Errekaleor eraisteko txostenik ez dagoela salatu dute
Irabazi, Podemos eta EH Bildu udal taldeek agerraldia egin dute gaur, eta Errekaleor auzoaren eraispena justifikatzeko udalaren txostenik ez dagoela salatu dute.
Hori dela eta, Udal Gobernuak auzoa botatzeko eman dituen arrazoiak "politikoak" direla uste dute hiru oposizioko alderdiek. Errekaleor auzoaren inguruko txostenak aztertu eta gero, bertako etxebizitzetako arazoak Adurtza, Ariznabarra, Abetxuko edo Alde Zaharrekoek dituzten berdinak direla ondorioztatu dute hiru alderdiek. "Garai zehatz batean egin ziren etxebizitzak dira, eta ez dute betetzen egungo arautegia. Eraikinetan hobekuntzak egin behar badira, ez da eraikinetan arazoak daudelako", zehaztu du Irabaziko zinegotzi Oscar Fernandezek.
"Aluminosirik ez"
Gainera, Urtaranek aipatzen zuen aluminosiaren arrastorik ez dagoela gaineratu du EH Bilduko bozeramaile Miren Larrionek: "Aluminosiaz hitz egin du Urtaranek, baina ez dago horren arrastorik. Karga-hormak aipatu dira patologikoa izango balitz bezala, eraikitzeko modu bat denean; kontu elektrikoa ere konpondu daiteke...".
Hala, auzoa eraisteko arrazoi teknikorik ez dagoela gaineratu du Podemoseko Juan Cerezuelak: "Orduan arrazoiak politikoak edo espekulatzaileak dira" eta bere ustez, auziaren atzean "negozioa egiteko asmoak" daude.
Horren aurrean, txosten berria egiteko eta elkarrizketa eta akordioak bideratzeko eskatu diote udal gobernuari.
Albiste hau Arabako Aleak argitaratu du eta CC by-sa lizentzia baliatuta ekarri dugu ARGIAra
Errekaleor Bizirik auzoaren hamargarren urteurrena ari da ospatzen. Adierazi dutenez, 24 orduan lau identifikazio eta hiru isun jasan dituzte. Isunak mozal legea aplikatuta jarri dizkiete.
2013ko irailaren 3an Gasteizko aldirietako Errekaleor auzoko 26. ataria okupatu zuten Gasteizko EHUren campuseko zenbait ikaslek. Hilabete amaieran ospatuko dute urteurren borobila, talde entzutetsuen kontzertuekin, besteak beste. Hamarkada oso baten gazi-gozoez, Urtaranen... [+]
Oinharri eskolak Formakuntza Barnetegia eskainiko du, Euskal Herriko herri mugimenduentzako formakuntza politikoa. Lau urte daramatzate formakuntza ematen, eta beraien metodologia Brasilgo Lurrik Gabekoen Mugimenduan (MST) oinarrituta dago, materialismo dialektikoa ardatz.
Azterlan hori egiteko, jendea bizi den blokeen egoera, ezaugarri fisikoak eta eraikuntzakoak, balizko arazoak eta bizigarritasunari dagokionez duten egoera orokorra aztertu dituzte, 2022an zehar. EAEko Eraikinen Ikuskapen Teknikoaren ereduari jarraituz egin dituzte blokeen... [+]
Kataluniako mugimendu libertarioan infiltratu zen eta Gasteizko auzo okupatuan ere egon zen poliziaren kasua herri mugimenduen aurkako errepresio orokorraren baitan kokatu du Errekaleor Bizirik-ek.
Espainiako Poliziako agente batek hiru urte eman zituen Bartzelonako mugimendu sozialetan infiltratuta. Barztelonako La Cinétika zentro sozialean hasi zen 2020an, eta “harreman sexu-afektibo instrumentalak” mantendu zituen hainbat emakumerekin eta horri esker... [+]
Kontsumismoa da gaur egungo “-ismo” garrantzitsuenetakoa. Hain errotua dugu, ezen produktu askoren kontsumo mugagabeak baliabide krisi batera zuzendu baitu gure gizartea. Era berean, ekoizpenari loturiko eredu energetikoa kinka larrian dago, energia baliabideak... [+]
"9 urte bizirik, 63 urte memorian" lelopean ospatuko dute urtemuga aurten, irailaren 21etik 25era bitartean.
EAEko eta Errekaleor auzo askeko energia kontsumoa kalkulatu ditu Euskal Herriko Unibertsitateko ikerlari talde batek, aztarna energetikoan eragiten duten faktoreak ezagutzeko.
Gasteizko auzo okupatuko lurretan ortua egiteko lursail bat hartu dezakete herritarrek. Hainbat dozena baratze martxan dira jada, eta kopurua handitzeaz gain proiektuaren izaera komunitarioa indartu nahi dute orain.
Dagoeneko hasi da Olarizu hiribideko blokeen eraispena, joan den astean utzarazpena gauzatu ostean. Bertan izan da Gorka Urtaran: "Errekaleorrek Olarizuren zorte bera izango du", ohartarazi du alkateak.
Zazpi urte bete ditu Errekaleor Auzo Askeak eta hori ospatzeko jarduera sorta bat antolatu dute Gasteizko hainbat txokotan.