El Vallenc astekariak jarraitzen du mundu osoko elkartasun erreakzioak jasotzen, joan den larunbatean Guardia Zibila bere erredakziora sartu ondoren, erreferendumarekin lotutako informazioa eta paperen bila.
El Vallenc aldizkaria Bartzelonako Vallés eskualdeko tokiko aldizkaria da eta miaketak haserre handia ekarri du Kataluniako gizartean: alderdi, elkarte eta agintarien gehiengo oso handiaren erreakzioa oso kritikoa izan da Guardia Zibilaren jarduerarekin. Carles Puigdemont lehendakaria, Carme Forcadell legebiltzarreko lehendakaria edota Ada Colau Batzelonako alkateak gogor kritikatu dute miaketa. Julian Assange Wikileakseko arduradunak ere “onartezintzat” jo zuen berau.
El meu suport a @elvallenc per una operació que no busca paperetes, busca brega. Omplir serenament la diada i les urnes, la millor resposta. https://t.co/CWK5oSQ8Dt
— Carles Puigdemont (@KRLS) September 9, 2017
Forcadellek ere Twiterrez jaurti zuen bere elkartasun mezua:
Tot el suport a @elvallenc. Ni intimidacions ni amenaces ens podran treure el somriure. https://t.co/PfTb4J3QtL
— Carme Forcadell (@ForcadellCarme) September 9, 2017
Euskal Herritik ere eragile askok salatu dute partehartzea, El Vallenc-etik azpimarratu dutenez, haien artean Ibarretxe lehendakaria eta Arnaldo Otegi EH Bilduko buruzagia. Ibarretxe: "Gaur inoiz baino gehiago Kataluniarekin nago. Salbuespenezkoa ez da demokrazian jardutea, berau debekatzea baino".
Kazetarien eta hedabideen elkarte ugarik salatu dute miaketa eta erakutsi diote elkartasuna hedabideari, partehartzea adierazpen askatasunaren aurkakotzat joz, besteak beste Kazetarien Elkarte, Prentsa Editoreen, Aldizkarien eta Hedabide Digitalen Elkarteen Federazioa. Espainiako Estatutik ere elkartasun mezu ugari jaso dituztela azpimarratu dute astekaritik, horien artean Podemoseko Pablo Echenique eta Iñigo Errejonek.
Necesitamos a las fuerzas de seguridad persiguiendo corruptos y defraudadores, no registrando periódicos e imprentas. pic.twitter.com/PKDFNTidNP
— Íñigo Errejón (@ierrejon) September 9, 2017
Atzerriko hedabide ugarik jaso dute albistea, horien artean AEBtako Washington Post egunkari ezagunak.