UPNk kezka agertu du beste behin Espainiako Kongresuan. Sustapen Ministroari egin dio galdera Abiadura Handiko Trenaren inguruan. Iñigo de la Sernak esan du 2023rako egin nahiko lukeela AHTa Nafarroan. Euskal Autonomia Erkidegoko Y-rekin lotura izanen duena eta Zaragozarekin bat eginen duen korridorea izanen dela jakinarazi du. Eta ohartarazi du: 2010eko hitzarmena bertan behera utzi duela eta beregain hartuko duela afera horren inguruko guztia.
Garapen Ekonomikorako presidenteordeak, Manu Aierdik erantzun egin dio: nafarren interesak lehenetsiz segituko dutela defendatzen azpiegitura horretarako prestatua duten proposamena. Ez du ulertzen zergatik utziko duten bertan behera 2010eko hitzarmena: "Nafarroak betebeharrekin ez du hutsik egin".
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra
