Ertzaintzak Kukutza gaztetxea hustu du. Eraiste agindua bertan behera utzi du epaileak
20:45 Mikel Garcia ARGIAko kazetariak Kukutza indarkeriaz hustu izana salatzeko Donostiako Zinemaldian egindako elkarretaratzearen kronika idatzi du: Kukutza Zinemaldian. Twitterren jaio eta ertzainekin amaitu den elkarretaratzea.
19:12 Goizean atxilotutako gehienak aske daude (karguekin), eta gainerakoak ere gaur bertan askatuko dituztela esan du beraien abokatuetako batek
18:45 Unai Brea ARGIAko kazetariak egunean zehar Kukutza gaztetxearen inguruan bizi izandakoak jaso berri ditu bere blogean, Izua Errekalden artikuluan.
18:37 Ertzaintzaren karga manifestazioaren aurka.
18:27 Rodolfo Aresek esan du Ertzaintzaren interbentzioa "neurrikoa eta profesionala" izan dela. (Eitb.com)
18:05 Ertzaintzak geldiarazi egin du 17:00etarako deituta zegoen manifestazioa. Milaka lagun daude bertan; 5.000 inguru, Gara egunkariaren esanetan. Tentsioa berriz ere Errekalden.
16:40 Aresek 17:30ean emango ditu operatiboari buruzko azalpenak, Erandioko komisaldegitik.
16:15 Gaztehgam: "Suminduraz bizi dugu Errekalde auzoko gaztetxearen desalojoa, herri honen gazteria beharrezkoa duen eremu librea desalojatzearen erabaki instituzionala, herritarron kontrakoa, beste behin ere". (UKberri.net)
14:45 Gaurko gertaeren bideo eta argazkiak (La onduladora)
12:45 Ertzaintzak Kukutza hartu arren eraiste agindua bertan behera utzi du behin-behinekoz epaileak (UKberri.net), Errekaldeberriz auzo elkartearen eskaria onartuz. Bihar epaiketa azkarra egingo dute bota ala ez erabakitzeko.
12:40 Esperanto kalean Ertzaintza ehunka gazteren aurka kargatzen hasi da, gomazko pilotak jaurtiz.
12:30 Oraindik hainbat gazte dituzte atxilo gaztetxean. Talde txikietan ari dira kanpora ateratzen.
12:20 Gutxienez 25 lagun atxilotu dituzte, eta dozenaka zauritu. (Gara.net)
12:05 Gaztetxe barruan zeuden ertzainak atera dira. Material ugari atera dute. Kanpoan, dozenaka Ertzainek inguraturik dute gaztetxea, eta ezin da inor hurbildu. Arratsaldeko 17:00etan manifestazioa egingo da, Amtezola geltokitik abiatuta.
11:45 Giroa lasai antzean dago Gaztetxe inguruan, nahiz eta oraindik atxilotuak ateratzen ari diren. Kamioi batzuk adreiluak ekartzen ari dira. Litekeena da ate eta leihoak ixtea.
11:25 Juanjo Agirrezabalak (EA) "elkartasuna" adierazi die Kukutzako kideei, eta esan du "onartezina" dela elkarrizketa bidez konpondu ahal zitekeena indarkeriarekin konpontzen saiatzea. Bestalde, adierazi du Aresek eta Azkunak Legebiltzarrean azalpenak eman ditzaten eskatuko dutela.
Gehitu du 10:30ean prentsaurrekoa eman nahi zutela, batetik, Barne Sailari eskatzeko polizia-operazioa ez agintzeko; eta, bestetik, Kultura Sailari eskatzeko Kukutza ondare izendatzeko tramiteak hasteko.
11:15 Politikariek atzera buelta eman dute. Pergolan prentsaurrekoa emango dute.
11:10 Legebiltzarkide, Bizkaiko batzarkide eta Bilboko zinegotzi talde batek Ertzaintzari baimena eskatu dio Kukutza barrura sartzeko, baina ez dute lortu. Horien artean Mikel Arana (EB), Dani Maeztu (Aralar), Zuriñe Gaintza eta Aitor Torre (Bildu), eta Juanjo Agirrezabala (EA) daude.
10:55 Ertzainek gaztetxe barruan zeuden 25 lagunak atxilotu dituzte. Antza, atzeko ate batetik ateratzen ari dira gazte horiek. Kanpoan bildutako lagun mordoa haruntza doa. Orotara 50 lagun inguru atxilotu dituzte, eta 25 zauritu [konfirmatzeke]
10:45 Ertzainak gaztetxeko teilatuan daude. Kazetariak handik 100 metrora daude (ertzainek horietako batzuk identifikatu dituzte), eta gazteei babesa ematera joan diren herritarrak 200 metrora-edo.
10:40 Hustearen aurkako erresistentzian teilatuan dauden hogei pertsonetako batekin, Josu Kukutzako gazte asanbladako kidearekin hitz egin dugu. Azken orduko gertakizunak kontatu dizkigu Ertzaintza teilatura heltzear dela.
10:30 Gazteek prentsaurrekoa eten dute, Kukutzatik abixua pasa baitiete ertzainak azken pisura sartzear daudela. Prentsaurrekoan zeuden lagun denak Gaztetxera doaz. Beraiekin daude, besteak beste, Zuriñe Gaintza Bizkaiko batzarkidea eta Oskar Matute Alternatibako bozeramailea.
