Errenteria eremu tentsionatu izendatuko dute, etxebizitzaren arazoari aurre egitea helburu
Geroz eta zailagoa da Errenterian etxebizitza eskuratzea. Etxe gutxi daude, eta garesti, gainera. Horregatik abiatu zuen Udalak gune tentsionatu izateko prozesua, eskaera Eusko Jaurlaritzari luzatuta. Asteazkenean egingo dute ofizial izendapena. Horrek aukera emango du Errenterian alokairuaren prezioak arautzeko.
Errenterian, azken hamar urteetan "proportzionalki" hazi dira biztanleria eta etxebizitza kopuruak, Udalaren hitzetan, baina herrian egin duten diagnostikoak erakutsi du "etxebizitza-hornidura nahikoa ez izateko arrisku berezia dagoela", kontuan izanda, gainera, etxebizitza hutsen parke oso txikia duela (% 5,5), nahiz eta bigarren etxebizitza kopurua murriztu egin den (% 7,7).
"Biztanleriaren hazkundeak eta zahartzearen eta egungo dinamiken ondorioz etxebizitza-parkearen erabilera ez hain intentsiboak eskarian presioa eragiten dute, eta horrek etxebizitzaren prezioak igotzea dakar", azaldu du Errenteriako Udalak. "Egoera hori larriagotu egiten da Donostiako metropoli-eremuko etxebizitzen garestitzeak eragiten duen presioagatik; aldi berean, horren ondorioz, gazteak inguruko beste udalerri batzuetara joaten ari dira, hala nola gurera".
Etxebizitzaren prezioak pixkanaka gora egin duenez, alokairuko etxebizitzen kopurua %73 hazi da azken hamarkadan Errenterian. "Baina, era berean, merkatu librean alokairua ordaintzeko zailtasunak nabariagoak izatea eragin du". Horren adierazle da Etxebiden dagoeneko emantzipatuta dauden familien etxebizitza babestuaren eskaera handia, "etxebizitza babestuan alokairuak ordaintzeko hilero egiten duten ahalegina murrizteko helburuarekin".
Egoera horren aurrean, "beharrezkoa da tresnak eta ahaleginak areagotzea, hain konplexua eta beharrezkoa den etxebizitzaren esparruari heltzeko"; Errenteria tentsiopeko eremu izendatzea mugarri izan daiteke.
Errenteria izango da Jaurlaritzak eremu tentsionatu izendatuko duen lehenengo udalerria. Halaber, Etxebizitza eta Hiri Agendako sailburu Denis Itxasok gogorarazi du Zumaiak, Lasarte-Oriak eta Galdakaok (eremu konkretu baterako) ere prozesua abiatu dutela. "Eusko Jaurlaritzak orain arte jaso dituen lau eskabideak dira, baina badakigu Irunek eta Donostiak ere dokumentazioa urrian zehar entregatzea aurreikusten dutela eta beste bi hiriburuak, Bilbo eta Gasteiz, euren proposamenak aurkezteko prozesuan murgilduta daudela", erantsi du. "Guk eskabideak Ministeriora bidaltzen ditugu, eta Ministerioak 3 hilabete ditu eremu tentsionatuaren izendapena onartzeko".
Plataformak "atzerapausotzat" hartu du Eusko Jaurlaritzako Etxebizitza eta Hiri agendako sailburu Denis Itxasok berriki iragarri izana lurzoru urbanizagarrietako etxe babestuen proportzioa %75etik %60ra jaistea. Pradales agintera iritsi zenetik alokairu soziala eskatzen... [+]
Etxera itzuli ahal izan diren arren, joan den azaroan kaleratu zuten Astrabuduko familia berriz ere arriskuan dago. Uribe Kostako Etxebizitza Sindikatuak salatu du mailegu-enpresa berriz ere saiatzen ari dela kanporatzea gauzatzen, oraingoan, desokupazio-enpresa bat... [+]
Etxebizitza berrien promozioak ez atzeratzea da Eusko Jaurlaritzako Gobernu Kontseiluak onartu duen dekretuaren helburu nagusietako bat. Zentzu horretan, udalei "autonomia" gehiago emango diela ziurtatu du Denis Itxaso sailburuak.
Azken boladan gero eta gehiago entzuten dugu gazte askok etxebizitza erosteko ahalmenik ez dugula. Batzuetan, badirudi ez dagoela beste gairik; egia da gai serioa dela. Niri neuri ere, 31 gertu izan arren, oraindik pixka bat falta zait neurea izango den etxebizitza lortzeko... [+]
Azken egunak garrantzi handikoak izan dira Bartzelonan, etxebizitzaren aldeko mugimenduarentzat eta espekulatzaileen aurkako borrokarentzat. Urtarrilaren 28an, polizia-armada batek Raval auzoko Massana Zaharrari [zentro sozial okupatua] eraso egin zion goizaldean, aurrez abisatu... [+]
Lau urte eta erdira arteko kartzela-zigorrak eta 25.000 eurorainoko isunak eskatzen dituzte auzipetuentzat. Duela lau urte, etxe-kaleratze bat gelditzen saiatu ziren Herrandarren kalean.
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.
Genero-indarkeriaren biktima den emakume bat eta haren bost seme-alabak, horietatik hiru hemezortzi urte beherakoak, etxetik bota nahi izan dituzte ostegunean. Erabakia aurrera eramateko baldintzarik ez zegoela argudiatuta ez dute kaleratzea burutu, baina beste data bat... [+]
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]
Burgosko Gamonalen 2014ko urtarrilean gertaturikoa M15 mugimenduak eta antzekoek hauspotutako protesta soil batzuk izan zirela uste duena, oso erratuta dabil. Auzoaren memorian arakatzea besterik ez dago konturatzeko zer nolako eragina izan zuten iraganeko galera sentimenduak,... [+]
Ekainaren 5ean bota zituzten Desokupacyl enpresako bi matoi Sorazuletik, eta bi pertsona identifikatu zituen Poliziak. Urtarrilaren 29an deklaratu beharko du haietako batek.
Iaz egin nuen topo lehen aldiz Ander Zangiturekin, Azpeitiko Dinamoa sormen gunean antolatzen duten Hitzaren Eskolan. Isiltasunaren inguruan aritu ginen, batez ere, hausnarrean. Harrezkeroztik tentu handiagoz erreparatu die haren formei bere ogibidearen mundutik, arkitekturatik... [+]
Auzoko familia bat etxea galtzeko arriskuan dagoela salatu du Berriozarreko Hipotekak Kaltetuen plataformak, hipoteka 600 eurotik 1.150 eurora igo eta gero. Familiarentzako irtenbide bat eskatu du plataformak.
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]