“Errausketaren aurkako giza katearen atzean ezker abertzalearen kanpaina dago”, Gipuzkoako Aldundiaren ustez
Gipuzkoan erraustegia eraikitzeko proiektuaren aurka izan diren azken mobilizazio eta adierazpenak gogor kritikatu ditu Imanol Lasa Aldundiko bozeramaileak, Onda Vasca irratiari emandako elkarrizketan. Zehazki, ezker abertzalea kritikatu du Lasak, "gezurretan aritzea eta ikara zabaltzea" leporatuz.
Aldundiko bozeramailearen iritziz, "ez dago errauskailuak herritarren osasunerako eraginik ekarriko dituela ondorioztatzeko ebidentzia zientifikorik". Errausketak kalterik eragiten ez duela dioten bi ikerlan aipatu ditu: bata EHUk Bizkaiko Zabalgarbi errauskailuaren eraginei buruz 2011n egindakoa; bestea Osakidetzak 2004an kaleratutakoa, errauskailuei buruz oro har.
Lasak aipatutako txosten biak zorrotz kritikatu izan ditu, hain zuzen, osasungintzako profesionalek osatutako Osasuna eta Errausketa Ikerketa Taldeak (OEIT). Haiei buruz ere aritu da Lasa, eta sinesgarritasuna ukatu die: "Zientziari eta osasunari lotutako gaietan, baieztapen guztiek ez dute pisu bera. Ez da nahikoa medikuntza titulua izatea, eta hau errespetu osoz diot". Aldundiak Zubietan eraiki nahi duen errauskailua ingurumenari lotutako “teknologia, baimen eta kontrol aurreratuenak” izango dituela ere azpimarratu du.
Igandean milaka lagun bildu zituen giza kateaz honakoa esan du Lasak: “Batzuek modu baketsuan adierazten dute beren iritzia eta guk errespetatu egiten dugu, baina begi-bistako intentzionalitate politikoa eta ezker abertzaleak prestatutako kanpaina daude deialdi horren atzean”.
Gipuzkoa Zutik ekimena ere aipatu du zeharka, Aldundiaren hondeamakina bati egindako erasoarekin lotuz: “Kanpatzeen, inposizioaren eta sabotajeen kultura hori gizarteak lehenbailehen ahaztu nahi dituen aro politiko eta forma batzuetan kokatzen da”.
Lasaren adierazpenek erantzun oldea eragin dute sare sozialetan. Besteak beste, errausketak osasunari eragiten dion kaltea hainbat ikerketa zentro eta unibertsitatetan egindako ikerlanek frogatutakoa dela erantzun diote askok Aldundiko eledunari.
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Ia bi hamarkada luzez egin duten moduan, "errausketarik ez!" aldarrikatu eta oihukatu dute, Kontxako Banderaren bigarren eta azken jardunaldi egun honetan, Donostiako hondartza inguratu duen giza katean.
Lasarte-Oriatik Zubietako erraustegira martxa deitu du Errausketaren Aurkako Mugimenduak apirilaren 29rako, 11etan abiatuta, "Erraustegia, airea, ura eta lurra kutsatzen" aldarripean, aipatu plantaren "errealitate kutsatzailea" agerian uzteko. Herritarrak... [+]
Azaroaren 19an goizerako hitzaldi berezia antolatu du Hernanin Zero Zabor elkarteak: Holandako ToxicoWatch fundazioak Zubietako erraustegiaren kutsaduraz 2021ean bildutako laginekin egin duen txostena oinarri hartuta, Errausketaren Aurkako Mugimenduko bi kidek datuak eta... [+]
Abenduaren 20ko Bergarako Ohiko Udal Batzarrean mozioa aurkeztu dute bi herritarrek eta gaia eztabaidatu dute ondoren udaleko alderdi politikoek eta herritarrek. Mozio horrek laburtzen ditu Bergarako erraustegiaren auziko puntu nagusiak.
Ekologistak Martxan taldeko ordezkariak Greene enpresari aurpegiratu dio “gezurretan” aritzea eta herritarrei “datuak ezkutatzea”; hondakinak pirolisi bidez tratatzearen kalteez ohartarazi du. Proiektuaren arduradunek, ordea, plantaren... [+]
Ekologistak Martxan mugimenduak deituta elkarretaratzea egin dute Bergaran azaroaren 4 iluntzerako, herri horretan paper fabriketako hondakinak gasifikazioz tratatzeko eraiki nahi duten plantaren kontra. Talde hau izan da hondakin planta berri hori ere erraustegia dela seinalatu... [+]
Donostiako Kontxako badian giza katea egin dute irailaren 12an, estropada ospetsuen bigarren jardunaldia baliatuta. Zubietako erraustegiak klima aldaketa bultzatzen duela nabarmendu dute.
Erraustegiaren Aurkako Mugimenduak ekitaldia antolatu du larunbat honetarako, martxoak 27: Zubietako erraustegira joatera animatu ditu herritarrak, Errausketarik ez, ez hiri hondakinak, ez industrialak lelopean protesta egitera.
Donostiako erraustegiaren afera ikertzen jarraitzen duela adierazten duen oharra bidali zuen Europako Parlamentuko Eskaeren Batzordeak, maiatzaren 11n. Aldiz, Asensiok maiatzaren 28an kontrakoa zabaldu zuen, batzorde horrek GuraSOSek eskatutakoa atzera bota zuela esanaz... [+]
Zaldibarko zabortegiaren hondamendiak eta Mutiloako zabortegia ixteak behartuta, Eusko Jaurlaritzak Agindua atera berri du, orain arte zabortegietara bideratutako hainbat hondakini beste irteera bat emateko. Paper industriarekin lotutako 102.500 tona hondakin erretzea da... [+]
Gipuzkoako erraustegia piztear direnean, larunbatean Donostian egingo den manifestaziora deitu du Errausketaren Aurkako Mugimenduak: “Ez inori eta ez ezeri kasu egin gabe, azkenean Gipuzkoako agintari politikoek eta korporazio handiek egin dute nahi zutena. Proiektu... [+]
Gipuzkoako mugimendu sozial, politiko, sindikal eta ekologistako kideek osatzen dute Larreko (larrialdi ekologikoari aurre egiteko) mahaia. Otsailaren 29an, 17:00etan Donostiako Easo plazatik aterako den manifestazioa antolatu dute. "Osasuna, ekonomia eta klimagatik, ez... [+]
