Ehunka kolono sionista oldarka sartu dira presondegi batera, hainbat torturatzaile babesteko
Bederatzi militar sionista atxilotu dituzte, Sde Teimango kartzelan preso palestinar bati egindako torturengatik; besteak beste, metalezko barrak sartu zizkioten ipurtestetik. Kolono "zibilen" eta soldaduen protestak piztu dira torturatzaileekin elkartasunez, eta atxiloketak salatu dituzte hainbat agintarik: inpunitate gehiago nahi dute palestinarrak torturatzeko. Sistematikoak dira sionistek palestinarrei emandako tratu txarrak, beste behin ikusi ahal izan denez.
Ikerketapean daude bederatzi erreserbista sionista, preso palestinar bati egindako torturengatik. Berriki atxilotu ditu Israelgo Estatuko Polizia Militarrak, eta auzitegi militar batean deklaratu zuten atzo, Camp Gurren (Beit Lid). Badirudi, berez, hamar soldadurentzako atxilotze-aginduak igorri zituztela, baina bederatzi atxiki dituzte oraingoz.
Atxilotutako militarrek Sde Teimango espetxean preso dagoen palestinar bat torturatu zuten, gutxienez. Zenbait iturrik azaldu dutenez, metalezko barrak sartu zizkioten ipurtestetik, besteak beste.
Kolono sionisten protestak, torturatzaileen alde
Aipatutako bederatzi torturatzaileen atxiloketen kontra, hitza hartu dute hainbat agintari sionistak (parlamentuan ere normaltasun osoz jardun dute palestinarren aurkako tratu txarrei buruz), eta kalera atera dira ehunka kolono. Hainbat eta hainbat manifestari, esaterako, Sde Teimango kartzelara bertaratu dira aste honetan: sarrerako hesiak kolpatu eta indarrez sartu ziren barrura, atxilotuekin elkartasunez.
Horren ostean, Beit Lideko auzitegi militarrera joan ziren ehunka faxista, eta hara ere oldarka sartu ziren. Armak eta uniforme militarrak zeramatzaten batzuek; izan ere, soldaduak zeuden manifestarien artean. Israelgo Estatuko polizia-indarrek aurrera egitea galarazi zieten, itxura denez.
Kolono sionista nahiz agintari ugarik babesten dituzte palestinarren kontrako torturak, eta asko dira heriotza-zigorraren alde agertu direnak ere. Horren adibide dira Israelgo Estatuko Finantza ministroa, Bezalel Smotrich, edota Segurtasun Nazionaleko ministroa, Itamar Ben Gvir. Orain, badirudi are inpunitate eta babes handiagoa eskatzen ari direla, palestinarrak torturatzen jarraitu ahal izateko.
Torturak, sionisten eguneroko erasoaldiaren parte
Hamaika aldiz jakinarazi eta frogatu dute sistematikoak direla soldadu eta bestelako kartzelazain sionistek preso palestinarrei egindako torturak, eta Sde Teiman da tratu txarrak direla-eta gorriz markatutako presondegi nagusietako bat. Néguevko desertuan dago, Gazako Zerrendatik 30 kilometro ingurura.
Azken hilabeteetan (eta aurretik urte luzez) behin eta berriz atera dira argitara torturak jasan dituzten milaka palestinarren lekukotzak, bai eta horiek erakusten dituzten irudiak ere; sarri, militar sionistek eurek argitaratutakoak.
Hilabete honen hasieran ohartarazi dute gutxienez 21.000 palestinar daudela preso espetxe sionistetan, eta pilatuta daudela presondegiak. Espetxe-Zerbitzu sionistak ulertzera eman du, gainera, kartzelak handituko dituztela, plaza gehiago izateko.
Su-etenaren akordioarekin barnean, Israelgo armadak Netzarim korridorea ireki du. Ia urtebeteko erbestealdiaren ondoren, milaka palestinar euren etxeetara abiatu dira bidaia emozional sakonean. Trumpek gazatarrak Egiptora eta Jordaniara desplazatzea proposatu du, eremua erabat... [+]
.jpg)
Igandetik indarrean da Hamasek eta Israelek nazioarteko bitartekaritzarekin adostutako su-etena. Lehen egunean 69 emakume eta 21 nerabe askatu ditu Israelek, horietako bederatzi adingabeak, eta Hamasek hiru israeldar. Gazara laguntza humanitarioko 630 kamioi ere sartu dira.
Adosturiko puntu batzuk aldatzen saiatzea leporatu dio Benjamin Netanyahuk Hamasi, baina azken honek informazioa gezurtatu egin du berehala. Urtarrilaren 15eko arratsaldean adostutakoaren arabera, hiru fase lituzke meniak eta igandean abiatzekoa dute. Bizkitartean, erasoekin... [+]
Sindikatu abertzaleko 100 bat kidek Portuko sarrera blokeatu dute Santurtzin, eserialdi baten bitartez. Ekimen horren bitartez Palestinari elkartasuna erakutsi eta genozidioa salatu dute.
Zeresana ematen ari da Rami Younis kazetari eta aktibista palestinarraren LYD animaziozko film-dokumentala. Fikziozkoa da, Israelek inoiz okupatu gabeko Lyd hirian kokatua, zeinean ez den sekula ere britainiarren koloniarik egon, eta juduak eta arabiarrak elkarrekin bizi diren;... [+]
Gazan 2023ko urria eta 2024ko ekaina artean Palestinako Osasun Ministerioak adierazitakoa baino %40 hildako gehiago izan direla azaldu dute The Lancet aldizkarian argitaratutako ikerketa batean. Zuzeneko heriotzak soilik hartu dituzte kontuan azterketan, hau da, bonbaz edo tiroz... [+]
Hussam Abu Safiya medikua askatzeko eskatu du Osasunaren Mundu Erakundeak, eta bere aldeko kanpaina ere abiatu dute sareetan. Abu Safiya medikua ez da edonor; nazioartean erreferente bihurtu da, berak zuzentzen zuen ospitalearen aurka egindako erasoak kontatzen zituelako.
Gutxienez 201 dira 2023ko urriaz geroztik Israelek Gazan hildako kazetariak. Abenduaren 26 honetan hildako azken bostak Al-Quds telebista katean zebiltzan lanean.
Ekimena abenduaren 28an egingo da Iruñeko Baluarte plazan. Goizeko 11:00etan ipuin irakurketa antolatu du Yalak La diverxa Cris ipuin kontalariarekin eta, ondoren, 12:00etatik aurrera, BDZ (Boikota, Desinbertsioa eta Zigorra) ekimenak antolatuta egingo da irakurketa.
Israel entitate sionista Palestinan egiten ari den "genozidio eta sarraski terrorista" salatzeko Lekeitioko hainbat eragilek txandakako hamar orduko elkarretaratzea egingo dute abenduaren 28an.
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Israelgo Atzerri Ministerioak igandean iragarri du Dublinen daukaten enbaxada itxiko dutela, Irlandak iragarri eta gero bat egingo duela Hegoafrikak Israelen aurka jarritako salaketarekin.
Palestinarekin Elkartasunak "sionistekin harreman oro etetera" deitu du. Kanpaina bat jarri dute abian Euskal Herriak Israelgo estatu terroristaren bizirautea bermatzen duten harreman militar, diplomatiko eta kulturalak seinalatu eta hauen etetea exijitzeko. Pasa den... [+]