Erandioko alkateari absoluzioa eman eta zinegotzi ohi bat zigortu du epaitegiak
Bilboko 2. zigor-epaitegiak ebatzi du Joseba Goikouria Erandioko alkatea eta Asier San Nikolas Hirigintza zinegotzi ohia errugabeak izan zirela Erandiogoikoko Recuperaciones Esma SL txatartegiaren auzian. Itziar Koba zinegotzi ohiari, ostera, zazpi urteko inhabilitazioa eta 8.470 euroko kalte-ordaina ordaindu beharra ezarri dizkio, hutsegite-prebarikazioa egin zuelakoan. Fiskaltzak zortzi urte eta erdiko inhabilitazio-zigorra eskatu zuen maiatzean egindako epaiketan. Epaiaren aurka helegitea ipintzeko aukera dago. EAJk "gazi-gozotzat" jo du ebazpena eta kritikatu du alderdiaren eta alkatearen irudia zikindu gura izan duela oposizioak.
Hala, epaileak ontzat eman ditu García eta Pérez familiak aurkeztutako salaketak. Eurek azkoin-lantegi bat martxan ipintzeko udal-lizentziak eskatu zituzten 2000. urtean, txatartegiaren ondoko lursailean, baina ez zuten erantzunik jaso, behin eta berriro erreklamatu arren. Bitartean, txatartegiak jarduera abiatu eta martxan egon zen 14 urtez, inolako lizentzia barik. Horren aurrean, azkenean sendiak auzitegietara jo zuen.
Epaiak frogatutzat eman du 2009. urtetik Joseba Goikouria Erandioko alkateak bazekiela Recuperaciones Esma SL lizentzia barik jardunean zebilela eta egiten utzi ziola. Halere, epailearen ustean, alkateak ez zuen inolako ekimenik egin ikerketa-espedientea gerarazteko. Bestelakoa da Itziar Koba Hirigintzako zinegotzi ohiagaz hartu duen erabakia. Sententziaren arabera, zinegotzi ohiak enpresa horren inguruko espedientea gerarazi zuen. Horregatik, zazpi urteko inhabilitaziora eta akusazioari 8.470 euro ordaintzera kondenatu du.
Asier San Nikolas Hirigintzako zinegotzi ohiaren kasuan, epaileak ontzat jo du bere jarrera, udaletxean salaketa ipini zutenean Udaltzaingoari agindu ziolako auzia iker zezan.
EAJren jarrera
Euzko Alderdi Jeltzalearen Bizkai Buru Batzarrak prentsa-ohar bat kaleratu du gaurko epaiaren inguruan. Testuan, jelkideek "gazi-gozotzat" jo dute epaia: hala, alde batetik, zorionekoa ikusi dute Goikouriaren eta San Nikolasen absoluzioetan, baina, beste aldetik, ez daude ados Itziar Kobari ezarritako zigorragaz. Alderdiak azaldu duenez, Kobak erabakiko du, datozen egunotan epaiari helegitea ipiniko dion ala ez. Modu berean, Bizkaiko EAJren exekutibak salatu egin du "oposizioaren zenbait talde politikoren jarrera; kontu hau erabili dute alderdiaren eta udal-ordezkarien aurka ezin zurituzko kritikak jaurtitzeko". Alderdiaren ustean, talde horiek auzia "manipulatu" dute, EAJ eta, batez ere, Erandioko alkatea higatzeko asmoz. Hala, EAJk salatu ditu Goikouriaren aurkako "irainak" eta bere irudia zikintzeko asmoa. Horren aurrean, BBBk argi utzi du "politikak denak ez du balio: gezurra botatzea etekin politikoa lortzeko lotsagarria da".
Albiste hau Hirukak argitaratu du eta CC-by-sa lizentziari esker ekarri dugu ARGIAra
Jaime Gómez-Obregón ingeniariak oso tresna baliagarria sortu du Jaurlaritzaren diru publikoaren erabileraz gehiago jakiteko. 2018tik 2022ra erakunde horrek hedabideen artean banatu dituen publizitate kanpaina guztien datuak prozesatu, aletu eta era ulergarrian... [+]
Herriko festetan, zezenak erabiltzen dituzten ekitaldietan udalek zenbat diru gastatzen duten ikertu dute AnimaNaturalis eta CAS International elkarteek. Hego Euskal Herriko datuei erreparatuz gero, Azkoien eta Azpeitia nabarmendu dituzte.
Euskarazko hedabideei euskara sustatzeagatik legez dagokien dirulaguntzak Eusko Jaurlaritzarekin negoziatzen luze aritu da Hekimen, Euskal Hedabideen Elkartea. Baina euskarazko komunikabideentzat lortutako dirulaguntza nahikoa ez den bitartean sektorea egonkortzeko, 6 milioi... [+]
Donostiako udalbatzak legegintzaldiko azken ikasturteari hasiera ematen dioten ondasunen aitorpena aurkeztu du Gipuzkoako Aldizkari Ofizialean. Donostiako alkateak eta zinegotziek adierazi dute 24 etxebizitza dituztela –jabetzan edo partekatutako titulartasunean–, 9... [+]
Eusko Jaurlaritzak uztailaren 5ean egindako Gobernu Bileran erabaki zuen Kultura eta Hizkuntza Politika sailaren bitartez 15.000 euroko diru-laguntza ematea Elkano Fundazioari.
Xabier Cuellar 2011tik da Trapagarango alkate, eta agintean izan den hamar urteotan "justifikatu gabeko otordu, edari eta joan-etorrietan" 38.930 euro xahutu dituela salatu du EH Bilduk.
Gasteizko Desamparados jantoki soziala itxi ostean, handitu egin da Udalaren ardurapean dagoen Arquilloseko jankideen kopurua, 30etik 50era. Antzeko zerbitzua eskaintzeko langile gehiago eskatzen dizkie Udalak azpikontratei, baina Arquillosen ez du langile gehiago jarri, ESK... [+]
Jaurlaritzako Ingurumen sailak 2016ko apirilaren 11ko ebazpenaren bidez, aldaketa batzuk egin zizkion erraustegiaren Ingurumen Baimen Bateratuari. Ebazpen hori ez dago publiko eginda buletin ofizialetan. ARGIAk egin du publiko herritarren eskura egon dadin.
Anerreka Ingurumen Elkarteak Jaurlaritzako Ingurumena sailari eskatu dio Donostiako erraustegiak orain arte airera isuri dituen gai kutsakorren kopuruari buruzko datuak eman diezazkiola eta orain arte ez du inolako erantzunik jaso. Erraustegiak Ingurumen Baimen Bateratua... [+]
Astearte honetan publiko egin due ohar baten bidez, Osakidetzak aitortu du COVID-19 positiboak zenbatzeko orain arte erabili dituen neurketa-irizpideak aldatu egingo dituela. Antigeno-testen bidez lortutako positiboak ez ziren zenbatzen eta ospitaleratze-datuetan ere, benetako... [+]
Bilboko Radio Popularri egindako adierazpenetan, Itxaso Atutxa EAJren Bizkai Buru Batzarreko presidenteak azaldu du “higadura eta eskari pertsonalak” izan direla bi sailburuak euren postuetatik kentzeko arrazoiak.
Kapital txinatarraren esku dagoen Urbaser enpresak esleipen publiko berri bat lortu du Gipuzkoan: Donostiako bizikleten alokairu publikoa kontrolatuko du hemendik aurrera. Enpresa bera da Zubietako erraustegiaren onuradun nagusienetakoa.
Bilboko Udalak baimena eman du Arte Ederren Museoaren obrak geurtz has daitezen. Berrikuntza proiektua Norman Fosterrek egin du eta honen bazkide bat (Luis Fernandez-Galiano) egon zen adjudikazio publikoa erabaki zuen epaimahaian.
Europar Batasuneko Kontu Auzitegiak astearte honetan ohartarazi duenez, Espainiako Estatuak "gutxienez hogei urtez" itsas eta lurreko bideen menpe jarraituko du merkantzien mugaz gaindiko garraiorako, Europako trenbide sarearen oinarrizko interkonexioen garapenean... [+]
Eurokopako hainbat partida Bilbon jokatzea 5,5 milioi euro kostatuko da. Horietatik 2 milioi euro Bilboko Udalak ordainduko ditu, eta Bizkaiko Foru Aldundiaren eta Eusko Jaurlaritzaren artean 1,5 milioi euro jarriko dituzte. UEFAk ordainduko ditu beste 2 milioi euroak,... [+]