Elkarretaratzea astelehenean 21:30ean, Iruñean atxilotutakoak aska ditzaten eskatzeko
Iruñeko zenbait herri mugimenduk kontzentrazioa deitu dute astelehenean 21:30ean, Txintxilla kaleko komisaldegiaren aurrean. Bertara eraman dituzte Sanferminetako prozesioan izandako liskarren harira atxilotutakoak.
San Fermin eguneko prozesioan izandako liskarren harira atxilotu dituzte. / Argazkia: Eitb.
Sare sozialen bidez egin dute elkarretaratzeko deialdia. “Gure auzokideekiko elkartasuna, atxilotuak askatu!” mezua zabaldu dute Iruñeko Alde Zaharreko, Mendillorriko eta Arrosadiako herri mugimenduek, Ahotsa.info-k argitaratu duenez. Astelehenean da mobilizazioa, 21:30ean, Txintxilla kaleko komisaldegiaren parean. Izan ere, jakinarazi dute bertara eraman dituztela Sanferminetako prozesioan izandako liskarren harira atxilotutakoak.
Informazio gehiago: Zazpi atxilotu Sanferminetako prozesioan izandako liskarren harira.