Emakume bortxatuari hankak “ongi itxi” al zituen galdetu dio Gasteizeko epaile batek
Sexu erasoa salatzera joan zen biktimari “hankak ongi itxi al zenituen? Organo femeninoen atal guztiak itxi al zenituen?” gisako galderak egin zizkion Gasteizko epaile batek. Salatu egin dute epailea.
Tratu txarrak eta sexu erasoak jasan zituen emakumea egoera salatzera eta babes neurriak eskatzera gerturatu zen, joan den otsailaren 16an, Emakumeen Aurkako Indarkeriaren Gasteizko 1. Epaitegira.
Bertako epaile María del Carmen Molinak hitzordua baino lau ordu beranduago hartu zuen biktima eta estuki itaundu zuen. Hala jakinarazi du Clara Campoamor elkarteko presidente Blanca Estrellak: “Salatzailearen testigantza ez sinestea izan zen epailearen aurretiko jarrera, ez zion erantzunak bukatzen utzi, galdera iradokitzaileak egin zizkion eta haren deklarazioa baldintzatu zuen. Erasoen aurrean erresistentziarik jarri al zuen galdetu zion eta hitzez hitz esan zion ea hankak ongi itxi al zituen”.
Bideoz grabatua dago deklarazioa.
Bigarren aldiz biktima bihurtuak
Jarrera hori “mingarria, iraingarria eta umiliagarria” delako eta “biktimarenganako gutxieneko portaera profesional eta etikorik” ez duelako batetik, eta epaile honek indarkeria matxista jasaten duten emakumeen “eskubideak etengabe urratzen” dituelako bestetik, salaketa jarri du Clara Campoamor elkarteak.
Izan ere, kasua ez da isolatua eta “ohikoa” da epailearen portaera hori, emakume ugari kexatu baitira dagoeneko, “bigarren aldiz biktima bihurtzen dituelako”.
Gasteizko epaileak “beldurraren kultura” sortu duela dio elkarteko presidenteak, emakume askok ez duela epaitegi horretan deklaratu nahi. Egoera “oso larri hau” konpontzeko beste bide batzuk agortu dituztela ikusita, epailea zigortzeko eskatu du emakumeen eskubideen aldeko elkarteak.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Getariako etxebizitza batean egin dio eraso, Segurtasun Sailaren arabera. Emakumea astero joaten zen terapia naturaleko kontsultara, eta Ertzaintza ikertzen ari da ea antzeko ekintzen biktima gehiago dauden.
Sexu erasoak 1998an hasi ziren, biktimak 13 urte zituenean. 2003an kluba utzi bazuen ere, emakumeak iaz salatu zituen sexu erasoak, Mario Lopezek taldeko entrenatzaile gisa jarraitzen zuela. Orain 18 urteko espetxe-zigorra eskatzen du akusazioak, fiskaltzak baino lau urte... [+]
Dozenaka lagun batu dira igandean Laudioko Herriko plazan, Ez zara fisioa, erasotzailea zara lelopean.
2024ko azarora bitarte 683 sexu eraso salatu dituzte, iaz baino %16,7 gehiago, Emakunderen arabera. Familia barruko indarkeria salatu duten emakumeen kopurua ere handitu da (975 izan dira), baita bikotekide edo bikotekide ohiek egindakoa ere (3.554).
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
Gipuzkoako Auzitegiak urte eta erdiko espetxe zigorra ezarri dio gizon bati, emakume bat bortxatzen saiatzeagatik. Epaiketa asteazkenean egin zuten, eta, hasi aurretik, gizonak gertakariak onartu eta akordioa erdietsi zuen Fiskaltzarekin eta akusazio partikularrarekin, zigorra... [+]
Bortxaketen kasuentzako bideratu daitekeen kartzela zigorrik gorena jarri diote senar-ohi Dominique Pelicoti; eta beste 50 bortxatzaileei dagokionez, guztiak dituzte erruduntzat jo, baina fiskalak galdetzen zuena baino apalagoak dira zigorrak. Hiru hilabetez iraun du Mazango... [+]
Hiru hilabetez iraun du Mazango auziak, Gisèle Pelicotek irekitakoa, zeineten ikertu duten urte luzez senarrak somniferoz drogatu eta berak zein beste dozenaka gizonek 200 bat aldiz bortxatu izana. 51 gizon epaitu dituzte, eta senar ohi Dominique Pelicotentzat 20 urteko... [+]
.jpg)
Bilboko ikastolako ikasle eta ikasle ohien talde batek zentroko irakasle baten partetik jasandako sexu abusuak zerrendatu ditu, eta komunikatu baten bidez salatu du ikastetxeak gizona babestu duela. Gertakariak azalera atera direnean ikastolak “beren burua zuritu besterik... [+]
Biktimak 13 urte zituenean, 1998 eta 2001 artean, Lointek kirol taldeko Mario Lopez entrenatzaile ohiaren parteko sexu abusuak jasan zituen. Emakumeak duela urtebete salatu zuen, eta epaiketa 2025eko urtarrilaren 14tik 16ra egingo da, Bizkaiko Auzitegian. Mugimendu... [+]
.jpg)
Urretxindorra Ikastolako (Bilbo) eta Azkue Ikastolako (Lekeitio) bi irakasleren aurkako salaketak egin dituzte zenbait emakumek sare sozialen bidez. Horren aurrean, Urretxindorra ikastolako irakasleak astelehen honetatik aurrera klaserik ez ematea erabaki du Ikastolen Elkarteak... [+]
Erasoen aurrean “kikilduko ez direla” eta "nazkaturik" daudela adierazi dute Lezo eta Errenteriako feministek eta autodefentsa feminista eta ekintza zuzena aldarrikatu dituzte.
Gizon batek egindako jazarpena salatu du Irati Rusiñol hendaiarrak sare sozialetan. Komisarian ere jarri du salaketa. Salaketa publiko egin ostean, beste 30 emakumek esan dute gizon beraren erasoak jasan dituztela. Rusiñolek adierazi du beste inori halakorik egin... [+]
Zur eta lur hartu dituzte Nafarroako Berdintasun teknikariek festa girorako enpresa zenbaitek egindako proposamenak. Edalontzia estaltzeko tapak edo eta edarian drogarik dagoen ikusteko eskumuturrekoak.