EAJ eta PSE sintonia onean Gipuzkoan... Andoainen izan ezik
EAJko eta PSE-EEko Gipuzkoako buruek, Joseba Egibarrek eta Iñaki Arriolak hurrenez hurren, eta alderdi bakoitzaren EAEko buruzagi nagusi Andoni Ortuzarrek eta Idoia Mendiak negoziatzen segituko dute.
Jeltzaletasuna eta sozialismoa bikotekideak bilakatu dira erregimen frankistako ondorengo trantsizio amaigabean. Nazio proiektu antagonikoak izan arren, elkarrekin oheratzen ikasi dute demokrazia honetan.
Liskarrak liskar, adarrak adar, abarrak abar, amodio amorragarrian ikasi dute elkar jasaten. Euskal lurraldeen artean Gipuzkoa da paradigmatikoena.
35 urte hauetan abertzaleek azpijana egin diote elkarri. Jeltzaleek nazio izaerari ezin eutsiz, EH Bildu zaleek klase izaerari ezin taxua emanez, sozialistek bateko zein besteko desengainatuak bereganatu dituzte. Badira, hala ere, azpijanak eraman ezinik ezin gauzatuzko bikoterik. Lasarten duela lau urte geratu legez, gerta liteke ere Andoainen.
Donostia: EAJk lortu du boto gehien: 29.029. PSE-EEk 24.007. EH Bilduk 20.467. PPk 9.272. EAJk hiru zinegotzi irabazi ditu, EH Bilduk hiru galdu, PPk bezalaxe. PSE-EE parean geratu da. Eneko Goia jeltzalea izanen da alkate berria.
Irun: PSE-EEk 9.405 boto. EAJk 5.133. SPIk 5.106. EH Bilduk 3.486. PPk 2.196. PSEk zinegotzi bat irabazi du. EH Bilduk bi galdu eta PPk hiru. EAJ parean geratu da. Podemos/Ahal Duguren ildoko SPIk, bost zinegotzirekin, eman du danbatekoa. EH Bildu eta PP izan dira galtzaileak. Jose Antonio Santano berrindartua atera da berriz ere.
Eibar: PSE-EEk 5.596. EH Bilduk 3.210. EAJk 2.829. Irabazik 904. PPk 552. PSEk 10 zinegotzi ditu, oposizioko beste guztiek 11. EAJk bat irabazi du eta EH Bilduk bat galdu, 5 zinegotzi dituzte. Irabazi zinegotzi batekin sartu da udalean. PPk zituen biak galdurik, kanpo geratu da. Eibar sozialisten plaza historikoan Miguel de los Toyos alkateak segituko du karguan.
Errenteria: EH Bilduk 5.938 boto. PSE-EEk 5.276. Errenteria Irabaziz-ek 3.518. EAJk 2.725. PPk 877. EH Bilduk 7 zinegotzi ditu PSEk bezala. Errenteria Irabaziz-ek 4. EAJk 3; zeuzkan biak gorde ditu. PPk zituen biak galdu. EH Bilduko Julen Mendoza berretsia izanen da alkate karguan, Errenteria Irabaziz-en sostenguari esker.
Lasarte: PSE-EEk 2.540 boto (7 zinegotzi) EH Bilduk 2.365 (4). ADLOPek 1.480 (3). EAJk 1.428 (2). PPk 477 (1). EH Bilduk izan ezik, alderdiek zinegotzi kopuru bera dute. Ezkerreko ADLOP sartu da lau zinegotzirekin. Lasarteko soziologia ez da aldatu, aldatu dena da EAJren jarrera EH Bildurekiko. Duela lau urte EH Bilduk alkatetza eskuratu zuen tokiko jeltzaleen sostenguari esker. PSEko Jesus Zaballos izanen da alkate berria.
Pasaia: PSE-EEk 2.146 (5). EAJk 2.001 (5) EH Bilduk 1.834 (4). Pasaiak Ahal Du 1.113 (3) PPk 327. PSEk eta EAJk bina zinegotzi irabazi dute. EH Bilduk lau galdu. PPk bi galdu eta kanpo geratu da. Pasaiak Ahal Du sartu da indartsu. PSEko Izaskun Gómez izanen da alkate. Euskaraz poliki funtzionatu bide duen udalean, alkatea erdaldun elebakarra izaki. Funtsean, Irunen, Eibarren eta Lasarten bezalatsu.
Zumarraga: PSE-EEk 2.626 (8). EH Bilduk 974 boto (2). EAJk 893 (2). Irabazik 417 (1). PPk 155. PP kanpo geratu da. PSEk irabazi du “haren” zinegotzia. Irabazik EH Bildurena bildu duen bezala. Grosso modo, udalerri honetakoa lagin gisara hartu daiteke. Mikel Serrano sozialistaren gehiengoa osoa da, erabatekoa. "Serrano efektua" deitua.
Andoain: EH Bilduk 2.112 (6) PSE-EEk 1.887 (5). EAJk 1.750 (4) Ganemosek 555 (1). Irabazik 442 (1) PPk 289 (1). EH Bilduk zinegotzi bat galdu du EAJren mesedetan. Ezkerreko indar berriek bana irabazi dute. PPk zeukana galdu. EH Bilduk irabazi arren, PSEk bere hautagai Maider Lainez nahi du alkate. EAJk babestu beharko luke, baina sozialistek ez dute “tokiko jeltzaleen” sostengua bereganatu orainokoan.
