Euskal Herriak aurrez aurre trantsizio energetiko garrantzitsu bat du egiteko. Erregai fosilen kontsumoa maila gorenean dago Hego Euskal Herrian, eta 2018 urteko kontsumoa 2007koaren parekoa da: dieselaren inoizko kontsumo maila handiena erregistratu zen iaz, eta Gaindegiaren aurreikuspenak betez gero, 2019 urtean arinki murriztuko da soilik.
Gasolinaren kontsumoak, ordea, gora egingo du. Hala, 2019 urtearen amaieran Hego Euskal Herriko erregai fosilen kontsumo maila maximo historikoetan mantenduko da, oraingo honetan, dieselaren nagusitasuna 2007 urtean baino handiagoa izango delarik.
Erregai fosilen kontsumoa azken urteotako handiena da eta krisi aurreko kontsumo historikoa gainditzen ari da. Beraz, zein transtsizio ari gara egiten? Euskal Herrian oso atzean geratzen ari gara.