Emakume bat hilda aurkitu dute Miarritzen senarraren autoan
Haren senarrak, kalean noraezean zihoala, “suizidio bikoitza” aipatu zuen. Larunbat arratsaldean jazo zen gertakaria.Adierazpenok Poliziaren alerta piztu zuten, eta autoa zuen lekura joatean, maletegian emakumearen gorpua topatu zuten.
Cent Marches-ko aparkalekuan aurkitu zuten gorpua. Irudia: Iparraldeko Hitza
Iparraldeko Hitzak argitaratu duenez, Miarritzeko Poliziak aurkitutako gorpua 40 urteko emakume batena da. France Bleuren informazioaren arabera, gorpua Bordeleko Medikuntza Forentseko Institutura eraman dute, autopsia egitera. Emaitzak asteazken eta ostegun bitartean emango dituzte jakitera.
Senarra Baionako ospitalean dago. Analisiak egingo dizkiote sustantziarik hartu zuen jakiteko. Oraingoz, Poliziak ezin izan du harekin hitz egin.