Marcel Mauri Òmnium Cultural taldeko presidenteordeak jakinarazi du Kataluniako erreferenduma antolatzeagatik kondenatutakoekin elkartasunez beren buruak erruztatzeko bete beharreko txostena 10.000 pertsona inguruk jaitsi dutela.
Kataluniako hainbat auzitegitan ehunka herritar agertu dira, 2017ko urriaren 1ean antolatu zuten erreferendumaren errudun gisa egozteko beraien burua. Kataluniako preso politikoen aurkako sententziarekiko desadostasuna erakusteko sinbolo gisa egin dute. Kataluniako lau probintziei izena ematen dieten hiriburuetan (Bartzelona, Lleida, Girona eta Tarragona) aurkeztu dira pertsona horiek guztiak.
Milers de persones ja s'han inculpat als jutjats com a mostra de suport als presos polítics. Si els han condemnat per manifestar-se, expressar-se, mobilitzar-se i votar, nosaltres també som culpables d’aquest fals delicte. Inculpa't tu també: https://t.co/olpLOcq4dN#JoMinculpo pic.twitter.com/TkCi3oKCgg
— Òmnium Cultural (@omnium) October 28, 2019
Marcel Maurik adierazi duenez, “politikariak kondenatu badituzte,[ 2017ko] urriaren 1ean bozkatu genuen ia bi milioi eta erdiak edo irailaren 20an manifestazio baketsuan batu ziren guztiak ere kondenatuak egon beharko lirateke”. Òmniumeko presidenteordeak gaineratu du nahi dutela, erruztatu kopuruei begira, “historian ezagutu den kasurik masiboena izatea”.