Ertzaintzak Mozal Legea aplikatzen jarraituko duela esan du Beltran de Herediak
"Ertzaintzaren irizpidea legea betetzea dela" esanez erantzun dio Eusko Jaurlaritzako Segurtasun sailburuak EH Bilduko Julen Arzuagaren galderari. Iazko ekainean Legebiltzarrak Mozal Legea ez aplikatzeko konpromisoa hartu bazuen ere, ordutik hona 2.857 isun jarri ditu Ertzaintzak lege hori baliatuta.
Ertzaintzari eta Udaltzaingoei “ez dagokie legeen balorazio politikoa egitea eta arau-hausteak egiten direnean legea aplikatu behar dute, legeak jasotzen duen moduan", adierazi du Beltran de Herediak otsailaren 17ko bilkuran. Segurtasun sailak emandako datuek ikuspegi hori berretsi dute: Mozal Legea indarrean sartu zenetik (2015eko uztaila) 8.087 aldiz aplikatu dute Ertzaintzak eta Udaltzailegoek; 2.857 isun jarri dituzte Legebiltzarrak Mozal Legea ez aplikatzeko konpromisoa bere egin zuenetik.
Mozal Legea erabiliz Espainiako Gobernuak ARGIAri jarritako isunaren harira, herritar, herri mugimendu eta kazetarien artean Mozal Legearen aurkakotasuna ia erabatekoa maila politikora eramateko proposamena landu zuen ARGIAk eta hala, Mozal Legea ez aplikatzeko proposamena luzatu zien Hego Euskal Herriko alderdi politiko guztiei. Horren ondorioez, 2016ko ekainaren 22an Eusko Legebiltzarrak Mozal Legea ez aplikatzeko erabakia hartu zuen –aurretik Gipuzkoako Batzar Nagusiek egin bezala– EAJ, EH Bildu, PSE-EE eta Ahal Dugu alderdien babesarekin. Ostiralean Beltran de Herediak lege horren zati batzuk aldatu behar direla onartu zuen, baina alderdi eta herritarren gehiengoaren babesa edukitzea ez da nahikoa Ertzaintzaren jarduna moldatzeko: "Legez besteko proposamen batek ez duelako Mozal Legea indargabetzen eta Ertzaintzak legea bete behar du”.
Arzuaga oso kritiko azaldu zen EAJk diseinatu duen polizia ereduarekin eta sailburuari gogorarazi zion ezinezkoa izango dela isunak saldoka jarriz herritarrengandik gertu izango den polizia lortzea.
Amaiur Egurrola Ernairen bozeramaileak azaldu du Ernairen aurkako operazioari erantzuteko bildu direla, “baina batez ere gazteria independentista kalean dagoela esateko”. Eusko Jaurlaritzak ia 300.000 euroko isuna ezarri die Ernaiko 133 kideri, Aitor Zelaia eta... [+]
Astearte goizean iragarri du Díazek Mozal Legearen “indargabetzea”, baina eguerdian Pilar Alegría Espainiako Gobernuko bozeramaileak eta Enrique Santiago Sumarreko bozeramaile laguntzaileak adierazi dute 36. artikuluko arau-hauste batzuetara mugatuko... [+]
20 lagun baino gehiago elkartzeko baimena eskatu behar dela dio legeak, eta apirilaren 25ean Altsasun 22 lagun elkartu zirela argudiatuta zigortu dute ekimena. Aldatu Gidoiak salatu du “politikan parte hartzea eragozteko” legea dela.
Segurtasun Sailak Ernaiko gazteen aurka egin du, eta zigor desproportzionatua ezarri die bidezko protesta bat egiteagatik, hala nola Aitor eta Galder lankideen espetxeratze arbitrarioaren kontra egiteagatik. Herritarren Segurtasunerako Lege eztabaidagarria erabili du... [+]
Aske antolakundeak aldarrikatu du elkartasuna eta amnistiaren aldeko borroka ez dela delitua. Eta, Ertzaintzak indarkeria erabiltzeko duen inpunitatea kritikatu du. Antolakundekoei jarri dizkieten isunak ordaintzeko, urriaren 5ean antolatuko duten elkartasun egunerako deia... [+]
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]
2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]
Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.
Laudioko Gaztetxearen kaleratzearen ondorio ekonomikoei aurre egiteko elkartasun jaialdiak antolatu dituzte Orbeko Etxean, Zazpi Katu Gaztetxean eta Gasteizko Gaztetxean. Ertzaintzak 'mozal legea' ezarri zien sei gazteri ekainaren 13ko protesten harira, 4.000 euroko... [+]
Hogei eragile sozialek baina gehiagok eginiko deialdiak dozenaka pertsona bildu ditu ostegun ilunabarrean Donostian adierazpen askatasuna aldarrikatu eta Mozal Legearen indargabetzea eskatzeko. Lege horren bitartez, Hego Euskal Herrian 2020tik hona 30.000 zigor baina gehiago... [+]
Iñigo Orduña Ahotsa.info-ko kameraria protesta bat grabatzen ari zenean, udaltzain batek salatu egin zuen. Kontakizun faltsua egin zuen salaketan, kazetariaren aurkako zigorra larriagotzeko asmoz. Dena grabatuta geratu zen, poliziaren gezurrak agerian geratuz... [+]
Azaroaren 21ean izango da Administrazio Epaitegian hitzordua. Alde batean Tubacexeko grebalarietako bat egongo da, eta bestean Laudioko Udaltzaingoa. Poliziak leporatzen dio langileari hesi batzuk jartzea errepidean grebaren azken egunean eta beharginak akusazioa ukatzen du.