D eredua Nafarroa osora zabaltzea onartu du Legebiltzarrak
Nafarroako zonalde euskaldunean eta mistoan gertatzen den bezala, zonalde ez-euskaldunean ere D ereduko ikasgelak abiatu ahal izango dira eskola publikoetan. PSN, Ezkerra, Geroa Bai, Bildu eta Aralar-NaBaik erreformaren alde egin dute; UPN eta PPNk aurka.
Aldeko 27 boto izan ditu eta 23 aurkako, horrela Euskararen Legearen erreformak aurrera egin du osteguneko osoko bilkuran. Honenbestez, Nafarroako hegoaldean euskarak ateak irekiago izango ditu. Euskalgintzako sektore zabal baten ordezkaritza saioan izan da, besteak beste, Sortzen, Kontseilua eta AEK-ko kideak.
Dena den, Nafarroako hiru zonaldeetako baldintzak ez dira ber-berak izango. Eremu euskaldunean Gobernuak D eredua eskaintzeko obligazioa dauka, bestelako baldintzarik gabe. Eremu mistoan aldiz, gutxieneko ikasle kopurua behar da euskarazko eskaintza abiatzeko. Eremu ez-euskaldunean ere horrela jokatuko dute.
Alderdien posizioak
Lege erreforma Geroa Baik, PSNk eta Ezkerrak aurkeztu dute eta Bilduk eta Aralar-NaBaik babestu egin dute.
Aralar-NaBai-ko Nekane Perez izan da lehena hitza hartzen. Alde positiboak badituen arren eta alde bozkatu duten arren, eskubideen bermea eskatu du. "Lege hau ez da gurea, aldaketa hau ere ez; ez da sakona, ezta adostua ere". Zonifikazioa "lotsaren harresi" gisa definitu du.
Bilduko eledun Bakartxo Ruizek adierazi du erreforma ez dela berak ordezkatzen duen alderdiak nahi lukeen bezain sakona. "Euskararen Legea ez da bidezkoa, baztertzailea da, eta eskubideak urratzen ditu". Hala ere, Nafarroa osoan euskararen ofizialtasunera bidean pauso gisa ikusten dute. Eremu ez-euskalduneko herritarrek egindako lana goraipatu du.
PSNko Juan Jose Lizarbek adierazi du "aukera berdintasuna" bermatzeko modua dela. "Eskaera bada, erantzuna eman behar zaio". PSNren jarrera kritikatu dute alderdi gehienek, orain arte lege aldaketa hauen aurka izan delako.
Izquierda-Ezkerrako Txema Mauleonek esan du "30 urteko bazterketarekin" amaitzen dela eta "hezkuntza publikoan askatasuna eta berdintasuna" bermatzen dela. "Gaur pareta bat botatzen ari gara", adierazi du eta Aralar-NaBairi eta Bilduri "ospatzeko" eguna dela esan die.
UPNren izenean Garcia Adanero mintzatu da eta "Bilduren lege" gisa definitu du. "30 urte behar izan dituzue ados jartzeko", aurpegiratu die. PSN erreforma honekin ez dagoela eroso uste dute, eta "erreformak zonifikazioa aldatuko duela" gaineratu du. "Erreforma hau ez da ona nafarrentzat", adierazi du.
PPNko Amaia Zarranzek "egun tristea" dela adierazi du, eta "euskara inposatzea" aurpegiratu die oposizioko kideei, "nahiz eta haiek ere ez duten hitz egiten".
Informazio gehiago:
Txikia diozu? Bikoitza! Mikel Basaberen iritzi artikulua.
Zatiketaren amaieran norabidean. Xabier Letonaren artikulua.
