'SOS errefuxiatuak, UE-Turkia akordioari ez!' lelopean, Ongi Etorri Errefuxiatuak plataformak hainbat jarduera antolatu ditu larunbatean, hilak 23, Bilbon. Eguna Udaletxean kontzentratuz abiaraziko du, Plaza Eliptikoan akanpada egiteko Udalak baimena ukatu diola salatuko du plataformak.
Ostiral gaua Plaza Eliptikoan kanpinean lo eginez pasa nahi zuten Ongi Etorri Errefuxiatuak Bizkaiko plataformako kideek. Errefuxiatuei elkartasuna erakutsi nahi zieten ekintza horrekin. Baina Bilboko Udalak, Espazio Publikoaren Erabilerarako Bulegoaren bitartez, akanpadarako baimena ukatu dio plataformari. Horregatik larunbateko lehen jarduera Udaletxe aurrean protesta egitea izango da. "Udalaren jarrera salatzea".
Bilboko Udalak ezetza eman dio plataformari, "bestelako espaziorik eskaini gabe". Ongi Etorri Errefuxiatuak Bizkaia plataformak adierazi duenez, Plaza Eliptikoan antolatu nahi duen jarduera "hirritarren sensibilizazio kanpaina baten baitan kokatzen da, hain zuzen ere, errrefuxiatuak pairatzen ari diren egoerari buruzko informazioa zabaltzeko asmoz Europako hainbat hiritan etengabe deitzen ari diren ekitaldietako bat da".
Ondoren, giza katea egingo dute Plaza Eliptikora arte. 11:45ean, hiru kolektibotako kideek 'Egungo errefuxiatuen egoera' izango dute hizpide hitzaldi-tailerrean. 16:30ean asanblada orokorra egingo dute Plaza Eliptikoan, 18:30ean giza katea Bilbon zehar, eta bukatzeko elkarretaratzea Arriaga plazan 20:00etan.
Larunbatean, Eliptika, protesten gune
Ongi Etorri Errefuxiatuak Bizkaiko plataformaren mobilizazioa ez ezik, larunbatean Bilbon beste bi mobilizazio ere izango dira. LAB sindikatuak 'Gure industriaren defentsan' lelopean manifestazioa egingo du eguerdian Jesusen Bihotzetik hasita. Plaza Eliptikora hurbiltzen direnean, "espazioa utziko diegu", azaldu dio URIOLAri Ongi Etorri Errefuxiatuak Bizkaia plataformak.
Emakumeen Mundu Martxak Plaza Eliptikoan, HYM multinazionalak duen dendaren aurrean elkarretaratzea egingo du larunbatean. Rana plazan (Bangladesh) emakume langile ugarik baldintza prekarioan jarduten zuten lantegiaren hondamendiaren 3. urteurrena gogoratzeko protestaldia da. 'Nor da fashion victima' lelopean, ehungintzako langileentzat lan baldintza duinak bermatzeko eskaera egingo dute. Arropa erosle eta kontsumitzaileei, berriz, "arduraz" jokatzeko eskatuko diete.
Albiste hau Bilboko Uriolak argitaratu du eta CC-by-sa lizentziari esker ekarri dugu ARGIAra
Kritika artean abiatu dira Gasteizko Arana klinika zena Nazioarteko Babes Harrera Zentro bilakatzeko obrak. Ez auzokideak, ez errefuxiatuekin lan egiten duten gobernuz kanpoko erakundeak, ez PSEz bestelako alderdi politikoak ez daude ados proiektuarekin: makrozentroen ordez,... [+]
HTSk boterea hartu duenetik, babes-eskaerak gelditu dituzte Mendebaldeko hainbat gobernuk. Alemaniak 47.270 eskaera utzi ditu bertan behera bat-batean, "Siriako etorkizun politikoa zalantzazkoa" dela argudiatuta.
Gobernuak aberriratu ondoren, ia urtebetez bizi behar izan dute aterpetxeetan eta ostatu pribatuetan, eta etengabe lekualdatu dituzte. Gaur egun erabiltzen duten aterpetxea urriaren 31n utzi beharko zutela esan zieten azkenekoz, nahiz eta badirudien beste luzapen bat ezarriko... [+]
"Segurtasun gehiago, inmigrazio gutxiago". Bruno Retailleau barne ministro frantsesa argi mintzatu da, kargua hartu berritan. Etorkinen gaineko kontrola azkartu nahi du Michel Barnier lehen ministro eskuindar-kontserbadorearen gobernuak, eta jada Retailleauk aitzinatu... [+]
Kazetaria eta giza eskubideen defendatzaile sutsua. Munduko Medikuak, Apoyo Mutuo edota SHM gobernuz kanpoko erakundeekin lan egin izan du boluntario eta kazetari moduan. Hainbat komunikabidetan hamaika erreportaje plazaratu ditu Greziako Chios irlatik, hala nola Mediterraneoko... [+]
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako... [+]
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
