Ekainaren 10ean galdera ikur erraldoia egitera deitu du Gure Esku Dagok Bilbora
Bilboko Euskadi plazatik Eliptika plazaraino galdera ikur erraldoia irudikatu eta Herritarron Ituna aurkeztuko dute Gure Esku Dagoko kideek. "Olatuz olatu, herriz herri, milaka eta milaka borondate pilatu ditugu erabakitzeko eskubidea erabiltzearen alde, erabakitzeko prest gaudela argi utziz. Hain zuzen ere, hori da ekainaren 10ean Bilbon irudikatu nahi duguna", adierazi dute. ‘Prest Eguna’-k antolatuko dira herrietan maiatzaren 27ko asteburuan Euskal Herriko herri eta auzoetan.
Segidan Gure Esku Dago-ko bozeramaile Angel Oiarbide eta Karmele Olabarrietak irakurritako testua:
Igandeko herri galdeketetan 63.000 lagun mobilizatu genituen erabakitzeko eskubidearen alde, demokraziaren alde, herri honen etorkizuna herritarron esku ere badagoela aldarrikatuz. Gaur arte egin diren herri galdeketa guztiak kontuan hartuta —142—, 146.500 pertsona izan dira parte hartu dutenak; hau da, 2014ko ekainaren 8ko giza katean izan ziren herritarren kopuru bera. Olatuz olatu, herriz herri, milaka eta milaka borondate pilatu ditugu erabakitzeko eskubidea erabiltzearen alde, erabakitzeko prest gaudela argi utziz. Hain zuzen ere, hori da ekainaren 10ean Bilbon irudikatu nahi duguna. Estatus politikoari buruz erabakitzeko nahia erakutsiko dugu euskal herritarrok.
Erabakitzeko eskubidearen aldeko indar guztiak batuta, gaur bildu garen Euskadi plazatik Eliptika plazaraino galdera ikur erraldoia osatuko dugu. Eta herritarrez ez ezik edukiz ere beteko ditugu kaleak. Hilabeteotan landutako Herritarron Ituna aurkeztuko dugu mobilizazioaren amaiera ekitaldian; Itun demokratiko horrek jasoko ditu Euskal Herrian erabakitzeko eskubidearen inguruan gaur arte lortutako adostasunak eta erabakiaren oinarriak. Gizarte osoarentzako tresna ireki bat izateko jaio da, baina baita pauso berri eta sendo bat emateko ere, erabakiaren bidean. Ekainaren 10ekoa, beraz, ez da hutsetik jaiotako ekimena. Orain arte egindako lana, lortutako adostasunak eta sortutako borondatea oinarri, aurrera egiteko abiapuntua izango da.
Dena prest daukagu: Herritarron Itunaren oinarriak, herrietako taldeak, boluntarioak… Baina, konpromisoak bildu nahi dituen gonbidapena da gaur euskal herritar guztiei egiten dizueguna. Hain zuzen, ekimenean parte hartzeko ‘konpromiso txartelak’ jarri ditugu eskura herrietan, 2€-ren truke, ekimena finantzatzeko. Txartel horiekin batera banatuko ditugu mosaikoa osatzeko erabiliko ditugun puxikak. Bideo batean jaso ditugu azalpen guztiak.
Bestalde, mobilizazioari begira, ‘Prest Eguna’-k antolatuko dira herrietan maiatzaren 27ko asteburuan Euskal Herriko herri eta auzoetan. Egun horietan, herri askotan galdera ikurrak osatuko dituzte, ekainaren 10erako deialdia egiteko.
Euskal herritarrok ere nolako egitura politikoak nahi ditugun erabaki nahi dugulako… Erabakitzeko aukera gauza dadin eskatuko dugu elkarrekin, bai guztion artean osatuko dugun galdera ikur erraldoian eta baita mugarri izango den Herritarron Itunean ere. Erabakitzeko prest gaude. Ekainaren 10ean denok Bilbora!
"Nazio gisa eskubideak aldarrikatu eta herri oso bat martxan irudikatzeko" deitu dute 2025eko ekainean Bilbon egingo den mobilizazioa. Euskal Herri libre eta kohesionatu bat osatzeko "denen artean eta elkar lagunduz" lan egin behar dela berretsi du... [+]
Aurreko ekainean aurkeztu zuten ekimena Donostian. Maratoiaz gain Iruñean, Donostin, Bilbon eta Gasteizen zuzeneko ikuskizunak izango direla zehaztu dute asteazkenean. Hamabi orduz egongo dira “Euskal Herria irudikatzen”, eta “360 graduko Euskal... [+]
Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Hiru emakume euskaraz zuzendu zitzaizkien ertzain batzuei, jatetxe batengatik galdezka. Polizietako batek erantzun zien euskaraz bazekiela baina ez zuela erabiliko, eta "popatik hartzera" bidali zituen. Ertzainari plaka eskatu zioten orduan, eta poliziak erdiko hatza... [+]
Trebiñuko herritarrek bizi duten egoera "anakronikoa" salatu zuten igandean.
Frantziako itzuliak duen nazioarteko oihartzuna baliatuko du Gure Eskuk, 'Euskal Herria mundura' izeneko ekimenarekin. Tourreko lehen hiru etapak osoki Euskal Herritik pasako direla baliatuta, "inoiz egin den ikurrinik erraldoiena" zabalduko dute, eta 4.000... [+]
Legealdiz legealdi, estatus politikoaren inguruko eztabaida edo bidea jorratzeko urratsak atzeratzen ari direla azpimarratu du Josu Etxaburu eledunak Eusko Legebiltzarreko batzorde batean: "Konpromisoak eskatzen ditugu hitzetatik harago ekintzak nagusitu daitezen eta herri... [+]
Pirinioetako Bidea ekimena antolatu du Gure Esku-k uztailaren 2rako, Kataluniako eragile sozial soberanista nagusiekin. Asmoa da Atlantikoa eta Mediterraneoa lotzen dituzten gailurrak argiztatuz, nazioarteko komunitateari mezua bidaltzea: irtenbide politiko bat behar dute Euskal... [+]
Asteazkenez bildu ziren Gure Eskuren bozeramaile Amalur Alvarez eta Josu Etxaburu Bakartxo Tejeria Eusko Legebiltzarreko lehendakariarekin. Gure Eskuk Legebiltzarrari dei egin dio erabakitzeko eskubidea arautzeko bidean hainbat konpromiso har ditzan. Uztailaren 2an, Kataluniako... [+]