10:10 Pergolan emango dute prentsaurrekoa. 200 lagun inguru doaz, eta aurki parlamentari batzuk batuko zaizkiela azaldu digute, Bildu, Ezker Batua eta Aralarrekoak, baita Bizkaiko Gazteriaren Kontseiluko ordezkariren bat ere. Ertzaintzak Gordoniz kalea hartua du.
- Iñaki Karro Kukutzako gazteen abokatuaren adierazpenak (Tas Tas irratia)
10:00 Ametzola plazan eserialdia egin duen jendearen aurka kargatu dute ertzainek. Han bildutakoak dispertsatu ditu. Edukiontzi batzuk bidean gurutzatu dituzte eta horrek trafikoa oztopatu du.
Bien bitartean, ertzainak gaztetxe barruan daude, eta soilik azken pisua hustea falta zaie. Jende asko dago han.
- Argazki galeria (Bilboko Branka)
08:30 Goizeko 5:30 aldera joan dira ertzainak eta udaltzainak Bilboko Errekalde auzoko Kukutza gaztetxera, eta han bilduta zegoen jendearen aurka kargatu du. Eitb.com-ek dioenez, gaztetxe barruan jendea dago oraindik. Udalak sinatutako eraisteko agindua betetzeko asmoz bertaratu dira ertzainak.
Gaztetxeko kideek prentsaurrekoa emango dute 10:00etan Ametzolako geltokian. 17:00etan, bestalde, manifestazioa abiatuko da leku beretik.
2011ko irailaren 21a ez dute Bilboko Errekaldeko auzotarrek erraz ahaztuko. Munduko alkaterik onenaren saria irabazi zuen Iñaki Azkuna jeltzaleak bidalitako hondeamakin eta ertzain saldoak eraitsi zuen Euskal Herriko gune autogestionatuetako ikurretako bat. Kukutza III... [+]
Lau hilabeteko espetxe zigorra ezarri diote zigortutako gazteari. Beste pertsona bat hiru urteko espetxe zigorra jasateko arriskuan dago, Kukutzarekin Elkartasun Taldeak (KET) gogorarazi duenez.
Batere jakin gabe Bilboko Azkuna Zentroak 200 euro eman zizkion azaroaren 12 honetan Kukutza defendatzeagatik auziperatuak izan ziren lagunei.
Bilboko auzitegiak bederatzi hilabeteko kartzela zigorra ezarri die hemeretzi gazteri Kukutzaren eraisketaren aurkako manifestazioan “desordena publikoak” eragitea leporatuta. Kartzela zigorraz gain 84.000 euroko kalte ordainak ordaindu beharko dute.
Astelehenean hasi da Bilbon Kukutza defendatu zuten 19 gazteren aurkako epaiketa. “Desordena publikoa” eta “erresistentzia” leporatuta, urte eta erditik bi urte eta erdirainoko zigorrak eskatzen dizkie fiskaltzak.
Bilbon eta Donostian mobilizazioak eginen dituzte larunbatean gaztetxeen alde. Deialdi bateratua egin dute Kukutzako 19 auzipetuei eta desalojo arriskuan den Kortxoeneari babesa adierazteko.
Bilboko Errekalde auzoko Kukutza III gaztetxea zena defendatzeagatik zigortu nahi dituzten gazteak babestera deitu du Kukutzarekin Elkartasuna taldeak. Aste Nagusiko asteazkenean, abuztuaren 26an, egingo dute elkarretaratzea, 19:00etan udaletxe aurrean.
Otsailean atera zen sententzia: Kukutzaren hutsaraztean atxilotutako 23 lagunetatik 22 absolbitu eta bat 3 urteko espetxe zigorrera kondenatu zuen epaileak, azken hori atentatu delituagatik kondenatuz. Bost hilabete geroago, fiskaltzak absoluzioa errekurritu du.
“Berri mingarriak ditugu”, adierazi dute Kukutzarekin Elkartasun Taldeko kideek ostegunean egindako prentsaurrekoan. “Duela lau urte Kukutza lapurtu ziguten berdinek gure lagunak erasotzeko duten asmoaren aurrean, beste elkartasun olatu bat piztu behar... [+]
Bide azkarretik eta hauteskunde giroan jarri diote Bilboko Alondegiari Iñaki Azkuna izena, iaz zendutako Bilboko alkatea gogora ekartzeko, baita jeltzaleak egin zuen apustua ere, “kulturak hiriaren eta pertsonen eraldaketan eragin zezan”. Erabakiaren... [+]
Agintearen aurkako erasoa egotzita hiru urteko espetxe zigorra ezarri diote Kukutzako hustearen aurkako erresistentzian parte hartu zuen gazte bati. Usurpazio delitua egozten zizkieten 23 lagunak absolbitu dituzte. Kukutzarekin Elkartasun taldeak salatu du epaileak ertzainen... [+]
2011ko irailaren 21ean hustu zuten Kukutza Bilboko Errekalde auzoko eraikin okupatua. Era bortitzean oldartu zen Ertzaintza eraikin barruan erresistentzia egin zuten gazteen aurka. Gaur oraindik epaiketen zain daude 44 lagun.
Uda osoa auzolanean emango dute Bilboko Errekalde auzoko Gazte Asanbladako kideek “Etxarri” gaztetxean lan egiten. Info7 irratiak gaztetxeko kideekin hitz egin du, txukuntze lanak nola dihoazen jakiteko.
Ostegun gauean zabaldu da albistea sare sozialetan: "Bilboko Errekalde auzoak gaztetxe berria lortu du".