Eraikuntza sektorea %16,3 erori da EAEn eta lanpostu gutxiago sortu du
Eraikuntza azpisektoreak eta obra zibilek bilakaera negatiboa izan zuten iaz, %17,4 eta %14,3ko jaitsierarekin, hurrenez hurren, Eustatek argitaratutako datuen arabera.
Lanpostu gutxiago sortzen ari da eraikuntza sektorea (Argazkia: Lisandro Roque / END).
Urteko azken hiruhilekoan datuak negatiboak izaten jarraitu arren, eraikuntzaren bilakaera apur bat hobea izan da.
2013. urteko laugarren hiruhilekoan sektoreak jasan zuen beherakada %7,9 eta %4,6koa izan da obra zibilaren eta eraikuntzaren azpisektoreetan hurrenez hurren, aurreko urteko azken hiru hilabeteekin alderatuz gero.
Sortzen diren lanpostuetan ere zerikusia dauka eraikuntza sektorearen egoera horrek: pasa den urteko azken hiru hilabeteetan %1,5eko beherakada izan dute eraikuntzako enpleguak urte bereko hirugarren hiruhilekoarekin alderatuz.