Mauritaniak eta Senegalek 15 eta 25 milioi euro jaso dituzte urtean hurrenez hurren Espainiako Gobernuak emanda 2006az geroztik, herrialde horietako itsas-mugak kontrolpean izatearen truke.
Jose Luis Rodriguez Zapaterok hasitako politika horrekin jarraitu du Mariano Rajoy Espainiako presidenteak. Datuok Jon Iñarritu EH Bilduko senatariak egindako galdera baten harira egin dira publiko. Bi herrialde hauetako bakoitzari 500.000 euro ematen zizkion urtean Espainiak garapenaren izenean 2005ean, eta hortik aurrera 15 eta 25 milioi euro artean jaso dute urtero, El País egunkariak argitaratutakoaren arabera.
2006tik aurrera Mauritaniak eta Senegalek jaso duten dirua nola banatu dute garapenaren eta mugen kontrolaren artean? Mauritaniak guztira 108,45 milioi euro jaso ditu; horietatik 88,6 milioi mugen kontrolera bideratu dira eta 19,8 milioi garapenerako laguntzetara. Senegalen kasuan, berriz, guztira 59,7 milioi euro jaso ditu 2006az geroztik, eta horietatik 34,9 milioi erabili dituzte mugen kontrolerako, garapenean 24,8 milioi inbertitu dituzten bitartean.
Guardia Zibilak lan egiten du bi herrialde horietako mugen kontrolean, bertako poliziarekin batera. Espainiak ematen duen laguntzaren barruan sartzen dira militar espainiarren eta beren itsasontzi eta hegazkinen presentzia, baita hauek bertako segurtasun indarrei emateko prestakuntza ere.
Espainiak “etorkinen krisiaren” aurrean egindako politika hau eredutzat hartu du Europar Batasunak. Hartutako bide honekin Espainiak lortu du 2006an lur horietara iritsi ziren 31.678 etorkinen kopurua 2016an 671ra jaistea.
Langile migratzaileek indarkeria, lanaldi luzeak eta ordainketa eskasak modu ohikoan jasaten dituzte, Europako bederatzi estatutan egindako ikerketa baten arabera. Gutxienekoa baino soldata baxuagoak jaso ohi dituzte ia estatu guztietan, eta emakumeek are soldata baxuagoak.
Gutxienez 33 pertsonaz aprobetxatu da. Irunen jaso eta Ipar Euskal Herrira eraman ditu, dirua kobratuta.
Lehen ediziotik zortzi urte igaro direnean, salaketa eta elkartasun ekimen hau Balkanetako mugara abiatuko da datorren uztailaren 12an, 21 arte.
Aurten ere, Mugak Zabalduz karabanan ia ehun lagun abiatuko gara Euskal Herritik, Europaren migrazio politikak, eta aurten bereziki onartu berri duen Migrazio eta Asiloko Paktua, salatzeko asmoz. Aurten Balkanetako mugara joango gara, Bosnia Herzegovinako Bihac hirira; hor... [+]
Martutene auzoan lapurretak ugaritu direla aitzakia hartuta, iaztik, hainbat dira Martutene auzoan eztabaida eta polemikak. Segurtasun talde bat sortu zuten hainbat bizilagunek, “Ertzaintzak ezer egiten ez zuela iritzita”. Pauso bat urrunago joan dira orain, eta... [+]
Aita Mari ontzian salvamento marítimo humanitario izeneko gobernuz kanpoko erakundearekin lanean ari da Isa Egiguren kazetaria.
Duela bi urte, Marokotik Melillara igaro nahian ari ziren ehunka pertsonari eraso egin zieten polizia-indarrek, eta gutxienez 70 lagun erail zituzten, nahiz eta kopuru zehatza ez dagoen argi. Gertakarien inguruko ikerketa amaitutzat jo dute Marokon, iritzita ez dagoela... [+]
Futbolarien agente bat dela antzeztuta, gazteei dirua eskatu eta Kolonbiatik migratzera bultzatu ditu iruzurgileak, sinetsarazita Euskal Herriko futbol talderen batek interesa izan zezakeela haiengan. Gutxienez 25 pertsona engainatu ditu, eta pilatuta izan ditu azpialokatutako... [+]
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Atzerritartasun Legea aldatzea adostu dute Kanariek eta Espainiako Gobernuak: lurralderen batek pertsona migratuak hartzeko duen "gaitasunaren %150" gainditzen denean, estatuko beste erkidego batzuetara mugitzera behartuko dituzte adingabeak.
Migrazio politikaren gogortzea dakarren dekretua izenpetu du ekainaren 4an AEBetako presidente Joe Bidenek eta asteazken honetan sartu da indarrean neurria. Testu horrek dio egunean 2.500 zeharkatze ilegalen langa gaindituz gero (asteko batezbestekoa eginez), muga erabat itxiko... [+]