute Donostian ostegunean Bake-Ekintza Antimilitaristak eta Centre Delàs d’Estudis per la Pauk. Gerra horri emandako erantzunetan gabezia asko ikusi... [+]