Dignidad y Justicia elkarteak Txori Barrote konpartsaren aurkako salaketa jarri du, euskal presoen argazkiak erakutsi dituelako Aste Nagusian. Argazki horiek erakutsita ETAren biktimak zein haien senideak "iraindu" dituela adierazi du. Kaixo konpartsa ere salatu du, "presoen eskubideen aldeko bokatak" saltzeagatik. Euskal presoen eskubideen aldeko materiala salduta lortzen den dirua nora doan ikertzeko ere eskatu dio Espainiako Auzitegiari.