Oarsoaldeko Hitzan jaso dutenez, Segurtasun Sailak jakinarazi du eraso egin dioten emakumeak SOS-Deiak-era deitu zuela, eta artatze zerbitzuak zein Ertzaintza bera zegoen tokira hurbildu zirela. Emakumea ospitalera eraman dute, eta ondoren salaketa jarri du. Erasotzailearen gaineko daturik ez dago oraingoz.

Eraso sexista gaitzesteko manifestazioa deitu du Oreretako mugimendu feministak, asteazkenean, uztailak 18. Manifestazioa herriko plazatik abiatuko da, 19:30ean.