Irungo Udalak barkamena eskatu eta asteazken honetarako bilerara deitu ditu hiriko elkarte euskaltzaleak, baina beste norabide bat hartu du aferak eta gaia ez du berehalakoan itxiko. Gabonetako ekitaldian euskara baztertzeagatik udala salatu duten elkarteak zeuden deituta... [+]
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
ETB1ek Bizkarsoro filma estreinatu zuen Euskararen Egunean iluntzean. ETB2ri aldi berean gaztelaniazko azpidatziekin ematea proposatu bazioten ere, kate horretan Tasio eskaini zuten gaztelaniaz azkenean, eta horrek haserrea sortu du euskaldun askorengan sareetan.
Abenduaren 3an alderdi eta eragile politikoek euskararen inguruko beren irakurketa politikoak argitaratzen dituzte. EAJk ere egin du berea Euskara, Euskal Herriaren izana izenburupean. Urte askoan Araba, Bizkaia eta Gipuzkoako hizkuntza politiken ardura izan duen, eta egun ere... [+]
Gai tabu gisa marrazten da Euskal Herrian, baina munduan barna ez da horrela. Hizkuntz politikak ezin dira merkatu librearen logikan ipini, baizik eta kuotak edo kupoak ezarri behar dira. Beharrezkoak dira. Eta beharrezkoak dira daudenak betetzea, ez baititu inork betearazten.
Justizian, osasungintzan eta gizarte zerbitzuetan euskara bermatu dadin, zerbitzu publikoak euskaraz jaso ahal izan daitezen, Nafarroako zonifikazioa amaitu dadin eta ETB3 Nafarroa osoan ikus dadin neurriak hartzeko eskatu dio Espainiako Gobernuari Europako Kontseiluko Adituen... [+]
Baionan egin dute agerraldia euskalgintzako 25 bat eragilek maiatzaren 15 honetan. Erakunde publikoen interpelazioaz gain, datorren urteko maiatzaren 15etik 25era iraganen den Euskaraldiaren berri emateko unea ere izan da.
2024 urte hastapenean adostuko du ondoko urteetarako hizkuntza politika Euskararen Erakunde Publikoak (EEP). Azken inkesta soziolinguistikoaren emaitzak eta EEPk 2050ari begira egindako aurreikuspenak esku artean, alarma gorria pizturik du euskalgintza sozialak: ezin da orain... [+]
Euskalgintzaren Kontseiluak "atsekabez" hartu du berria, baina atzerapenaren ostean onartuko duten esperantza du. Bestalde, gaurtik aurrera hizkuntza horiek erabili ahal izango dira Espainiako Kongresuan. Kontseiluak kezkaz hartu du euskal alderdietako politikariek... [+]
Andorrako katalanaren defentsarako lege berriak katalanaren oinarrizko maila eskatuko du bertan bizi eta lan egin ahal izateko. A2 titulua baino maila baxuagoa eskatuko dute.
Ostegunean jakin genuen: Espainiako Gobernuak eskatu du galiziera, euskara eta katalana hizkuntza ofizialak izan daitezela Europako erakundeetan. Zergatik? Kataluniako alderdi politikoek behartu dute horretara, negoziazioetan.
Atzerapausoa. Horrela baloratzen du Euskalgintzaren Kontseiluak, hizkuntza auziari eta euskararen sustapenari dagokionez, Nafarroako Gobernu berria eratuko duten alderdi politikoek sinatu duten 2023-2027 legegintzaldirako akordio programatikoa.
Hamabi irakaslek 2.040 idazlan zuzendu eta 680 ikasleren ahozko probak egingo dituzte 18 egunetan, “kontuan hartu gabe idazlan bakoitza bi irakaslek zuzentzea litzatekeela gure helburu ideala, bigarren iritzi bat izateko”. Jaume Gelabert Iruñeko Hizkuntza... [+]
EAEko Berritzeguneetan hurrengo ikasturtean lan egiteko deialdira aurkezten diren irakasleek aldaketa bat ikusiko dute beren lana ahoz defendatzeko jarraibideetan: aurreko deialdian “defentsa euskaraz egingo da” zioen lekuan, orain dio “defentsa ahal bada... [+]