Urtarrilaren 7a egun garrantzitsua da Italiako neofaxistentzat. Urtero hartzen dituzte hainbat hiritako kaleak 1978an tiroz hildako hiru militante faxista omentzeko, baina, batez ere, faxismoa goratzeko eta indar erakustaldia egiteko, zigorgabetasun osoz.

Alba Sidera kazetariak Twitter bidez zabaldutako bideoan ikusten dira ehunka pertsonak egindako oihu eta agur faxistak. Inolako ondorioren beldurrik gabe altxatzen dituzte besoak Italian, eta harro erakusten dituzte esbastikak, Mussoliniren irudiak eta nazien hainbat ikur.

Com cada 7 de gener des del 1978, anit els carrers de Roma van tornar a omplir-se de centenars de neofeixistes. Amb total impunitat, com cada any van desfilar en formació militar, van fer la salutació romana i van cridar consignes feixistes per homenatjar 3 militants morts.
1/5 pic.twitter.com/KhvxCpqnPN

— Alba Sidera (@albasidera) January 8, 2022

CasaPound talde neofaxistak antolatzen ditu martxa paramilitar horiek Erroman, eta urtarrilaren 7ko data baliatzen dute hiria hildako hiruren kartelez betetzeko, pintaketa faxistak egiteko, eta indarkeria erabiltzeko inpunitate osoz. Besteak beste, kazetarien aurkako erasoak ugariak izan ohi dira egun horretan, polizien aurrean, inolako ondoriorik gabe. Elkarretaratzeetan parte hartzen dute estatuko talde neofaxista nagusiek, hala nola Forza Nuovak eta Avanguardia Nazionalek.

1978ko hilketen urteurrena ospatzen dute urtarrilaren 7an. Egun hartan tiroz hil zituzten Erroman bi militante faxista, Italiako Gizarte Mugimendu faxistaren (MSI) egoitzatik ateratzen ari zirenean. Ordu batzuk geroago hil zuen hirugarrena Poliziak, tiroz, protesta batzuetan. Urtarrilaren 7an Erromako Gualtieri alkate demokratak hildakoak oroitu ditu udaletxean.