Eraso sexisten kontrako kanpaina abiatu du Gora Iruñeak

Jaiak aske, gozamenez bete lelopean otsailetik uztailera bitarte hitzaldi edota ikastaro bat eskainiko dute hilero, "heteropatriarkatuak eguneroko harremanetan duen eragina" landuko dute.

Hileroko hitzaldien bidez, eraso sexisten aurkako kontzientzia zabaldu nahi dute Iruñean (argazkia: Euskalerria Irratia).

Norberaren ahalduntzea bilatu nahi dute solasaldi eta ikastaroen bidez. Doan izanen dira denak, hileko bigarren asteburua.

- Otsailaren 13an: "Maitasun erromantikoa eta ezkutuko indarkeria". Amaia Zufia (Emagin). Mistoa izanen da.

- Martxoaren 12an: "Gizonak berdintasunerako bidean". Jabi Arakama (Gizonenea). Gizonei zuzenduta.

- Apirilaren 9an: "Ligoteo sanoa". Bereziki, 16-20 urte arteko gazteei zuzenduta. Oihana Beloki (Lastotan Kooperatiba). Mistoa izanen da.

- Maiatzaren 14an: "Identitateak dantzan mugak zabaltzen". Xabi Sanchez (Kattalingorri) eta Oihana Lopez (Bilgune Feminista). Mistoa izanen da.

- Ekainaren 11an: "Emakumeen ahalduntzea eta sareak. GoraIruñea!". Emakumeei zuzenduta.

[Albiste honen jatorrizko bertsioa Euskalerria Irratiak argitaratu du ta CC-by-sa lizentziari esker ekarri dugu ARGIAra]