Gasteizko EHUn sartu eta ikasle bat atxiki du Ertzaintzak, kaputxadunen ekintza baten ondoren
Ostegun goizean zenbait gaztek kaputxak jantzita Gasteizko Letren Fakultateko kamerak hautsi ostean, EHUk Ertzaintzari deitu dio. Agenteak Letren fakultateko Ikasle Gelan eta Farmaziako fakultatean sartu dira eta ikasleen motxilak, ordenagailuak eta paperak eraman dituzte, ARGIAk zenbait iturriren bidez jakin ahal izan duenez.
Ikasle bat ere atxiki du Ertzaintzak. Hasiera batean atxilotu egin dutela zabaldu da, baina atxiki eta identifikatu ostean askatu dute. Goiz guztian zehar Ertzaintzaren presentzia handia izan dela esan dute aipatutako iturriek.
Ikasle mugimenduak mobilizazioak iragarri ditu gertakariei erantzuna emateko.
Azken egunotan askotan joan da Ertzaintza EHUra. Besteak beste, martxoaren 3an, 1976ko bost langileren hilketaren urteurrenean, edo astelehenean, Iruñeko atxiloketak salatzeko kontzentrazioan zeuden gazteak identifikatzen saiatu zirenean.
Datorren astean greba deituta dute asteazkenean ELA, LAB eta Steeilas sindikatuek, eta ostegunean, Ikasle Abertzaleek.
Errektorego taldeak elkarretaratzea deitu du ekintzen aurka
EHUk hedabideetara bidalitako ohar batean baieztatu du Ertzaintzari deitu diola, "azken asteotan behin eta berriz gertatu den egoera honen aurrean, eta langileen eta ikasleen segurtasun fisikoa babestu nahian".
Unibertsitateak adierazi duenez, kaputxadunek hainbat kalte egin dituzte: kamerak hautsi dituzte, ate nagusietako baten kristala apurtu eta fakultateko ahots eta datu sarea hondatu.
Errektorego taldeak "irmo" arbuiatu ditu "errepikatzen ari diren euskal unibertsitate publikoaren aurkako erasoak" eta unibertsitateko kide guztiei dei egin die kontzentrazioa egitera ostiralean.
Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]
Duela ia urte eta erdi, Ahoztar Zelaieta kazetariak Satlantis enpresaren aurpegi ezezagunena ekarri zuen argitara. Azkenaldian berrikuntza teknologikoaren alorrean sortzen ari diren euskal enpresen izar gisa aurkezten zaigu Satlantis; baina El Salto-k argitaratutako La empresa... [+]
IMQ osasun enpresa pribatuak “baldintza ekonomiko esklusiboak” eskaintzen dizkie unibertsitate publikoko milaka langileri eta beren familiei, %15eko beherapenarekin “gutxienez”. Urteak dira unibertsitate publikoak osasun aseguru pribatuen eskaintza... [+]
Ahoztar Zelaietaren ikerketa batek argitu du EHUk lotura duela palestinarren etxeak botatzeko erabiltzen diren ‘bulldozerrak’ garatu dituen institutuarekin. Unibertsitate publikoak apirila bukaeran esan zuen harremanak etengo zituela Palestinako sarraskia espreski... [+]
EHUko Gobernu Kontseiluak adierazpena onartu du, Palestinaren alde eta Gazako sarraskiaren aurrean. Hainbat konpromiso hartu ditu, besteak beste, boluntariotza programa bat martxan jartzea, errefuxiatuen arreta zabaltzea eta giza eskubideen inguruko gogoeta sustatzea. Harreman... [+]
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
Azken lau hamarkadetan itsasoaren gainazalaren tenperatura-igoerak makroalgen komunitateetan izan duen eragina aztertu du EHUko ikerketa-talde batek. Bizkaiko kostaldeko eremu batean sakonera-puntu desberdinak ikertu dituzte eta ikusi dute egituratzaileak diren afinitate hotzeko... [+]
Proiektuaren memorian, nazioarteko erakunde laguntzaileak daude, eta horien artean Tel Aviveko unibertsitatea nabarmentzen da "erreferentzia" gisa. El Saltok lortu duen dokumentazioaren arabera, gobernu sionistak Gazan genozidioa hasi eta egun gutxira onartu zen... [+]
Euskal Herriko Unibertsitateko Bitartez ikerketa taldeak eta Pikara Magazine agerkariko kideek sortu dute.
Asteazkena da lehen greba eguna: irakasle eta ikertzaileak daude deituta. Martxoaren 12rako ere berriz egin dute deia: EHUko langile guztientzat da hura. Irakasle eta ikertzaileen “prekarizazioaren” kontra egin nahi dute protesta.