Hernani, Oñati, Antzuola, Azpeitia edota Oiartzun EH Bilduko plazak dira.
Arrasate, Eskoriatza, Aretxabaleta, Bergara, Azkoitia, Zarautz eta Zumaia, EH Bilduko plazak izatetik EAJrenak izatera pasa dira.
Gipuzkoako zentraltasun politikoa –edo ohatzea– jeltzale/sozialistena da. EH Bilduk espazio zabala hartzen du lurraldean, baina ez da behar lukeen bezain egoki ohatzen. PP ohatzearen ertz batetik zintzilik dago. “Nazio” gabeko ezkertiarrak eskalatzen ari dira beste ertzetik.
Nafarroako Parlamentuko zarata politikotik at, Uxue Barkos lehendakariak gizartea lasai dakusa. “Kalera ateratzen bazara, jendea lasai ikusten duzu, lasaitasunez hartzen dute azken lau urteotan gizartean gertatu den aldaketa sakona”, adierazi du Barkosek,... [+]
Nafarroako Foru hauteskundeak maiatzean izanen dira. EiTB Focusek egindako inkesta baikorra da oro har, gaur egun, Nafarroako Gobernuan ari den koalizioarentzat. Iruñeko Udalean ordea, egungo gobernuaren jarraipena kolokan liteke.
Nafarroako Ahal Duguko bozeramaile ohiak bere kontra abiatutako prozesua salatu, eta aldaketa arriskuan ez dagoela azpimarratu du.
Eremu mistoko hainbat herritan egingo dute kanpaina. Herritarrak instituzioei zonifikazioarekin amaitzeko eskabidea egitera bultzatu nahi dituzte.
Nafarroako Parlamentuko Bozeramaileen Batzordeak ferietako liskarragatik auzipetutako gazteen kontra fiskaltzak egindako zigor eskaeren aurka egin du.
Nafar Gobernuak energia plan berria aurkeztu du “2030 Ikusmuga Plan Energetikoa” zirriborroan. Energia berriztagarrien erabilpena %21etik %51ra handitzeko asmoa duen arren, planak Castejóngo zentral termikoak ixteari buruz ez duela ezer esaten salatu du... [+]
Hainbat sindikaturekin batera egindako agerraldian Nafarroako Gobernuari galdegin diote Madrilekin mantentzen ari den negoziazio eteteko eta "tren soziala zehazteko", herritarrei "parte hartzeko aukera" emanda.
Foruzaingoaren jarduna eraberritu eta gomazko pilotak ez erabiltzeko erabakia bururaino eraman dute, Ertzaintzak eskainitako bi prestakuntza ikastaro jasoz eta material berria eskuratuz.
UPN, PPN eta Ciudadanosekin batera parte hartuko du PSNk ekainaren 3ko manifestazioan. Nafarroako bandera defendatzeko aitzakiarekin egin dute bat deialdiarekin. Alderdiaren militante batzuek desadostasuna adierazi dute.
Nafarroako eta Espainiako Gobernuek AHTaren inguruan “ez-betetze klausulak” sinatzea proposatu du Iñigo De la Serna Barne Ministroak. Manu Aierdik ontzat hartu du proposamena: "Izugarri ona iruditzen zait ardura duena behartzea sinatutakoa... [+]
Mugikortasun planak sortu ditu desadostasunak. Ostegun goizean Podemosek, Aranzadik eta Izquierda-Ezkerrak agerraldia eginen dute. Joseba Asiron alkateak desadostasunak onartu ditu baina harrituta azaldu da udal gobernuaren krisia dagoela entzutean.
"Zigortzailea eta murriztailea" den legea bertan behera utziko dute Gobernua babesten duten lau alderdiek. 2003. urtetik dago abian Ikurren Legea, baina orain, Udalen autonomiaz baliatuta, udalerri bakoitzak erabakiko du zein ikur jarri erakunde ofizialetan.
Nafarroan 2003tik indarrean dagoen Ikurren Legea baliogabetu egingo du foru gobernuak, hura sostengatzen duten lau indarrek (Geroa Bai, EH Bildu, Podemos eta Izquierda-Ezkerra) hala adostu eta gero. Zigorrik eragingo ez duen lege berria sortzeko prozesu parte hartzailea iragarri... [+]
Nafarroan 2003tik indarrean dagoen Ikurren Legea baliogabetu egingo du foru gobernuak, hura sostengatzen duten lau indarrek (Geroa Bai, EH Bildu, Podemos eta Izquierda-Ezkerra) hala adostu eta gero. Zigorrik eragingo ez duen lege berria sortzeko prozesu parte hartzailea iragarri... [+]
Vascuencearen Legearen 30. urteurrenean Kontseiluko idazkari nagusiak esan du "ospatzeko deus ez dagoela, gehiago dagoela lege horrek utzitako ondorio latzen inguruan ohartarazteko”.