Gasteizen milaka pertsona abiatu dira Andra Mari Zuriaren plazatik hiriko kaleetara. Iruñean Nabarreria plazan egin dute elkarretaratzea eta Donostian Eusko Jaurlaritzaren ordezkaritzan.

Gasteiz (Hala Bedi):

Iruñea (Ahotsa.info):

Donostia (@probatxoa):

Arratsaldean eta iluntze partean mobilizazioak egingo dituzte Euskal Herriko hainbat tokitan, Errekaleorren argindarra mozteko Ertzaintzaren operazioa salatu eta auzokideekin elkartasunez. Hauek dira deialdietako batzuk:

Gasteizen, Andra Mari zuriaren plazatik abiatuta manifestazioa egingo dute arratsaldeko 19:00etan

Iruñean, Nabarreria plazan bilkura du Iruñerriko Herri Mugimenduak 20:30etan.

Donostian, Eusko Jaurlaritzaren Andia kaleko egoitza parean elkarreteratuko dira 20:00etan.

Hala Bedik bere Twitter kontutik zabaldu duenez, goizean Errekaleor auzoan Ertzaintzak atxilotu dituen hiru lagunetik bi aske leudeke.

@Errekaleor @topatu_eus @AhotsaInfo @argia @hara_ba Goizean atxilotutako hiru gazteetatik, bi aske daude jada. https://t.co/5piwcjrlkA

— Hala Bedi Irratia (@halabedi) May 18, 2017

Goizeko 10:00etan Errekaleor Bizirik-ek eta Hala Bedi irratiak abisua jo dute Ertzaintza Errekaleor auzora bidean zela argindarra mozteko asmoz. Ertzaintzak Eusko Jaurlaritzako Industria sailaren agindua betetzen ari zela esan du Garak. Dispositibo oso handia erabili dute horretarako, furgoneta eta agente ugarirekin.

Bertako auzokide ugari eta beste tokietatik joandako hainbat lagun argindarraren-koadroaren inguruan bildu dira operazioari aurre egiteko eta harresi bat osatu dute.

Goizean tentsio momentuak bizi izan dira ertzainen eta auzotarren artean, hainbat lagun arrastaka eraman dituzte harresitik eta inguruan zeuden lagunen kontra ere oldartu da polizia.

Kazetariek oztopoak izan dituzte euren lana egiteko. Topatu.eus-eko kide bat identifikatu eta kanporatu egin dute gertaerak izaten ari ziren tokitik. Garako Ion Salgado kazetariak ere salatu du ez dietela auzora hurbiltzen utzi Ertzaintzaren furgoneta batek bidea moztuta zuelako. Hala Bediko kazetari bati, berriz, lanerako erabiltzen zuen mugikorra hautsi diote, nahiz eta kazetari-txartela erakutsi duen.

Iberdrolako teknikariak ere iritsi dira argindarra mozteko eta garabi bat eraman dute horretarako. Hainbat lagun argindar-koadroaren inguruan lotu dira hodi baten bidez eta teknikariek ezinezkoa izan dute bertatik ezer egitea. Suhiltzaileek uko egin diote esku-hartzeari, euren esanetan ez delako larrialdi bat, eta ondorioz etxez etxe moztu dituzte kableak.

Goizean zehar bi atxilotu baieztatu ahal izan dituzte tokian bertan zeuden iturriek. EiTBk informatu duenez, hirugarren atxilotu bat ere legoke eta beste bi laguni diligentziak irekiko dizkio Ertzaintzak. Horrez gain hainbat lagun identifikatu dituzte.

Arratsaldeko 15:30ak aldera Iberdrolako teknikariek etxe guztietako argindarra moztu dute eta Ertzaintza joan egin da auzotik.

Errekaleor Bizirik-eko kideek manifestazioa deitu dute gertatutako salatzeko, arratsaldeko 19:00etan Gasteizko Andra Mari Zuriaren plazatik abiatuta. Iruñean ere bilkura egingo dute Nabarreria plazan Errekaleorren bizi den jendearekiko elkartasunez.

Gasteizko Andra Mari Zuriaren plazatik manifestazioa egingo dute gaur, 19:00etatik aurrera, goizeko gertakariak salatzeko.

Andaluziako SAT sindikatuak mezu hau bidali du Twitter bidez, Errekaleorri babesa adieraziz:

Arabako Kaleratzeak Stop-ek ere elkartasuna adierazi die eta elektrizitate-enpresen tarifa garestiak salatu ditu:

Madrilgo La Ingobernable zentro sozial autogestionatuak espekulazioaren kontrako mezua zabaldu du Errekaleorrekin elkartasuna adierazteko.

Euskal Herriko gaztetxe eta gazte asanbladek ere animoak eman dizkiete Errekaleorreko auzotarrei. Legazpiko Gaztetxearen mezua da hau:

Beste hau berriz, Kanpezutik bidali dute:

Donostiako Txantxarreka gaztetxeak jakinarazi du 16:00etan elkartuko direla.

Eta Gasteizko Askapena talde internazionalistak auzoa defendatzera deitu du:

Beste mugimendu eta eragile asko ere ari dira ostegun goizeko polizia-operazioa salatzen.

Argindarra eten dute Errekaleorren, hiru orduz hori eragozteko erresistentzia baketsua egin ondoren. Errekaleor Bizirik plataformak erresistitzen jarraituko dutela adierazi du.

Hala Bedi irratiko kazetari baten telefonoa puskatu du Ertzaintzak, Errekaleor auzoan gertatzen ari zena jarraitzen ari zen bitartean. Kazetari-txartela erakutsi du Hala Bediko kideak, baina ertzainak ez dio bere plaka zenbakia eman irratiaren arabera.

