Epailearen aurrean deklaratuko dute sare sozialetako adierazpenengatik atxilotutako zenbait lagunek
Euskal Herrian guztira 12 lagun atxilotu zituen Guardia zibilak sare sozialetan “terrorismoa goratzea” leporatuta. Eleak mugimenduak jakinarazi duenez, atxilotuetako zenbaitek aste honetan deklaratu beharko dute epailearen aurrean.
Txiolarien aldeko elkarretaratzea egin zuten zenbait lagunek (argazkia: Topatu.info).
Eleak-ek “adierazpen askatasunaren aurkako” operazio hau “beldurra sortzeko” modu bat izan zela salatu du. Honen aurrean, txiolariak babesteko ekimenetan parte hartzera deitu ditu herritarrak.
Informazio gehiago:
Eleak mugimenduaren oharra osorik Topatu.info webgunean. Albiste hau webgune beretik hartu dugu CC-by-sa lizentziaz baliatuz.