Urriaren 1ean EHUk isilpeko informazio espedientea ireki du argitzeko Gasteizko Farmazia Fakultateko Dekanotzak salatutakoa: ikasturte hasieratik irakasle batek maskara gabe eman du eskola.
Unibertsitateak informatu duenez, maskara jantzi gabe klaseak eman omen dituen Farmazia Fakultateko irakasleak positibo eman du PCR proban. Isilpeko informazio espedientea ireki diote kasuaren xehetasunak jakin eta, erantzukizunik balego, eskatzeko. EHUren arabera, espedientea hamabost egunean ebatziko dute.
Espainiako Estatuan eta EAEn indarrean den protokoloari jarraiki, EHUn nahitaezkoa da maskara erabiltzea.