El Culebrete zentroaren edukiera hirukoiztu nahi du Nafarroako Gobernuak, Gipuzkoako hondakinak hartzeko
Alegazioak egiteko epea zabalik da, baina proposamenean aldaketarik ez balego, urtean 70.000 tona zabor eramango lituzke Gipuzkoak El Culebretera. Tuterako Udala Gipuzkoako zaborra jasotzearen kontra azaldu da.
Nafarroako Gobernuko Ingurumen Sailak Tuterako El Culebrete tratamendu zentroaren edukiera handitzeko proposamena bidali dio Erriberako Mankomunitateari. Horren arabera, urtean kudeatzen duten hondakin kopurua hirukoiztuko litzateke, 70.000 tonatik 200.000ra igaroz.
Erriberako Mankomunitateak alegazio bat aurkeztu du. Zehazki, eskatu du dokumentuan argi adierazteko Gipuzkoako zaborrarekin egingo dena tratamenduaren aurretikoa izango dela, eta ez tratamendua bera. Horrek esan nahi du Gipuzkoako errefusako zaborrontzietatik heltzen diren hondakinak hartu eta jendeak modu desegokian bota dituen plastiko eta kartoia bereiziko dutela. Organikoa, aldiz, ez da Tuteran geldituko.
Tomás Aguado Erriberako Mankomunitateko presidenteak adierazi duenez, proposamenean alderdi hori zehazten denean argitaratuko da ebazpena Nafarroako Aldizkari Ofizialean. Hortik aurrera, epea irekiko da nahi duenak alegazioak egin ahal izateko. Nafarroako Gobernuak argudiorik onartzen ez badu, behin betikoa izango da erabakia, eta urtean 70.000 zabor eraman ahal izango ditu Gipuzkoak Tuterara 2017tik 2019ra arte, Gipuzkoako Hondakinen Kontsorzioak eta Nafarroako Erriberako Hondakinen Mankomunitateak adostu bezala. Azaroaren 11n sinatu zuten akordioa. Gipuzkoak zerbitzuagatik 5,5 milioi euro ordainduko ditu urteko. Compañía de las 3 Erres elkarteak gogor salatu zuen akordioa.
Elkartearen esanetan, teknikoki ez da bideragarria El Culebreteko digestorearentzat hainbeste tona tratatzea, eta dagoeneko zentroan badira irregulartasunak horregatik. Nafarroako Hondakinen Kontsorzioak El Culebreten auditoria bat egitea eskatu zuen eta horren arabera ikusi zen biohondakinen %38,5 zuzenean botatzen zela zabortegira, digestoreak kopuru horiek hartzeko gaitasunik ez duelako.
Tuterako Udalak ere gaitzetsi du Gipuzkoako zaborra jasotzeko akordioa
Tuterako Udalak ere Gipuzkoako Hondakinen Kontsorzioak eta Nafarroako Erriberako Hondakinen Mankomunitateak sinatutako akordioa gaitzetsi du. Prozesuaren gardentasun falta salatu du, eta El Culebretek bere helburua betetzen ez duela gaineratu du.
Tuterako CUP udal taldeak aurkeztu du mozioa. Gustavo Gil alderdiko kideak azaldu duenez, “zaborraren %1 besterik ez da birziklatzen bertan”, eta akordioarekin “onura handiena” izango duena FCC enpresa izango da.
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Bi urtean 5.000 tona lixibiatu baino gehiago prozesatu ditu Ecofert Sansoain enpresak
Abenduaren 16an Mendigorriako Biomendi txerri granja eta biometanizazio instalakuntzan elkarretaratzea egin du Nafarroako Makroetxaldeen Aurkako Plataformak. Bertan salatu du Biomendin 2022an 80.000 tona hondakin industrial-organiko tratatu zituztela, soilik 33.000 tonarentzako... [+]
Aranguren, Irulegiko Eskua agertu den bailara, zortzi herrik osatutako Iruñerriko haran irekia da. 1990eko hamarkadaren hasieran Gongora herrian egin zuten zabortegiaren aurka tinko bildu ziren orduko 1.200 bizilagunak. Borroka hartatik sortu zen haien herriak... [+]
50 urte bete berri dituzte Iruñeko Arturo Campion euskaltegiak eta Nafarroako Emausko Trapuketariek, eta bietan buru belarri lanean Luzio Tabar, lehenbizi euskaltegian eta trapuketariekin orain. Bietan ezaugarri komun asko: biak herri ekimenak, behar sozial bati ... [+]
Hori uste dute Makrogranjen aurkako Nafarroako Koordinadorakoek, eta horregatik astelehen goiz honetan enpresak Caparroson eraiki nahi duen araztegi berriaren aurkako alegazioak aurkeztu dituzte Iruñean, Landa Garapen eta Ingurumen Departamentuaren atarian.
Uztailaren 3tik aurrera ezin da erabilera bakarreko plastikozko produkturik saldu Nafarroan, hondakinei buruzko foru legeari esker. Berez, Europa osoan sartu da indarrean EBren zuzentaraua, baina estatuek transposizioa egin gabe daukate: Nafarroako Gobernua zentzu horretan... [+]
Ingurumenaren zaintzan diharduen elkartearen esanetan, Nafarroako hondakin organikoaren zati handi bat Caparrosoko HTN biometanizazio enpresara bideratzen da eta handik ateratzen diren hondakinekin inguruko lur soroak kutsatzen dira.
Nafarroako Hondakinen Partzuergoa 15 mankomunitatek eta NILSA sozietate publikoak osatzen dute, eta aste honetan on line hezkuntza-programa abian jarri du hondakinen soerreraren prebentzioa, aldaketa klimatikoaren aurkako borroka edo ekonomia zirkularra sustatzeko jarduerekin.
Hori da Sustrai Erakuntza fundazioak zabaldutako agiri batean atera duen ondorio nagusia. Joan den astean Nafarroako Legebiltzarrean Iruñerriko hondakinen bilketaz aritu ziren. Oinarrian, planta hori Imarkoaingo Garraioaren Hirian (Noain) edo Gongorako zabortegian... [+]
125 milioi eurorekin, Nafarroako aurrekonturik handienetan hirugarrena du Iruñerriko Mankomunitateak, eta 350.000 biztanle ingururi ur hornidura, zaborren bilketa edo hiri garraioa eskaintzen dizkie. Irailaren 28an ikusmin handia piztu zuen mankomunitateko presidentea... [+]
Berez Navarra Sumako hautagaiak irabaziko zuela aurreikusten zen, baina ostegun goizean Aritz Ayesa EH Bilduko hautagaiak eta orain arteko lehendakariak bere hautagaitza erretiratu zuen, adieraziz saiatuko zirela independenteren bat atera zedin lehendakari.