Ekhi moneta urtarrilean jarriko dute martxan Bilboko Zazpikaleetan
Krisitik babesteko asmoz, bertakotasuna eta jasangarritasuna sustatzea helburu duen tokiko txanpona jaiotzear da. Ekhi 2014ko urtarrilean jarriko dute martxan Bilboko Zazpikaleetan. Txanpona Bizkaian hedatzen joatea da asmoa, tokian tokiko lantaldeak sortuz.
Elkartrukea eta auzolana bultzatu nahi dituen tresna da Ekhi, eta lau balore nagusitan oinarritzen da, ekimenaren webgunean zehazten denez: justizia soziala, jasangarritasuna, genero berdintasuna, eta euskara eta kulturaren sustapena.
Txanponarekin bat egiten duten enpresek balio horiekiko adostasuna erakutsi beharko dute eta konpromiso zehatzak ere eskatuko dizkiete enpresoi, banku etikoen edo energia berriztagarrien erabilera, adibidez.
Ekhi elkarteak kudeatuko du tokiko txanpona eta 1, 5, 10 eta 20 Ekhiko billeteak salduko dizkie kontsumitzaileei. Billeteak sareko saltokietan edo elkarteen egoitzetan erosi ahal izango dira eta Ekhi batek euro baten balioa izango du. Herritarrek bertako saltokietan erabiliko dituzte billeteak eta billeteen iraungitzeak berauen erabilera sustatuko du.
Euro baten trukean Ekhi bat eskuratzen dugun bakoitzean, 3 zentimo monetaren gizarte-funtsera bideratuko dira, hasieran aipaturiko baloreekin bat egiten duten herri mugimendu eta elkarteen egitasmoak finantzatzeko.
Ekimenaren bultzatzaileek nabarmendu dutenez, "gaur egun hamar eurotatik bederatzi finantza merkatuetan pilatzen dira, ekonomia errealak diru urritasun kronikoa bizi duen bitartean. Diru gehiena 'ezerezetik' sortzen dute banku pribatuek eta, bitarteko izatetik, helburu izatera igaro da. Azkeneko helburua dirua pilatzea da, horrela interes gehiago eskatu ahal izateko eta diruarekin diru gehiago sortzen jarraitzeko, honek ekonomia neurri gabe haztera derrigortzen duelarik, planeta urratuz. Gure helburua egoera hau maila lokaletik iraultzea da, jatorrian diruak izan zuen helburua berreskuratuz: benetazko ekonomiarentzat eta herritarrentzat elkartrukerako tresna izatea".
Informazio gehiago:
Ekhi txanpona baino lehen izan dira antzeko esperientziak Euskal Herrian, Euskoa adibidez. Gaiari buruzko informazio ugari aurkituko duzu Euskoa kanalean.
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Urriaren 17tik 19ra Burujabetzak izeneko jardunaldiak antolatu dituzte Oiartzun Burujabek eta Udalbiltzak. Tokiko esperientzia eraldatzaileak ezagutzeaz gain, Gironako alkate Lluc Salellasek eta CUPeko parlamentari-ohi Mireia Vehík ere parte hartuko dute hitzaldi banatan.
Lerro hauek idazterako, gazta egiteari utzi diogu eta antzutze prozesu betean gaude. Horrek esan nahi du jetzaldiak gero eta sakabanatuagoak direla denboran, ardiei esnea desagertu arte. Batzuen kasuan, egun gutxitan bukatuko da prozesua, eta gutxi batzuei gehiago kostako zaie.
Bilboko Euskalduna jauregian egindako urteroko kongresuan Mondragoneko lehendakariaren errelebo aldaketa irudikatu dute, orain arte taldeko buru izandako Iñigo Ucinek eta hemendik aurrera kargu hori hartuko duen Pello Rodriguezek. Horrez gain, hurrengo urteetarako bide... [+]
Europako Parlamenturako hauteskundeen biharamunean idazten ditut lerro hauek, garai ilunak, Internazional Erreakzionarioaren garaipena europar legebiltzarrerako hauteskundeetan. Lehenagotik ere bazetorren bolada, eta bizi dugun fase kontserbadorearen berrespena da, baina... [+]
Kale Nagusiko 54. zenbakian dagoen XVIII. mendeko eraikina eskuratu dute, egun Katakraken liburu-denda dagoen ondoan. “Eraikin honetan ez da egongo hostelik, ez luxuzko hotelik, ezta inguruko auzokideek ordaindu ezingo luketen etxebizitzarik ere, hemen hiri-lurra eraikiko... [+]
Ordiziako Orkli kooperatibak 50.000 euroko funtsa jarriko du "komunitatetik sortutako ekimenak" laguntzeko. Orklidea izena jarri diote programari eta Euskal Herri osoko proiektuak aurkeztu daitezke.
Ekonomia Sozial Eraldatzailearen Sareak, Olatukoopek, hamar urte bete ditu, eta larunbatean festa egin dute Donostian, sareko kide eta partaideen artean. Ekonomia eta kooperatibismoa beste ikuspegi batez landu litezkeela aldarrikatu (eta frogatu) dute: herrigintzatik, herritar... [+]
80 bat lagun batu dira Iruñeko Katakraken aretoan, ekonomia sozial eraldatzailearen erreferentzia bihurturiko Olatukoop sarearen hamar urteak ospatzeko. Ekonomia eta lurraldeak eraldatzeko proposamenak zehatz-mehatz aurkezteko ekimena izan da.
Mondragon taldeko banaketa kooperatiba baikor azaldu da 2023an izandako etekinekin; inflazioak eta kostuen gorakadak jotako testuinguru batean "sendotasunez" erantzun duela azaldu du. Espainiako Estatuan hedatzen jarraitzeko ahalmena eman dio horrek eta 74 supermerkatu... [+]
Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.
Hasiera batean, lehenengo ideia izan zen ekonomia... [+]
Gizartea eraldatzeko helburuz jaio zen Ekonomia Sozial Eraldatzailearen mugimendua Euskal Herrian duela hamar urte, Olatukoop sarean bilduta. Denbora honetan ez da gutxi egindakoa: hamaika kooperatiba eta ekimen jarri dituzte martxan, eta sarea zabaldu egin da. Baina erronkak... [+]
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]