Arkaitzerrekara bisita gidatua antolatu du Errausketaren Aurkako Mugimenduak larunbaterako
Duela zenbait hilabetetik kutsatuta datorren Arkaitzerreka errekara bisita gidatua antolatu du Errausketaren Aurkako Mugimenduak azaroaren 12rako, larunbata.
Arkaitzerreka erreka kutsatu du erraustegiak, irudiotan ikus daitekeenez.
"Isurketa larria bertatik bertara ikusteko deialdia egiten dugu eta delitu ekologiko honi buruzko azalpenak emango dira", adierazi dute sare sozialetan.
Azaroaren 12an, larunbata, goizeko 10:30ean abiatuko da ibilaldia Usurbilgo frontoitik eta katiuskak edo mendiko botak eramatea komeni dela oroitarazi dute.