Ondoren berriz joan da agentea kazetariengana eta prentsa txartelak kendu dizkie.

Errekaleor Bizirik plataformak jakinarazi duenez, Ertzaintzak osatutako polizia-hesia hautsi dute inguratu diren herritarrek. Auzora gerturatzeko eskatzen ari dira.

Errekaleor auzora bidali duten dispositiboak ez du lortu argindar koadroaren inguruan kateatu diren pertsonak askatzea, suhiltzaileek uko egin diotelako lan horri. Ondorioz, blokez bloke moztuko dute elektrizitatea, Errekaleor Bizirik plataformak zabaldu duenez.

Gasteizko auzo autogestionatuaren aurkako operazioak mugimendu handia eragin du Twitterren ere. Hainbeste, Espainiako Estatu mailan gai aipatuenetarikoa izatera iritsi dela, jario hori neurtzen duen Trendinaliaren arabera.

Hala Bedi irratiaren arabera, zortzi lagun geratzen dira kateatuta Errekaleorreko argindar-koadroaren inguruan.

Hedabide beraren arabera, Gasteizko suhiltzaileek esan dute larrialdi egoeran bakarrik parte hartuko dutela. Kanpoan geratu dira.

Une honetan langileak Errekaleor Bizirik plataformak bideo hau zabaldu du, non zenbait langile ikusten diren argindar koadrora iristeko dauzkaten oztopoak kentzen.

Alderdi politikoek ere erreakzionatu dute Errekaleorreko operazioaren aurrean. EH Bilduk honako txioa bidali du:

Gasteizko Podemos-Ahal Duguk onartezintzat jo ditu goizeko gertakariak.

Arabako Ezker Anitzak babesa adierazi die auzotarrei:

Gasteizko EH Bilduk, bestalde, Errekaleorreko operazioa eta EAJ-PP akordioa lotu ditu.

Hala Bedi irratiak beheko irudia zabaldu du: garabi bat eraman dute Errekaleor auzora Ertzaintzak babestuta. Auzotarrek Iberdrolako langileei desobeditzeko eskatu dietela jakinarazi du Gasteizko irratiak.

Ion Salgado Gara egunkariko kazetariak Twitter bidez salatu duenez, Ertzaintzak Errekaleor auzoa inguratuta dauka eta ez die kazetariei pasatzen uzten.

Naiz hedabideak jakitera eman duenez, Errekaleor Bizirik plataformak bigarren atxiloketaren berri eman du.

Hala Bedik informatu duenez, Topatu.eus hedabideko kazetari bat identifikatu eta kanporatu du Ertzaintzak Errekaleorretik. Tentsioak ez du etenik Gasteizko auzo autogestionatuan, goizeko 10ak aldera polizia autonomikoa argindarra mozteko asmoz agertu denetik.

Errekaleorren Twitter kontuak zabaldu duen bideo honetan ikusten da nola darabilten sei ertzainek Errekaleorreko auzotar bat lurrean arrastaka, bultzaka eta tiraka.

Gutxienez pertsona bat atxilotu du Ertzaintzak Errekaleorren goizeko 10etatik egiten ari den polizia-operazioan.

Errekaleorreko argindar-koadroaren inguruan bildutako auzotarrak kanporatzen ari da Ertzaintza. Lekukoen arabera, bortizkeria erabiltzen ari dira polizia autonomikoko agenteak. Hala Bedi irratiak bideo hau argitaratu du Twitter bidez.

Hala Bedi irratiak informatu duenez, Ertzaintza kargatzen hasi da Errekaleor auzoko argindar koadroa babesten ari ziren pertsonen kontra.

Ertzaintzak kanporatu egin ditu Errekaleorreko argindar-koadroaren inguruan eserita zeuden pertsonei babesa adieraztera inguratutako pertsonak.

Hala Bedi irratiak txio honetan esplikatu du egoera: bizilagunak argindarraren koadroa inguratzen ari dira, elektrizitatea kentzea eragozteko.

Ertzainen furgoneten atzetik Iberdrolarenak ere iritsi dira Errekaleorrera. Auzotarrek azaldu dutenez, argindarra mozteko asmoa du multinazionalak.

Hala Bedi irratiak jakitera eman duenez, Ertzaintzaren furgoneta batek auzoko sarrera moztu du. Tentsio uneak izaten ari dira.

Errekaleor auzotik iristen ari diren irudiek erakusten dutenez, Ertzaintzak agente ugariko dispositiboa bidali du Errekaleor auzora. Bertan bizi direnek lurrean eserita, auzoaren aldeko oihuekin erantzun dute.

Ertzaintza Errekaleor auzora iritsi da Hala Bedi irratiak jakinarazi duenez.

Ertzaintzak auzoa husteko asmoa edukiz gero, aurre egiteko prest daudela azaldu dute Errekaleorreko kideek Está pasando en Gasteiz webgunearen arabera. Erresistentzia jada martxan dagoela diote auzokideek Twitter bidez.

Polizia autonomikoa ez da oraingoz iritsi.

Errekaleor Bizirik! Twitter kontuak bideo hau zabaldu du. Auzotarrak ikusten dira bertan, Ertzaintza iritsi aurretik auzoa defendatzeko kalera irtenda.

Hala Bedi irratiak informatu duenez, Ertzaintza Gasteizko Errekaleor auzo autogestionatura bidean da. Auzoko bizilagunak kalera irten dira auzoa husteko arriskuaren aurrean.