Fagor Elektratresnak hondoratu ondoren geratutako enpresen taldea da Edesa Industrial eta ekainaz geroztik aurrelehiaketa egoeran zegoen. Oraintsu 144 langileei ireki diete enplegu erregulazioa eta orain 166 langile ari dira lanean bertan. Lau hilabeteko negoziazioen ondoren, ez du akordiorik lortu bankuekin, La Vanguardia-k jakinarazi duen arabera, eta hartzekodunen lehiaketa aurkeztu du.

Egunkariaren esanetan, eta Edesaren iturriak aipatuz, badira negoziazioak Edesan interesa duten hainbat inbertitzaileekin, eta hauek gauzatzen badira enpresak berehalakoan egingo du lan hitzarmenerako proposamena. Dena ondo amaitzeko, alabaina, bankuen eta MCCren –Fagor markaren jabea– konplizitatea beharko luke , CNA Groupen arabera.