5 atxilotu eta 15 zauritu Leioako campusean, IAk deitutako protesta egunean
Ertzaintzak bost lagun atxilotu eta hamabost zauritu ditu Leioako campusean, Ikasleon aurkako erasorik ez lelopean Ikasle Abertzaleek (IA) deitutako protestetan parte hartu dutenen aurka gogor oldartu eta gero, IAk berak jakinarazi duenez. Atxilotuak askatu egin dituzte dagoeneko.
Eguerdian manifestaziora deituta zeuden Leioako campuseko ikasleak, IAk duela aste batzuk plazaratutako bost exigentziak EHUri bete ditzan eskatzeko xedez. Mikel Laboa plazatik abiatu da manifestazioa, eta Errekoretzaraino iritsi da. Ondoren Ertzaintzaren hainbat furgoneta campusera sartu dira.
Ertzainek bost pertsona atxilotu dituzte eta kolpeka aritu dira ikasleen kontra, twitter bidez zabaldutako hainbat lekukotzaren arabera. Atxilotu guztiak askatu dituztela dirudi, baina karguak egotzita.
Hauek dira IAk manifestazioan berretsi dituen bost eskariak:
1) San Mameseko istiluengatiko espedienterik ez irekitzea
2) Gasteizko ikasleen kontrako salaketak eta gainerako neurriak bertan behar uztea
3) Leioako ikasle inputatuen aferan EHUk esku hartzea eta haien egoera konpontzea
4) Ertzaintza EHUra sar ez dadin behin betiko neurriak hartzea
5) Campusetan dauden indar polizialak kanporatzea
IAren eta EHUren agiriak
Ikasle erakundeak, gertakariei buruz zabaldutako agirian, errepresioaren bidan tematzea aurpegiratu dio EHUri. Adierazi dutenez, manifestazioa errektoretzan sartu eta berehala bertan zeuden ikasleak jipoitzen hasi da campuseko segurtasun pribatua. Handik oso gutxira iritsi da Ertzaintza. Gutxienez 15 lagun izan dira zaurituak.
"Azken hilabeteetan agerikoak izan dira UPV eta Ertzaintzaren arteko elkarlanaren adierazpena", esan du IAk. "Guzti honek agerian utzi du berriro ereduen arteko talka honetan UPVk noren alde jarduten duen".
Gertakariengatik pritesta egiteko elkarretaratzera deitu dute, arratsaldeko 19.30ean Bilboko Unamuno plazan. Halaber, mobilizazioa egingo dute asteazkenean, 12:50etan, Leioako Campuseko Mikel Laboa plazan.
Unibertsitateak, bere aldetik, hartutako jarrera defendatu du agiri batean, hainbat hedabidek jaso dutenez. Idatzian, adierazpen askatasunaren alde agertu da EHU, eta gaineratu du "gutxiengo batek unibertsitateko espazioan indarkeriaz badihardu Errektoretzak ziurtatu egingo dituela oinarrizko eskubideak eta pertsona guztien segurtasuna".
Hezkuntza bi arazo handik zeharkatzen dutela adierazi dute IAk: "ideia erreakzionarioen" gorakadak eta "ikasleen egoeraren okertzeak". Mobilizazioaren deialdia hedatzeko, goizean errepide mozketak egin dituzte Donostian, Iruñean eta Gasteizen. Bilbon, Euskal... [+]
Ikasleen lan politikoa jazartzeko asmoz, Iruñeko Iturraman eta Biurdanan nahiz Bilboko Unamunon izan dira polizia-indarrak, IAk salatu duenez.
Kurtso hasieran, 2024ko irailean EHUko Bizkaiko campusean lan-zuzenbidea irakasten zuen irakasle faxista baten berri eman zuten ikasleek. Beste irakasle bat salatu berri dute, oraingoan EHUko Arabako campusean Farmazia Fakultatean, sare sozialetan mezu eta ideia erreakzionarioak... [+]
Iruñerriko IAk azaldu duenez, irakasle horrek ikasleak sexualizatu eta bortxaketak justifikatu zituen. Aurreko ostiralean eserialdi bat egin zuten eta sinadura bilketa bat izan dute martxan, irakaslea botatzeko.
"Alternatiba sozialista indartzera bidean" GKSk eta IAk eztabaidarako, hausnarketarako eta aldarrikapenerako espazioak antolatzeko beharra azpimarratu dute, eta horren baitan antolatu dute Gazte Topagune Sozialista. Ostegunetik hasita igandera arte izango da Altsasun.
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]
Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz... [+]
2016ko apirilean atxilotu zituzten Leioako 5ak, errepresioaren aurkako ikasle protesta batean. Zazpi urteren ostean izango da epaiketa, irailaren 27an, eta 39,5 urteko espetxe-zigorrak eta 45.000 euroko kalteordainak eskatuko dizkiete. Epaiketaren atarian, haietako birekin... [+]
Aurtengo edizioan Eskoriatza, Aretxabaleta eta Aramaio igaroko dituzte. Tailerrak, bertso-saioak, hitzaldiak, kontzertuak, eta abar antolatu dituzte hiru egunez. “Hausnarketarako eta formakuntza politikorako espazioa” izatea dela helburua azaldu dute.
Gazte Koordinadora Sozialistak eta Ikasle Abertzaleakek antolatu dute topagune sozialista. "Sozialismoaren kultura politikoa jaso, sakondu eta hedatzeko alternatiba sozialista eraiki behar" dela azaldu dute.
Selektibitatea hezkuntzaren elitizazioan sakontzeko mekanismoa dela salatu du Ikasle Abertzaleak antolakundeak. Bitarteko gutxien dituzten ikasleen heziketa prozesuan oztopo bat gehiago dela azpimarratu dute.
Martxoaren 30eko greba egunean, Ikasle Abertzaleek deitutako manifestazioek kaleak hartu dituzte Bilbon, Donostian, Gasteizen eta Iruñean, "Enpresarien hezkuntzaren aurrean, ikasle langileok borrokara" lelopean.
"Elite ekonomikoen araberako hezkuntza" dugula, eta enpresen eta hezkuntza zentroen arteko harremanak, jakintza-alor batzuetan jartzen den indarra, funtzio diziplinatzailea, kontrol sistemak… horren erakusgarri direla iritzi diote Ikasle Abertzaleek. Greba eguna... [+]